اقتباس المشاركة الأصلية كتبت بواسطة semsem kane مشاهدة المشاركة
هيجيلك يوم وتتجوز فاتجوز من دلوقتى احسن بدل مايبقى عندك 40 سنة ولسة ماتجوزتش وساعتها اختياراتك هتحدد

اكيد مش هتعيش كل الفترة دية عالة على والدك ووالدتك لازم نحس بالنقطة دية وانت انسان كبرت وبتقبض مرتبك , وهما بردة مش هيقدورا يقولولك ادفع فى الكهرباء ولا المياة ولا الغاز ولا مشتروات البيت على حسابك الشهر دة طبعا مش هيحصل

لو حتى قولت هجيب عربية بالفلوس احسن من الجواز طيب هتجيبها تعمل بيها اية هتلف فى الشوراع طول النهار اللى هية اصلا تخنق والواحد بيروح بيتة زهقان من الطريق وبيقول كل مرة الحمد لله ان الواحد رجع هو وعربيتة سالمين ,

هتقول اقعد مع اصحابى واشوفهم براحتى طيب مااصحابك كلهم هيتجوزا وهيجيلك يوم هتعيش وحيد لانهم اكيد مش هيبقوا زى الاول فى الخروج والسهر خارح منزل عشان فية انسانة مسئولة منة فى البيت ماينفعش يسيبها لوقت متأخر مابين اربع حوائظ

زهقان من المصاريف وعامل حسابها طيب احسب كدة لنفسك مصاريفك كل شهر وانت عازب وشوف هتلاقى نفسك بتعمل الاتى :

1- خروج يوميا وهتلاقى نفسك بتصرف مش اقل من 20 جنية يوميا مابين اكل ومشاريب

2- ولو يوم خميس مثلا هتلاقى نفسكوا بتروحوا حتة غالية مثلا تاكلوا فيها وتخرجوا

3- مصاريف عربيتك لانك طبعا كل يوم بتخرج فبتستهلك بنزين وزيت اكتر

4- هتلاقى نفسك بتجيب كروت كتير كل شوية تكلم اصحابك يالة ننزل يالة نروح يالة نيجى وياسلام بقى لو عندك اصدقاء بنات طبعا انت فاضى ومحدش يحكمك فهتكلم وهتخرج وتدفع قد كدة حتى لو بتحاسب لنفسك بس اكيد هيبقى المكان style احتراما للبنت اللى معاك

دة الشاب وهو مش متجوز ( على فكرة دة تفكيرى قبل الزواج انا لسة متزوج حديثا 5 شهور تقريبا


فية حاجة اخيرة يوم ماتتجوز ربنا هيبعتلك رزق اكبر من رزقك وانت لوحدك ويوم ماترزق بطفل ربنا بردة هيبعتلك رزق اكبر من رزقك ورزق مراتك مجتمعين سيبوها على ربنا كل حاجة بتمشى

واللى معاة الف هيعيش واللى معاة 2000 هيعيش واللى معاة 5000 هيعيش كل واحد بيصرف على قد احتياجاتة
كلام سليم 100 % ....
ربنا يعلم أنا أد أية نفسى أتجوز بس المشكلة بقى أنى مش لاقى العروسة اللى تملى عليا حياتى ....
و المشكلة الأكبر أنى مريت بتجربة خطوبة فاااااااااااااشلة خليتنى معقد (قال يعنى أنا ناقص عقد) ....