انا مش كدة والله :dzey:
بس هو أستفزني جامد
عرض للطباعة
طول ماحنا عايشيين في غابة لازم تبقى وحش. الحل تاخد حقك بدراعك. أبسط حاجة زلطة في الإزاز الأمامي ولا مطوة في الكاوتش.
عليه العوض و منه العوض
و الله يا أخي إنتي قهرتني بالموضوع بتاعك ده
لأنه ممكن يحصل معايا و مع غيري
مش عارف ساعتها ممكن اتصرف إزاى
البلد بااااااظت و يارب الإتخابات تخلص علي خير عشان الدنيا تتعدل
بس هتتعدل لما يجي رئيس ..؟ أو المكشلة في وجود رئيس من عدمهم ؟؟؟ الله أعلم
يبقى كده بقى لو حد خبطني (طالما ما فيش شرطة) أضربه رصاصتين من مسدسي أفرقعله التانك ويتكل على الله، طالما وصلت لكده، وابقى خلي ضابط يفتح بقه، والله حلال اللي بيتعمل فيهم
تقريبا حال البلد بقي كلها كده اللى يعرف يبلطج يبلطج انا هاحكى على موقف حصل مع واحدة قريبتي من يومين اوتلاتة كده راكبة عربيتها فى امان الله وقافلة على نفسها ازازها وجت فى اشارة الدقى الاشارة مرة واحدة قفلت فوقف ادامها موتسيكل مرة واحدة راكب عليه واحد عنده بتاع 35 سنة وامه راكبة وراه هيه لحقت نفسها وفرملت لانها شايفة الاشارة وداخلة بالراحة فيادوب ريحت على الموتسيكل بمعنى انها ريحت ولا الراجل وقع ولا امه وقعت ولا حصل لهم اى حاجة تخيلو يعمل معاها ايه نزل قعد يخبطلها على العربية ويقل ادبه كل ده فى الاشارة فتحت له الازاز وبتقوله انت فرملت مرة واحدة وانا على قد ماقدرت فرملت انا كمان وبعدين انت جرالك حاجة ومهما تقول بقى مقولوكوش على اللى عمله تقريبا كده الواد بتاع محارة راح مكسرلها البربيز بتاع العربية وخبط وهبد على العربية وراح شاددها من شعرها وراح مديها بالروسية طبعا محدش هيصدق اللى انا بقوله بس ده اللى حصل راحت مطلعة الاليكتريك اللى معاها وكهربته بيه والموضوع مخلصش لحد كده جه البوليس وسحب العربية على القسم ونسيت اقولكم ان امه اللى كانت راكبة وراه طبعا مش ساكتة هو كل اللى يركب عربية يدوس على الناس ولا عشان ربنا اداكى وكلام من هذا القبيل طبعا راحو القسم وهناك اتقبض عليه هو وامه المهم كل اللى حصل فالشارع ومحدش حرك ساكن بنت تتضرب ويحصل فيها كل اللى حصل وكله بيتفرج المهم لما راحو القسم كلمت خطيبها وكلمت باباها خطيبها كلم اخوه ملازم شرطة وبنت عمتها جوزها رائد شرطة المهم راحو القسم وقالتلهم انا مش هتنازل عن المحضر ده لازم يتربى ومن هنا لهنا ام الواد لقت الموضوع ابتدى يوسع راحت مدية امين الشرطة فلوس وسابها مشيت المهم اخو خطيبها وجوز بنت عمتها قلبو القسم على الست اللى مشيت دى وعرفو ان الواد اساسا من بولاق الدكرور وابوها خاف عليها وقالها اتنازلى بدل مايعملو فيكي حاجة بعد كده وطبعا فى الاخر اتنازلت ودى مثال حى للى ممكن يحصل فالشارع وبيحصل
لا اله الا الله
ربنا معاك و يتولاك برحمته
لا حول ولا قوة الا بالله
أنا بقي النهاردة اتسرق مني الايفون و انا قاعد جوه العربية الساعة 2 الظهر و بمنتهي البساطة!!!
كنت راكن العربية و ماسك التليفون و مرة واحدة حسيت بخبطة من ورا....رحت رامي التليفون علي الكرسي جنبي و نزلت اشوف في ايه لاقيت واحد راكب موتسيكل و بيقولي انا اسف و بصيت مالقتش حاجة حصلت للعربية و بعدين قالي عايز اروح المعادي لسه هارد عليه لاقيت واحد نزل من علي الرصيف و بيوصف له الطريق...سبتهم و ركبت العربية بابص علي الكرسي مالقتش التليفون...طبعا انا عارف ان التليفون كان في ايدي و مش متخيل ان يكون وقع مني و استحاله يكون الواد خده لاني كنت واقف معاه ورا العربية...بابص في التابلوه لاقيت علامة الباب اليمين مفتوح!!!!! و طبعا فهمت اللي حصل و ان الراجل اللي نزل من علي الرصيف كان معاه..طبعا كان فات حوالي نص دقيقة و طبعا طلعت بالعربية خدت الشارع رايح جاي و طبعا كانوا اختفوا !!!!
بس الحمد لله...قدر الله و ما شاء فعل...كان ممكن العربية تتسرق ولا اعمل حادثة...الحمد لله علي كل شيء
لا حول ولا قوة الا بالله .. استاذ سمسم
واضح ان دي اول خبطة لعربيتك صح ؟؟
لان الكلام دة من زماااااااااان ف مصر
ودة اللى متعودين علية
وعن نفسى بتصرف زي حضرتك بالظبط
بس على حسب الخبطة لو قليلة او كبيرة
بجري وراة وزي ما تيجي
بل وجبت طبنجة رميها ف العربية عشان الاشكال دي
الحل الوحيد للاسف هو التأمينات الاجبارية على كل العربيات
وقت ما يحصل حادث شركة التأمين تتحمل الاصلاح وانتهى الامر
بس ده مش شىء جديد
اولا انت كان المفروض كنت من الأول كبرت دماغك ورجعت بعربيتك ويادار ما داخلك شر
خاصة الأيام دى الدنيا لايصة والعالم دى منتهى السفالة وقلة الأدب .
ثانيا لو كنت عاوز حقك فعلا بعد ما كنتش كملت ووقفت بعربيتك قدامه وطلبت النجدة
ثالثا الأيام دى تكبر دماغك فى الحالات دى لانه كان ممكن يعملك 100 مشكلة وكارثة