هو لية فى ناس كتير بتندم علشان أتجوزوا؟

**Screenplays** · 21-05-2012 01:28 AM

طب هنعمل أية يا Screen يا خويا؟؟!!
البنات الوحشين متواضعين (مع أنى أعرف بنات وحشين أوى و مش متواضعين خااااااالص معرفش لية) ....

و البنات الحلوين حاسين بنفسهم أوى وتنكين و بيلبسوا المحذق و الملزق وكتير تلاقيهم لابسين من غير هدوم (وخصوصآ فى الأفراح) ....

و المستورد دة ألاقية فين بس؟؟!!
و يعنى هما دول اللى كاملين أوى؟؟!!

ما فيهم بردوا العبر و حياتهم و تقاليدهم تختلف عنا تمامآ ....
أية ياعم أنت مابتتفرجش على أفلام أجنبى ولا أية؟؟!!

بنات وحشين و تنكين ؟

حرام و الله هههههههههههههههه ... البنت الخواجايه ممكن ربنا يهديها علي ايدك و تخش الجنه لكن هنا صعب جدا ... و علي فكره اللي في الافلام ده مبيحصلش في الواقع اصلا

**engahmedsamy** · 21-05-2012 01:36 AM

المشاركة الأصلية كتبت بواسطة ahmedsamir5edr

لأن الغالبيه العظمي تتجوز بغرض الجنس .. ف ده تفكيره قاصر .. لأن ده لوحده مش هو الجواز .. و الجنس ده شيء بعد فتره بنحوله بقدراتنا الاسطوريه لشيء روتيني ممل ( غرائزي ) فيفقد الجواز معناه الوحيد ( بالنسبه للشخص القاصر فكريا ) و تتبقي المصاريف و النكد و العيال و الحموات و المناسبات و المجاملات و و و

رد من الاخر الله يفتح عليك

**mahmoud_anwar** · 21-05-2012 01:51 AM

المشاركة الأصلية كتبت بواسطة ghosts

كلام سليم ربنا يقويك و يقوى كل المتجوزين و للأسف الشديد عايشين فى البلد دى ....

عارف حضرتك فى أوروبا والدول المتقدمة الحكومة بتدى رب الأسرة 1000 يورو شهريآ أول ما ربنا يرزقهم بطفل و لو جاب طفل تانى يبقوا 2000 يورو شهريآ أن شالله حتى يجيب 10 أطفال الحكومة هتوفر لة 10000 يورو شهريآ عشان الأسرة ماتحسش بعبء المصاريف و يحرموا نفسهم من كل حاجة عشان خاطر الأولاد و عشان كدة تلاقى الناس هناك بتحس بأنتماء لبلادها المحترمة دى لأنهم بيعرفوا أن البلد أهتمت بيهم من أول ما أتولدوا ....

جتنا نيلة فى حظنا الهباب اللى خلانا مصريين ....

لو لم أكون مصريآ كان يبقى أحسن بردوا ....

خد عندك دي انا شغال في مصر للطيران بينزل لينه في الشريط القبض للي مش متزوج
4 جنيه اسمها غلاء معيشه ولو تزوجت وخلفت تنزلك 8 جنيه غلاء معيشه حتي لو جبت 20 عيل
قال يعني المعيشه غليت 4 جنيه ولا لو ادوك 4 جنيه زياده كده هتبقي من اغنياء القوم عالم مع.....
بجد بلد بنت ستين في سبعين مت........

**dede_dodo88** · 21-05-2012 01:52 AM

المشاركة الأصلية كتبت بواسطة ahmedsamir5edr

لأن الغالبيه العظمي تتجوز بغرض الجنس .. ف ده تفكيره قاصر .. لأن ده لوحده مش هو الجواز .. و الجنس ده شيء بعد فتره بنحوله بقدراتنا الاسطوريه لشيء روتيني ممل ( غرائزي ) فيفقد الجواز معناه الوحيد ( بالنسبه للشخص القاصر فكريا ) و تتبقي المصاريف و النكد و العيال و الحموات و المناسبات و المجاملات و و و

