موقف جابلى إكتئاب................تعملوا ايه لو كنتوا مكانى....؟

**Dr.cairoky** · 19-05-2012 02:45 PM

السلام عليكم ورحمة الله وبركاته،،،،،،،،

حصلى موقف غريب أوى اوى أوى يوم الخميس (17-5-2012) اللى فات ده والله العظيم لحد النهرده مش عارف أصدقه ومش عاوز افكر فيه خااااااالص..........انا بقالى ساعتين تلاته قاعد فى الشغل ومليش نفس أعمل أى حاجه خالص وعمال أدور على أى حاجه على المنتدى أقراها تشغلنى لأن نفسيتى قافله خالص من أول امبارح ومش قادر أصدق الموقف ده...........!!!!!!!!

انا هحكيلكم الموضوع بإختصار وعاوز رأيكم لو مكانى هتعملوا ايه وهتتصرفوا ازاى......؟؟

يوم الخميس بعد ما خلصت الشغل وروحت البيت...........نمت شويه وصحيت أخدت مراتى وابنى ونزلت مشيتهم شويه بالعربيه واتعشينا بره وبعدين وديتها شويه عند مامتها هى والولد وروحت انا اقابل صحابى على القهوه كالعاده يوم الخميس يعنى.

أنا ليا 3 صحابى انتيمى من ايام الثانوى العام - انا عندى حاليا 29 سنه - يعنى بقالنا مع بعض حوالى 15 سنه تقريبا بايتين مع بعض واكلين مع بعض مسافرين مع بعض حتى لما ربنا كرمنا واتجوزنا كلنا بقى مراتنا صحاب بعض الحمد لله.

روحت قعدت على القهوه وكان فيه اتنين بس من صحابى الانتيم دول على القهوه مستنينى.......روحت لقيتهم بيلعبوا طاوله وكان واحد من صحابى جايب معاه ابن خالته.

ابن خالته ده - الله يسامحه على اللى عمله - بحكم انى انا وصحابى عشرة 15 سنه فتقريبا انا عارف كل عيلته واحد واحد وهوا كمان عارف عيلتى كلها.

انا عارف من زمان ان ابن خالته ده ربنا يهيده كان بيشرب مخدرات واتعالج والمفروض ان ربنا هداه يعنى وبقى انسان محترم.

المهم دخلت سمت عليهم كلهم واستنيت لما واحد منهم اتغلب فى الطاوله وقام ودخلت انا العب مكانه ، يعنى بقيت اما وواحد صاحبى بنلعب وبيتفرج واحد صاحبى برده وابن خالة صاحبى اللى انا بالعبه طاوله ده.

مفيش ربع ساعه كلمت مراتى وانا بلعب واطمنت عليهم انهم كويسين وقلتلها ان قدامى ساعه كده واعدى عليكى اخدك.

بعد ما قفلت بخمس دقايق لقيت ابن خالة صاحبى ده بيقولى ممكن موبيلك أعمل دقيقه بس لأن رصيدى خلص، قلتله اتفضل ياباشا طبعا اعمل نص ساعه كمان مش دقيقه بس ومش فى دماغى اى حاجه خالص وبنضحك كلنا ، الموبيل بتاعى ده سامسونج جالاكسى يعنى وكانت مراتى جيبهولى هديه من حوالى شهر بس.

ابن خالة صاحبى خد الموبيل يتكلم بعيد واحنا قعدنا كملنا لعب عادى خااالص........وخصلنا عشرة الطاوله وبرده لسه بيتكلم.......شويه ببص عليه حوالين القهوه مش لاقيييييييييه........!!!!

لقيت صاحبى ده وشه اتقلب يعينى وبقى دم........واتصل على موبيلى الاقيه اتقفل............!!!

أقسم بالله العظيم أنا حسيت احساس عمرى ما حسيته قبل كده بالقرف والحزن والإكتئاب كل ده فى احساس واحد فى لحظه وحده....!!!!

صاحبى ده راح مكلم ابن خالته على موبيله لقاه قفل تليفونه هوا كمان ومش موجوده حوالين القهوه خاااااااااااااااااااالص....

صاحبى راح مكلم خالته اللى هيا أم الواد ده وقالها هوا ابنك فين..........قالتله انه لسه مكلمها من ربع ساعه وقالها ان موبيله بيفصل شحن وانه مسافر العين السخنه مع صحابه......!!!

أنا قلتلهم انا داخل الحمام وجاى على طول...........قمت ركبت العربيه ومشيت رحت جبت مراتى وروحت ومردتش اقولهم انا ماشى لانى مش قادر اشوف صاحبى أقسم بالله صعبان عليا أوى وهوا مش قادر يبص فى وشى وهوا بيلكم خالته وبيدارى وشه.......

