الموضوع: اشتريت 4 فرد تركى هذا الاسبوع

الكاوتش اليوم
15-5-2012

هههههههههههه العنوان زى ما تقول كده "اخباراليوم"

من يومين العجلة ضربت وانا ماشى بالليل والطريق كان سريع وربنا ستر
هههههههههههههه
احسن حاجة فى الموضوع ده كان معايا اصدقاء فى العربية
والحمد لله عملوا معايا واجب كبير فى تغيير العجلة

هههههههههههههه
خصوصا انى تقدروا تقولوا عجلة نايمة وكبير فى السن

المهم قلت لنفسى العمر موش بعزأة .... موش عارف كلمة بعزقة تتكتب ازاى ههههههههه

المهم
قلت امرى لله انزل واشترى فردة جديدة

رجعت تانى افكر
انا من شهرين ثلاثة الحوار ده حصل معايا

الحكاية كده موش صدفة
اكيد الكاوتش اللى راكب ... عايز يقول لى سمعنى "بودعك"

قلت خلاص اتوكل على الله واشترى 4 جداد مرة واحدة
وكان فيه واحدة راكبة جديدة من كام شهر ... هاخليها استبن

كده احسن ما دام الواحد بيمشى فى مناطق سريعة وكمان بعيد عن البيت

يعنى لو كان الوحد بيمشى مشاوير صغير بجوار البيت وعلى سرعة عادية
كنت كبرت دماغى واشتريت فردة مستعملة حتى

الخلاصة:
ذهبت الى "اشرافكو" اللى موجود خلف جامعة الازهر فى الحى السادس

عنده مكان واسع ومريح

واول طلب سألته للراجل
ههههههههههه
قلت له: انا من الآخر موظف هههههههههههههه وعايزك تجيب معايا من الآخر الله يكرمك
الراجل ضحك وقال لى: عندى اندونيسى تقريبا كان الفردة بــ 310
والتركى : الفردة كانت 325
وحاجة تالتة موش فاكر ايه هى كانت عاملة 375

قلت له: فرامل على كده ... حلو قوى

راح الراجل مركب التركى بـــ 325 الفردة

قلت موش مشكلة
لانى ركبت فردة تقريبا تايلاندى من 4 شهور كانت ثمنها بالتركيب 325

لكن للأمانة اشرافكو ركب الكاوتش وكمان ترصيص وبلف ونيتروجين
ودى اول مرة انفخ العجل نيتروجين
وبرغم ان الجنوط تعبت الراجل شوية .... لكنه لم يستسلم
وركب وكله تمام التمام والحمد لله

على فكرة الكاوتش كان ماركة
star max
ومقاسه
175 - 70 - R13

ربنا يسهل ويكون كاوتش كويس
خصوصا اننا غلابة
الحمد لله على كل حال

مع اطيب التمنيات
اخوكم حسين غزالة

ههههههههه شكرا لحضراتكم
لكن انتم عارفين كلم ان البائع مافيش حد يغلبه
قلت اقول له من الآخر انا موظف عشان احاول اجيب معاه من الآخر

المفاجأة
ان لى زميل فى العمل
ركب 4 فرد كاوتش عريض تقريبا لعربيته
ههههههههههههه بس الفرق ما شاء الله ولا حول ولا قوة إلا بالله
الراجل معاه هوندا سيفيك حديثة .... ربنا يبارك له فيها
واكد لى ان الكاوتش اللى ركبه كان ماركة star max

نفس النوع اللى انا ركبته ... لكن الفرده اعتقد اشتراها بعد مفاوضات على 400 جنيه تقريبا

ملحوظة: الكاوتش اللى كان راكب فيها كان كاوتش عريض شوية لكن ارتفاعه منخفض ... بعد ما ركبت الكاوتش الجديد ... ِشعرت ان ارتفاع العربية زاد شوية ... وشعرت بكده فى المطبات .... انتم عارفين ان العربيات اليابانى ارتفاعها منخفض واى مطب بيعمل معاها واجب ههههههههه

بالنسبة لمحل اشرافكو اللى موجود خلف جامعة الازهر فى الحى السادس
عنده مجموعة رهيبة من الجنوط

يعنى تقدر تقول معرض يا معلم
واللى بيفهم فى الحاجات دى ... اكيد هايستمتع جدا

اما الغلابة اللى زى حالاتى
كفاية عليهم 175 -70 R13
ههههههههههههه

وربنا ييسر الاحوال
لو عرفت حاجة تانية هاقول لكم إن شاء الله

مع اطيب التمنيات
اخوكم حسين غزالة