الفيستا المتوفرة في مصر هيا 1100 او الفيستا كلاسيك و تم استيراد السيارة من مصنع اسبانيا بصفة عامة بدون وجود لانواع كثيرة منها و كانت سيارة فاضية تقريبا يعني مفيهاش غير سنتر
و ديه موتورها 1118 سي سي و قوة حصانية 50-55
و ديه تعتبر الفيستا الابسط في كل حاجة و بها موتور كاربراتير بدون اسبراتير
و فيه مواتير استيراد منها فيها اسبراتير و بتشتغل على ابلاتين و كوندسر بيجو ديه مواتير بترجع لموديلات 89 من العربية ديه
وبعدين عندنا فيستا mk4 و ديه في منها نوعين المنتشرة تسمى 1300 ( بطتى :) ) و نوع تاني 1250 و شكل الفنوس مختلف و شكل الاكصدامات تم استمرار الانتاج من 1995 حتى سنة 2002
المتوفر في مصر من سنة 97 حتى 2000 و فيه فلتات من 2001 و 2002
طيب نيجي للمواصفات
1300 موتور انديور رباعي الاشواط ب 8 صباب بس 59 حصان و شغال بنظام تكيهات بيانو و كاتينة جنزير و العربية في اغلب الاحيان بتكون كاملة مانيوال عدا الازجاج الخلفى و فيه موديلات في 2000 كانت بتنزل فاضية
تم استيراد السيارة من مصانع المانيا مو 97 و 98 و اسبانيا 99 و ديه الاكثر انتشار
و نيجي للمحروسة بقي 1250 سي سي موتور زيتيك 75 حصان بتشتغل بنظام تكيهات كوستبان 16 صباب و كاتينة كاوتش
نتيجة لفرق التكنولوجي بين الموتور 1300 و 1250 يوجد فرق اسعار و صعوبة صيانة و من ناحية توفر قطع الغيار الانتشار القليل للـ 1250 فانتشار قطع غيارها اقل شوية خصوصا في حالة الاستراد
المفضلات