الموضوع: أنا Vs حرامي

سبحان الله ده حرامي ورخم بجد

المفروض كنت تمشى على طول و تروح على القهوة و تجيب كام واحد و ترجعوا تمسكوه
بس اللى عملته ده فيه مجازفة كبيرة لأنه كان ممكن يكون معاه واحد صاحبه واقف بعيد

أنا عارف ان اللي عملته "نظريا" مش صح 100% وانا قلت اني ماكنتش عارف التصرف الصح.. وده طبيعي لأكتر من سبب.. سواء لأنه كان مبرشم أو لأن الساعة قربت من 1 الصبح والواحد أساسا دماغه وقفت أو ان مين حايطلع من قهوة الساعة واحدة الصبح عشان يمشي ورا واحد بيقوله فيه حرامي ف شارع مقطوع هنا تعالي نمسكه مع بعض!! أعتقد لو أي حد فيكم قاعد ع القهوة حايقولي "طب ما القسم مسافة 200 متر قدام (القسم اللي العساكر فيه خايفة أساسا)" أو بالميت حايقولك اتصل بالبوليس فا جيبتها من قصيرها.. وبعدين الخوف أكتر لو اتبلي عليا هو كمان وقلبت بينا احنا الاتنين ف القسم وبصراحة الواحد مش ناقص..

الحمد لله انها جت علي قد كدة.. وكفاية ع الواحد البهدلة.

المشاركة الأصلية كتبت بواسطة osama.m

هوا حس انك خايف منه فا عمل كدا .. لو كان معاك حد كانت هتفرق كتير
ومتفكرش بعد كدا تقف لحد منهم حتى لو معاك اليكترك .. انت مش ضامن هوا ممكن يعمل اية

الالكتريك اللي معايا أبو شومة زي بتاع الشرطة واحد جايبهولي من الخليج.. وموش أول مرة استخدمه. بس من غير أي حاجة أدافع بيها طبيعي اني اتراجع.

المشاركة الأصلية كتبت بواسطة axel

ينطبق مثل العكس في التاكس هههههههههههه
دول اساسا جبناء جداااا لوشافوا حد قلق منهم بيفردوا نفسهم انما لو شايفين واحد نافخ نفسه او معاه حد بيقلقوا و بيجروا
و الافضل في الموقف ديه تشوف اي حد يكون قريب منك يقفوا معاك و تعملوا عليه كماشة اول حاجة ايديه الاتنين تتمسك و محدش يجي من وشه لأ من جنبه اليمين و الشمال لأن بتكون أصعب في التعامل فميقدرش يجري و تمسكوه و كويس و حتي مقاومته هتكون ضعيفة ع عكس لما تكون قدامه ممكن باي حاجة في ايديه يلوش او اقل حاجة بالشلوت و يجري انما كماشة يمين وش مال ورا المعلم اتزنق

المشاركة الأصلية كتبت بواسطة mshmshm3

الصح كنت مشيت بسرعة من غير ما ياخد باله علي القهوة اللي انت رحتلها و جبت من عليها 5 او 6 و روحت للمكان اعتقد ماكانش لحق يخلص العربيات اللي في الشارع و كان اتعمل عليه كماشة و مايتسلمش للشرطة يتاخد حق كل العربيات اللي اتسرق من الاسكندرية منه

الكلام ده ماينفعش ف الوقت اللي كنت فيه.. مافيش حد حاييجي معايا الساعة 1 بالليل ندور علي حرامي

المشاركة الأصلية كتبت بواسطة فتح الباب

غريبه مع انك انت كده كنت قريب جدا من قسم المنشيه ومجمع المحاكم شىء غريب فعلا والاغرب انك لو رحت تجيب عسكرى يجرى منك لجوه القسم هو حضرتك ساكن فين فى بحرى اصلى انا بقضى معظم وقتى فى قلعة قايتباى لوحدى

أنا ساكن العمارة اللي ورا قسم الجمرك.. ومجمع المحاكم في الحالة اللي انا كنت فيها كان من الناحية التانية وقسم المنشية العساكر فيه بيخافو من بعضهم.

المشاركة الأصلية كتبت بواسطة mr_vampire

علي فكرة هو عمل كدة لانه حس منك انك مهزوز شوية. اي تصرف منك ولو بسيط كان هو اللي هيخاف لان الحرامي بطبعه جبان....

ولو ماتهزش يبقي انا اتعلم عليا هههههه

المشاركة الأصلية كتبت بواسطة land_cruiser

اديك عملت خير و ثواب فى حد كانت ممكن تتسرق عربيته. الواحد ما ينفعش يسكت عن الحق و اللى بيخللى الاشكال دى تنتشر انهم عارفين ان الناس بتخاف منهم على عكس الطبيعى و لو الناس بطلت سلبيه هيتلموا و يطلعوا يجروا تانى من الناس بدل ما بقوا الحراميه هما اللى بيجروا ورا الناس اللى بتحاول تمنعهم

والله الحرامي بقي بجح بدرجة غريبة.. كنت ماشي وخايف لا هو اللي يزعق "حرااااااامييييييي)

المشاركة الأصلية كتبت بواسطة sha2e

كان ماشي وراك عشان يقلبك وياخد الى معاك " موبيل - فلوس - ساعه "
ولما دخلت القهوة دخل وراك القهوه عشان يقولك فيما معناه "معدتش تعمل كده تاني"
لانه صعب انه يعمل معاك حاجه بعد ما ناس كتير شافوه داخل وراك القهوه وممكن يتعرفو عليه بعد كده
اتوقع ان الواد ده مسجل ودي منطقته

واحدة من الأفكار اللي جت ف دماغي بس ربنا ستر..

المشاركة الأصلية كتبت بواسطة ahmed1006

سبحان الله ده حرامي ورخم بجد

المشاركة الأصلية كتبت بواسطة Elawany13

ياخبر اسود على البلد اللى خابت وسنينها السودا
وبعدين فى أولاد الحراااااام دول !!!!

كلهم دلوقتي رخمين والله.

المشاركة الأصلية كتبت بواسطة OMAR61995

المفروض كنت تمشى على طول و تروح على القهوة و تجيب كام واحد و ترجعوا تمسكوه
بس اللى عملته ده فيه مجازفة كبيرة لأنه كان ممكن يكون معاه واحد صاحبه واقف بعيد

والله زي ما قلت فوق ماكنش حد حاييجي معايا الساعة 1 بالليل.

ألف شكر علي الردود والتفاعل.. بس بجد الواحد كدة حايشتري stun gun صغير يمشي بيه ف جيبه

الايام اللي احنا فيها دي الدم بقى رخيص اوي عند الناس
ابسط شئ هيطلع مطوه ويعورك وابقى روح دور على قسم اصلا تعمل فيه محضر
للاسف الحرامية بقوا بجحين لان مفيش شرطة بالشارع قاعدين في مكاتبهم خايفين ينزلوا
وانا مش بتكلم بشكل عام لا ابدا في ناس عندها ضمير وبتستشهد يوميا وفي اللي كانوا داخلين وسطه اصلا
ولو انت ظابط ولابس الميري كان هيجي عليك برضه ويبجح معاك ومش هيهمه
لان باختصار دي منطقته وعارف ان مفيش حكومة
التصرف اللي انت عملته سليم لانك لوحدك ومش طالبة بصراحة الواحد يروح فطيس
طبعا اي حد في الحالة دي بيتشل تفكيره تماما
بس كان الافضل تروح لاي بواب او اي حد تلاقيه وتتكاتروا عليه وياخد التمام