مراتى طول الطريق مالك ماللللللللك ماللللللللللللك...؟؟؟..قلتل� �ا الموبيل اتسرق وانا فى البنزينه.....قالتلى فى داهيه فداك..........مهو هقولها ايه يعنى مهى عارفه صاحبى اوى اوى ومرات صحبى تبقى صحبتها أوى......!!!!!!!!!!!

أقسم بالله بحكيلكم وأنا عندى حالة قرف غريبه من الناس كلها أوى..........هوا فعلا بقى فيه ناس كده........المصيبه انه ابن ناس اوى اوى اوى وانا عارفهم كويس أوى........صاحبى ده أساسا فداه مليون موبيل والله لأنه رجولة الدنيا كلها.......أنا والله أكتر حاجه مزعلانى اوى صاحبى اللى الزفت ده ابن خالته........لأنى عرفت ان يومها قام من على القهوه وروح وهوا عمال يعيط ومش عارف يكلمنى على الموبيل يقولى ايه........!!!!!

**mr_vampire** · 19-05-2012 02:54 PM

حاجة زي كدة متزعلكش من صاحبك يبقي في عتاب بس لان ببساطة هو ملوش ذنب وكفاية عليه كسفته ادامك ومش الشخص الحقير ده هو اللي هيخليكو تخسرو بعض. ولو علي الواد ده هتجيبوه هيروح فين يعني او لو تعرفو هيروح فين فالعين السخنة تكبسو عليه قبل مايبيع التليفون.

وربنا يعوض عليك....

**AirForces** · 19-05-2012 02:55 PM

طب وصاحبك عمل إيه مكلمكش من ساعتها ؟
على الأقل كنت تقوله انه لو الموبايل ما رجعش هتبلغ عن ابن خالته

**Dr.cairoky** · 19-05-2012 02:59 PM

معرفش الموضوع مطلعش كامل ليه واتقص .......!!!!!

أنا لحد النهرده مراتى فاهمه ان الموبيل اتسرق فى البنزينه........!!!!

هقولها ايه طيب مهو عارفه صحبى ده أوى وعارفه مراته كمان اوى ومراته تبقى صاحبتها اوى.....

أنا روحت البيت عندى موبيلين مرميين فى البيت ......وشغلت شريحه قديمه كانت معايا

**Dr.cairoky** · 19-05-2012 03:01 PM

المشاركة الأصلية كتبت بواسطة mr_vampire

حاجة زي كدة متزعلكش من صاحبك يبقي في عتاب بس لان ببساطة هو ملوش ذنب وكفاية عليه كسفته ادامك ومش الشخص الحقير ده هو اللي هيخليكو تخسرو بعض. ولو علي الواد ده هتجيبوه هيروح فين يعني او لو تعرفو هيروح فين فالعين السخنة تكبسو عليه قبل مايبيع التليفون.

وربنا يعوض عليك....

ربنا يكرمك ويعزك

أنا قلت فى الموضوع انه صاحبى ده رجولة الدنيا ومهما حصل مينفعش أزعل منه خاااالص...هوا ملوش أى ذنب ........والله أنا عارف انه شايل الهم الوقتى اكتر منى لأنها فى وشه.

أنا بس زعلان على الناس والله .......زهوا المفروض الواحد الوقتى يقدم سوء النيه مع اى انسان خلاص......!!!!

**moody_687** · 19-05-2012 03:23 PM

يااستاذي ولا تشيل هم ولا حاجة ابنك ومراتك بالدنيا وفداك اي حاجة ومش تخسر صاحبك عشان خاطر موبيل حضرتك تقول لصديقك يجيبلك الموب منه لو مش اتصرف فيه لكن لو اتصرف خلاص اعتبره وقع منك ومش تعمل محضر ولا حاجة عشان مش يكون بينك وبين صاحبك حساسية
انا حصلي نفس الموضوع ايام الكلية بس مع واحد يعرفني وكان لسة متعرف عليا فقالي وريني الموب فورتهوله بحسن نية واداه لواحد تانى كان معاه وبسئله عليه قالى انا مش اخذت منك حاجة وعمال يقولي فتشني فروحت عملت محضر ف القسم وخليته يجيبلي واحد جديد بدل اللى اتسرق

**ahmedsamir5edr** · 19-05-2012 03:40 PM

يمكن الواد مريض نفسيا و عاوز يعمل بالموبيل جو كده قدام صحابه .. و هيرجعه

**mr_vampire** · 19-05-2012 03:47 PM

المشاركة الأصلية كتبت بواسطة moody_687

يااستاذي ولا تشيل هم ولا حاجة ابنك ومراتك بالدنيا وفداك اي حاجة ومش تخسر صاحبك عشان خاطر موبيل حضرتك تقول لصديقك يجيبلك الموب منه لو مش اتصرف فيه لكن لو اتصرف خلاص اعتبره وقع منك ومش تعمل محضر ولا حاجة عشان مش يكون بينك وبين صاحبك حساسية
انا حصلي نفس الموضوع ايام الكلية بس مع واحد يعرفني وكان لسة متعرف عليا فقالي وريني الموب فورتهوله بحسن نية واداه لواحد تانى كان معاه وبسئله عليه قالى انا مش اخذت منك حاجة وعمال يقولي فتشني فروحت عملت محضر ف القسم وخليته يجيبلي واحد جديد بدل اللى اتسرق

مع احترامي لراي حضرتك يامودي.... لا التليفون موقعش منه ده اتاخد منه لانه وثق في واحد قريب انتيمه. ومش ذنبه ان وثق فيه انه يخسر جالاكسي وكمان هدية مراته.....

