-
حجزت خلاص Sx4 والحمد لله
السلام عليكم ورحمة الله
انا حبيت اشارك الاخوة الافاضل فى المنتدى الرائع ده فرحتى ويارب يتمها على خير
انا خلاص حجزت Sx4 وهاستلم ان شاء الله آخر الاسبوع
انا كنت عايزة الاول اجيب جين2 وكنت مترددة جدا وسالت الاخوة فى منتدى بروتن وشكروا فيها وانا كانت عجبانى بس اعتراضى عليها كان على الصالون بتاعها انا شايفة انه فقير شوية واماكن الزراير بتاعة الشبابيك مش صح بصراحة المفروض يكون فى الابواب لان ده بيكون اسهل التحكم بيه اثناء القيادة لانى كان عندى تجربة قبل كده فى عربية مماثلة وكنت لازم ابص عشان افتح او اقفل الشباك وكمان عدم وجود اى شى فى بابها من الداخل مخلى شكل الباب فقير جدا خصوصا ان مسند الباب رفيع قوى زى مايكونوا عاملينه عشان تمسك الباب وتقفله بيه وخلاص وطبعا ده مش تمام
المهم انا كنت اول مرة اشوف Sx4 كانت راكنة فى الجراج اللى باركن فيه وكان السايس عارف انى هابيع عربيتى وانى هاكبرها فقالى ماتاخدى دى ايه رايك فانا كنت لسه مااعرفش عنها شئ فقربت منها ولما شوفت حجمها وشوفت فخامتها وكمان سوزوكى اسم مش شوية قولتله ايه يا عم هو انا معايا فلوس لعربية زى دى وسيبته ومشيت ولما دخلت القسم ده ولقيتكوا بتتكلموا عليها وبتقولوا سعرها 107 ماصدقتش
المهم فضلت اقرا عنها فى النت فترة وعرفت عنها كل شئ ولما كلمت التوكيل قالولى مفيش منها الدفعة اللى نزلت خلصت والدفعة اللى جاية قدامك عشان تستلمى شهر ونص وانا ماقدرش استنى المهم ربنا وفقنى وكلمت طارق اسماعيل فى اسكندرية وقالى عندوا اتنين فرحت قوى وحجزت النبيتى واللى عنده دلوقتى سودة للى عايزها العربية ماشاء الله من اللى قريته عنها عربية ممتازة وعلى فكرة اللى شجعنى كمان اجيبها ان توكيلها هنا فى اسكندرية ممتاز لان والدى معاه صنى واتعامل معاهم كتير وهم فعلا ناس محترمين جدا وعلى كفاءة وخبرة عالية يعنى الحمد لله انا حاسة انى ربنا وفقنى للاختيار الصحيح ويارب تكون العربية كويسة زى ما قريت عنها
وعلى فكرة العربية اللى تحت فى الجراج صاحبتها جايباها من اربع شهور وانا اتكلمت معاها وهى بتشكر فيها جدا
وان شاء الله لما استلم واجربها هاقولكوا ايه اخبارها باستمرار
-
ربنا يبارك لك فيها
مستنين تقيمها فى اقرب فرصة ان شاء الله
-
مبرزك مقدما
ومتنسيش انا عايز لفة
-
الف الف الف مبروووووك
بس ممكن اعرف انتى حجزتى السيدان ولا الهاتشباك ؟
-
:shifty: ميرسى قوى يا استاذ معاذ وربنا معاك وتخلص الامتحانات بتفوق ان شاء الله
-
الف مبروك ، وربنا يباركلك فيها ان شاء الله.
وان شاء الله يكون اختيار موفق ، لان العربية دى فعلا under value ولو الناس اخذت بالها منها وهى بتدور حتكتشف فعلا انها افضل عربية لحد 135 الف ....
يمكن اللى بيخوف الناس منها التوكيل ، بس بصراحة انا شايف انه طبعا طبعا احسن 100 مرة من غبووور مثلا ....
غير كده العربيه لا غبار عليها ومكسرة الدنيا فى الراليات (طبعا اللى فيها AWD) وتقيمها بره مصر افضل من الكورولا الجديدة واللانسرالجديدة اللى الناس بتعتبرها قمة العربيات فى الفئة دى (بالرغم من مشاكل التب ترونيك اللى فيها)
واضح من كلامك كدة انك جبتى السيدان ,مش كدة ؟
-
ألف مبروووووووووووووووووووووو وووووووووك
-
ميرسى يا استاذ سعداوى انا حجزت السيدان لانى عايزة مساحة كبيرة للشنطة وهى فعلا شنطتها بحر ماشاء الله
لان كان معايا بيكانتو وخلاص كده كرهت الهاتش باك
وانا حجزتها اتو
استاذ وايلدويست شكرا وماتخافش انا هادى كل واحد لفة
الخمس دقايق بخمسين جنيه ايه رايك
-
استاذ مكاوى متشكرة قوى
انت فعلا كلامك صحيح العربية تحفة بكل المقاييس وهى فهلا من وجهة نظرى افضل بكتير من اليارس مثلا واللانسر ويارب تكون فعلا زى ما الناس بتقول عليها
استاذ فهد اشكرك وربنا يباركلكم جميعا ان شاء الله
بس على فكرة فيه معلومة مهمة الدفعة اللى هاتنزل دى التوكيل هايغليها على الاقل الفين تلاتة وده كلام التوكيل نفسه لانهم كانوا مقللين سعرها عشان يجربوها فى السوق ولما لاقوها بتتباع وعليها طلب فهم هايغلوها وده كلام اكيد واللى عايز واحدة فيه واحدة عند طارق اسماعيل سودة ودى آخر واحدة موجودة فى الجمهورية كلها وده كلام التوكيل برده واللى عايزها يلحقها لان كل واحد اكيد اولى بالفرق مهما كان خصوصا انها نفس الدفعة دى لكن سعرها هايزيد
-
الف مبروك...
بس علي فكره الموجود منها سيدان و التانيه ذي الفان كده...
نفس نظام الماتيريا شويه...
يعني اكبر من السيدان...مش هاتشباك ذي ما حضرتك فاكره يعني
Content Relevant URLs by
vBSEO 3.6.0 PL2