الموضوع: (((( نظام الدحرجة و الزحلقة لتوفير البنزين )))

المشاركة الأصلية كتبت بواسطة SEATLOVER

دى مابيعملهاش غير اساتذة فى السواقة
وبتجيب نتايج هايلة ..شرط دقة التوجية وتقدير المسافات

يا باشا انت منورنا على طول انا فعلا متمكن منها جدا بحس بسرعة العربية و المسافة الفاضلة لحد مقف جربها انت بس و ميهمكش الكلاكسات الى حتسمعها وراك :embarrassed2:

المشاركة الأصلية كتبت بواسطة casber

انا تقريبا مستوعب الفكره
بس شكلها كده وجع دماغ وعاوزة طرق فاضية

انت اكيد فى اى ملف او مطب حتقف يبقى لية تفضل دايس بنزين لحد ما توصل للملف او المطب و تقوم مفرمل بتضيع بنزين على الفاضى

المشاركة الأصلية كتبت بواسطة hero

هي تنفع اكتر علي طرق السفر....
بس يا تري كتر الفصل والتوصيل علي الفتيس ....يعني تنقل وتمور وترجع تنقل تمور...
دي مش هايكون ليها تأثير علي الفتيس...او التروس...حاسس انها هاتخلص علي الفتيس بدري بدري....ولو دة حصل ....يبقي استهلاك البنزين ارحم...

لا انت مفروض بتعملها لما تعرف انك حتوصل لسرعة الغيار الاول او التانى فى حالة المطب او الملف فطبيعى انت حتغير الجير لا محالة فمفيش اى تاثير خالص
اطمئن

المشاركة الأصلية كتبت بواسطة tamohsen

طبعا فكره ناجحه وكنت عاييش عليها سنين
بس خاللي بالك لو اضطريت تفرمل فجأه
العربيه بتاخد مسافه اطول عشان تقف
وبتحس ان العربيه عايمه شويه

لا مش للدرجة دية خالص انا مش راكب عوامة دى عربية يعنى ماسكة نفسها

المشاركة الأصلية كتبت بواسطة khalid_adel

انا بعمل الموضوع ده من زمان لما اكون خلصت البنزين وانا عالدائري او راجع من اسكندريه ولا عين السخنه والبنزين مش حيكفي قوي بس فعلا بتوفر حلو وبتظبط البنزين
بس ده لما اكون مزنوق في البنزين بس غير كده لايمكن اعملها لاني مش بستحمل كده اصلا (ممله ومتعبه)

يعنى من كلامك الطريقة دى بتنفع فى وقت الضرورة ليها

المشاركة الأصلية كتبت بواسطة kewies

طب انا بارفع رجلى من على البنزين و اسيبها تمشى بس من غير ممورها .. هل هية هية و للا اية ؟

صح يا باشا بشرط انك حتكون حتقرب من حته حتقف فيها او تجيب الاول او التانى

المشاركة الأصلية كتبت بواسطة Adham_Sabry

اعتقد دي غلط .. لأن في منزل الكوبري سرعه العربيه هتزيد (مش هاتقل زي باقي الحالات) يعني العربيه ممكن تاخد سرعه اعلي من سرعه الغيار (لما تعشق تاني)
يعني علي المدي البعيد ممكن تسبب مشاكل في الديسك والموتور
هذا والله اعلم

كلامك صح ان العربية حتاخد سرعة اكبر من سرعة الجير الى قبليها قبل صعودك الكوبرى

بس انا قولت تعملها بس لما سرعتك توصل للغيار الاول و التانى تعشق من جديد

انت لما تنزل من الكوبرى مفروض العربية حتمشى مثلا 3 كيلو على الاقل لحد ما توصل لسرعة الغيار التانى

المشاركة الأصلية كتبت بواسطة atamim

يا باشا انت منورنا على طول انا فعلا متمكن منها جدا بحس بسرعة العربية و المسافة الفاضلة لحد مقف جربها انت بس

انا ماشى بيها على طول اصلاً .. ولو اتعودت عليها مش هاتحس بأى فرق و ما لهاش اى تأثير عاى الفتيس بالعكس دى بتريح كل اجزاء العربية من فرامل و تيل و طنابير و كبالن و عفشة ....
هى تقدير مسافات و تحكم بس ..وتعتبر من قواعد القيادة السليمة و مذكورة فى بعض المانيوالات
وبتجيب نتيجة فى توفير البنزين بتوصل لى اكتر من 20% من الاستهلاك

[اقتباس:

كنت بحب جدا كمان أصفر عداد الرحلات وانا بمور و أشوف هتعمل معايا أد ايه... و كل يوم أحاول أضرب الرقم على نفس المنزل أو المنحدر ده



تحريك العداد اثناء سير السيارة يتلفه . وحصلت معايا ان العداد تلف لهذا السبب.

تعلمت فكرة تموير السيارة قبل اشارات المرور والمطبات والملفات وعند الإحتياج لتهدئة السرعة ، من محاضرة صيانة فى إحدى مدارس المرور بالجيزة منذ 25 سنة. واصبحت هذه الفكرة جزء من طريقتى فى القيادة . ومفهوم طبعا انها بالإضافة إلى توفير البنزين تقلل من فترات سخونة الموتور واستهلاكه ، ولم الاحظ انها قللت عمر الدبرياش او الفتيس . وعيبها بالنسبة لى انها تتعب الركبة الشمال لما تكون دواسة الدبرياش تقيلة.