رايي ياجاسر انك تاخد انتيمك ده وتروح لبيت الواد ده وتكلمو ابوه وامه وتعرفهم ابنهم عمل ايه ولو متصرفوش او ادولك تمنه يبقي تعمل محضر وانتيمك يشهد ولو رفض يبقي يدفعلك هو تمنه لاتها في وشه وبتاعته......

انما تحرج تتكلم وهو مكسوف يتكلم .... طب وبالنسبة للتليفون بقي مين اللي هيحاسب عليه ؟؟؟؟؟؟؟؟؟

**Dr.cairoky** · 19-05-2012 03:52 PM

المشاركة الأصلية كتبت بواسطة mr_vampire

مع احترامي لراي حضرتك يامودي.... لا التليفون موقعش منه ده اتاخد منه لانه وثق في واحد قريب انتيمه. ومش ذنبه ان وثق فيه انه يخسر جالاكسي وكمان هدية مراته.....

رايي ياجاسر انك تاخد انتيمك ده وتروح لبيت الواد ده وتكلمو ابوه وامه وتعرفهم ابنهم عمل ايه ولو متصرفوش او ادولك تمنه يبقي تعمل محضر وانتيمك يشهد ولو رفض يبقي يدفعلك هو تمنه لاتها في وشه وبتاعته......

انما تحرج تتكلم وهو مكسوف يتكلم .... طب وبالنسبة للتليفون بقي مين اللي هيحاسب عليه ؟؟؟؟؟؟؟؟؟

كلامك عقلانى جدا والله ياباشا ومريح نفسيا فعلا

انا مقلتش انى هسيبه طبعا ولا هسيب التليفون

بس والله مش اللى مزعلنى ومضايقنى الموبيل خالص اقسم بالله........اللى مزعلنى بس الموقف.....يعنى الموقف لو اتعاد مليون مره مع حد غيرى عمره ما هيخاف لحظه انه يديله الموبيل يتكلم.......بس ليه الناسبقت واطيه كده ومعندهش ضمير ولا اخلاق الا من رحم ربى طبعا

**Dr.cairoky** · 19-05-2012 03:55 PM

المشاركة الأصلية كتبت بواسطة moody_687

يااستاذي ولا تشيل هم ولا حاجة ابنك ومراتك بالدنيا وفداك اي حاجة ومش تخسر صاحبك عشان خاطر موبيل حضرتك تقول لصديقك يجيبلك الموب منه لو مش اتصرف فيه لكن لو اتصرف خلاص اعتبره وقع منك ومش تعمل محضر ولا حاجة عشان مش يكون بينك وبين صاحبك حساسية
انا حصلي نفس الموضوع ايام الكلية بس مع واحد يعرفني وكان لسة متعرف عليا فقالي وريني الموب فورتهوله بحسن نية واداه لواحد تانى كان معاه وبسئله عليه قالى انا مش اخذت منك حاجة وعمال يقولي فتشني فروحت عملت محضر ف القسم وخليته يجيبلي واحد جديد بدل اللى اتسرق

والله يا مودى زى مارديت على الاخ Vampire مش اللى مزعلنى الموبيل خالص

مزعلنى الحركه بس نفسها ........عارف لما تبقى عارف عيله وداخل فيها اوى وعارف امه وأبوه واخوه الكبير وتيجى الحركه الواطيه دى منه......ربنا ميوريك حرقة الدم اللى انا حسيتها دى.......سيبك انت من الموبيل يا باشا خالص.......وطمنى بس أخبار العروسه ايه......؟؟

الموضوع: موقف جابلى إكتئاب................تعملوا ايه لو كنتوا مكانى....؟

LinkBack

أدوات الموضوع

عرض

موقف جابلى إكتئاب................تعملوا ايه لو كنتوا مكانى....؟ - انشر الموضوع فى :

-

-

-

-

-

المواضيع المتشابهه

جالي إكتئاب

اصحاب الخبرة في الكهرباء ....تعرفوا تعملوا converter ؟؟؟

تعرفوا تعملوا الحركة دى؟

إكتئاب الساعة 3 إلا ربع

السادة اصحاب الالنترا لو رجع بيكم الزمان كنتوا هتشتروها ولا كنتوا هتجيبوا حاجة تانية

الكلمات الدلالية لهذا الموضوع

المفضلات

المفضلات

ضوابط المشاركة