موقف جابلى إكتئاب................تعملوا ايه لو كنتوا مكانى....؟

**mohdamin18** · 19-05-2012 04:01 PM

شكله لسة بيشرب مخدرات و مزنوق في قرشين

**ramyhekal** · 19-05-2012 04:02 PM

الموبايل جاى جاى ان شاء الله متقلقش
المخدرات تعمل اكتر من كده 100 مره

**bido600** · 19-05-2012 04:36 PM

والله انا مش عارف اقول اية الصراحة
انت مامن لحد ويعمل فيك كدا بيبقي احساس صعب جدا وكل ما تفكر فيه يجيلك الشيطان ويقولك ياه لو مكنتش وياه
بس متزعلش محدش عارف الخير فين
وكلم صاحبك قولو هات رقم ابن خالتك دا ومتسكتش عليه
وانا في رايي بلاغ في القسم كمان لان الناس دي مش هتتربي غير بكدا

**A7MED_PHARMA** · 19-05-2012 05:16 PM

بص ياسيدي
إنت تكلم صاحبك تاني .. وتخرجو مع بعض تاني وماتشيلش الراجل هم فوق الهم الي هوا شايله دلوقتي
صاحبك وأنتيمك من 15 سنة .. أكيد مكسوف منك ووشه في الطين
وطالما الراجل ملوش ذنب
يبقا ماتحسسوش إنه مذنب في حقك .. وتكلمه وتخرج معاه ولا كأن فيه حاجة

والتليفون ..او تمنه .. هيرجعلك تاني ماتقلقش
سواء من صاحبك .. أو من أهل الحرامي ده

**الغزالى** · 19-05-2012 06:03 PM

الموضوع اساسا منتهى
وانا مش مع الى بيقول نقدم محضر فى القسم محضر فى القسم لو انت متعرفش الى سرقه
انما حضرتك بتقول انتيمك من 15 سنه وانت عارف العيله كلها واكيد هما عارفينك ..
يعنى لو اهل صاحبك واهل الواد ده عرفوا وهما ناس متحرمه يبئى الموبيل والواد جالك
لا من غير محضر ولا نيله .. وبوضو انت فى الاول والاخر عايز تحافظ على صاحبك
كفايه ان راجل يعيط من كتر الكسوف ينهار ابيض ..
انت كلمه عادى وحاول توصله بس انك عايز تكلم اهله او تخليه هوا يعرف اهله وهما يكلموا اهل الواد عشان الواد نفسه قبل موبيلك لانها ممكن مره تانيه تيجى فى واحد
مفترى يمسكه يبهدله ويدلخه السجن فى حاجه هابله ..
---------
وممكن برضو يكون اتكلم فى الموبيل ونسيه وسافر بيه ولما ييرجع هاكلمك يعتذرلك
على الرغم من انه احتمال بعيد مع الاشكال دى بس اهو خليه موجود

**Screenplays** · 19-05-2012 06:33 PM

المشاركة الأصلية كتبت بواسطة mr_vampire

مع احترامي لراي حضرتك يامودي.... لا التليفون موقعش منه ده اتاخد منه لانه وثق في واحد قريب انتيمه. ومش ذنبه ان وثق فيه انه يخسر جالاكسي وكمان هدية مراته.....

رايي ياجاسر انك تاخد انتيمك ده وتروح لبيت الواد ده وتكلمو ابوه وامه وتعرفهم ابنهم عمل ايه ولو متصرفوش او ادولك تمنه يبقي تعمل محضر وانتيمك يشهد ولو رفض يبقي يدفعلك هو تمنه لاتها في وشه وبتاعته......

انما تحرج تتكلم وهو مكسوف يتكلم .... طب وبالنسبة للتليفون بقي مين اللي هيحاسب عليه ؟؟؟؟؟؟؟؟؟

+11111111111111111111