هو للأسف فعلاً دي الحقيقة بنسبة كبيرة..
هو الجواز عموماً بالنسبة لناس كتير بقى حاجة روتينية, بمعنى أنه الناس بقت تتجوز لمجرد أن يبقى اسمها أتجوز ففي فئة كبيرة من الناس أقصى طموحتها في الحياة مثلاً التخرج ثم الشغل ثم يليه الجواز ثم العيال ثم بعد كده ايه؟!..الله أعلم!!..
فالناس بقت تتجوز يا أما لمجرد أشباع الغريزة و اللي بيكتشفوا بعد الجواز أنها لسه موجودة و صاحية و بتلعب كمان,, يا أما عشان يبقوا أتجوزوا خلاص و حققوا أقصى طموحهم في الحياة بغض النظر بقى أنت بتتجوز حد فعلاً مستريح معاه و لا أنت حاسب قرارك ده صح وللا غلط .. و من هذا المنطلق فمعظم الناس بتلبس في الحيطة..
هو على فكرة مش غلط أو عيب لا سمح الله أن الواحد يفضل من غير جواز طالما هو مستريح كده أو لأنه مش لاقي الحد اللي يستريحله, هو للأسف في عقلية مجتمعنا الجواز ده فريضة..

**mahmoud_anwar** · 21-05-2012 01:55 AM

المشاركة الأصلية كتبت بواسطة funnymickey

عندنا سواق اتجوز
واما رجع من الاجازه بيقولي
استاذ صبحي هوا ليه الستات اللي في الشارع كلها احلوت كده ليه
هوا حصل حاجه وانا غايب

قلتله لا بس عشان انتا لبست في الحيطه فشايف بقفاك دلوقتي
:)

قال تغض بصرك قال
ربنا معاك ومعانا

ده لسه كمان هايمشي في الشارع عامل كده

وهيقعد يتمني لو عزرائيل جيه يزور مراته ده يبقا من المحظوظين القلائل في العالم

**Dr'AhmZZong** · 21-05-2012 02:03 AM

Mrs. عبايات ههههههههههههههه

**mahmoud_anwar** · 21-05-2012 02:08 AM

يابني نصيحه اخويه مني
اوع اوع اوع شوفت قررتهالك 3 مرات ازاي اوع تتجوز
انا لو منك اتجوز عربيه شيك بي القسط بدل ماتتجوز وحده تفقسهوملك وتخليك ماشي في الشارع بي جلبيه مقطعه وشعرك منكوش ولا تقنق استحميت بعد 100 سنه
يابني حريم العالم كلهم ودي نفس المشكله دي لقتها عند كل البشر المتزوجين فا انتا برضه هتقع فيها
1- انتا بخيل ليه علشان الهانم طلبت لبانه وانتا جبتلها مثلآ حاجه مفيده اغلي من البانه 100 مره وتقولك انتا بخيل والمشكله انها تبقا عارفه ان الدنيا مخبطه معاك وتقولك انتا مابتصرفش عايزك مثلآ تقلب عيشك تجبلك حتي موتسيكل صيني تقلب بيه عيشك
2 انتا مش بتخرجني انا عمري ماخرجت معاك هار اسود امال احني لسه جين منين

3 انتا بتمنعني ليه من اني اشوف اهلي

4 تلقيق واقف مع صحبك في الشارع ولا خارج مع صحبك انتا مابتقعدش معايه خالص لا والاغرب انك تلقيق اليوم قعده في البيت من اوله بس تخرج ساعه

5 انتا ليه مابتكلمش معايه يعني هتتكلم تقول ايه ماهو مافيش كلام اعمل ايه ارغي وخلاص

وما اخفي كان اعظم
انا بنصح كل شب لا تنحرف ولا تتزوج ولو امك اصرت عليك تتجوز ماتسمعش كلمها

**Mohamed.Ramah** · 21-05-2012 02:31 AM

بجد موضوع بيمس فئة كبيرة من الشباب وانا شايف من المشاركات ان الكلام صحيح وواقعى وممكن يكون حصل للكثير والسبب الشايفة اساسى فى كل دة هو نظام هذا البلد الزبالة لو كنا فعلا منظمين من الصغر فى حياتنا وكل شىء لية وقتة والشاب متاح لية التعامل مع زميلاتة فى حدود مكنش الوضع اصبح شكلة غريب فى الكبر يعتمد على النظر فقط او الاتجاة لحاجة حرمها ربنا وطبعا الممنوع مرغوب

الدنيا اة اتغيرت دلوقتى من الزمالة والصحوبية ل الانحراف ويعتبر بنسبة كبيرة البنشوفة فى الشوارع او المواصلات ام يصيب الانسان للاستغراب او يصيبة بالغثيان ودة نسبة اكبر لفقد الزوق العام وتقليد بدون داعى وتحول الموضوع

ل مبدا انك ممعكش يبقى ميلزمكش وقليل لما تلاقى حد كويس بسبب الانفلات البقى علنى فى الشوارع وتحليل حجات غلط فى الاساس كل دة خلى الشاب بعد ما كانت شغلاة مذاكرتة بدا يفكر فى 100 حاجة قبل التخرج عاوز يجيب شقة فى مكان راقى بيحلم بالبى ام والمرسيدس والاودى ومش مقتنع بالموجود فى مصر لانة فعلا حجات اقل ما يقال عليها عربيات + اسعار فلكية + عدم القدرة على تحيقيق شىء لنفسة

بدا يبص على مناطق ومستويات اخرى اعلى لان دة حقة وطبعا قعد يتعقد بمجرد ما يشوف فيديو للحياة فى الخارج او فى مكان راقى فى مصر

اتقلب الحال لطريقة التعامل فبمجرد انت بتتكلم مع واحدة اعجبت بيها يبقى انت المفروض قدامك خيارين لا تتجوز علشان قالت لاهلها لا مش حتقدر تشوفك بالرغم من انكم اصلا متعرفهاش غير من يومين

او عندما تعجب بانسانة بتحسب نفسها تتعامل بذكاء وانك مش حتكتشف دة او انها مبتفكرشى وتتعامل على انها متقدرش تقول لحد دلوقتى وطبعا للتعجيل من موضوع الزواج

او الحالة الثالة انها تجرك للغلط

الافضل من راى ان الانسان ميقدمش على خطوة مش محسوب لها لمجرد اشباع رغبتة فقط الافضل انة يفكر فى دراستة ومستقبلة ويفضل لو كانت خارج هذا البلد العقيم وبعدها يتجة للزواج لما يكون فعلا قادر بشكل عام ومؤهل ذهنيا وماديا وقادر على تحمل المسؤلية مش بيعمل حاجة وبيفكر فى 1000 حاجة تانية معلش طولت بس كان فى حجات كتير حابب اوضحها من وجهة نظرى

**Screenplays** · 21-05-2012 02:49 AM

المشاركة الأصلية كتبت بواسطة wassof

يابني نصيحه اخويه مني
اوع اوع اوع شوفت قررتهالك 3 مرات ازاي اوع تتجوز
انا لو منك اتجوز عربيه شيك بي القسط بدل ماتتجوز وحده تفقسهوملك وتخليك ماشي في الشارع بي جلبيه مقطعه وشعرك منكوش ولا تقنق استحميت بعد 100 سنه
يابني حريم العالم كلهم ودي نفس المشكله دي لقتها عند كل البشر المتزوجين فا انتا برضه هتقع فيها
1- انتا بخيل ليه علشان الهانم طلبت لبانه وانتا جبتلها مثلآ حاجه مفيده اغلي من البانه 100 مره وتقولك انتا بخيل والمشكله انها تبقا عارفه ان الدنيا مخبطه معاك وتقولك انتا مابتصرفش

عايزك مثلآ تقلب عيشك تجبلك حتي موتسيكل صيني تقلب بيه عيشك

2 انتا مش بتخرجني انا عمري ماخرجت معاك هار اسود امال احني لسه جين منين

3 انتا بتمنعني ليه من اني اشوف اهلي

4 تلقيق واقف مع صحبك في الشارع ولا خارج مع صحبك انتا مابتقعدش معايه خالص لا والاغرب انك تلقيق اليوم قعده في البيت من اوله بس تخرج ساعه

5 انتا ليه مابتكلمش معايه يعني هتتكلم تقول ايه ماهو مافيش كلام اعمل ايه ارغي وخلاص

وما اخفي كان اعظم
انا بنصح كل شب لا تنحرف ولا تتزوج ولو امك اصرت عليك تتجوز ماتسمعش كلمها

ههههههههههههههههههههه دول بيأفروا و بيعيشوا اللحظه ... حاجه تفقع المراره