اقتباس المشاركة الأصلية كتبت بواسطة cryptonx مشاهدة المشاركة
ماشي بس هل عربية المفروض ان الموديل بتاعها الجديد نزل في كل حتة و على الابواب ..
وتعبتر فئة السوبر ميني ( بس بشنطة) تستحق 135 الف جنيه !
لو لازم اسيوي يعني ... مالها السيتي ؟ بلاش مالها الريو الجديدة !
لو مش لازم ... يبقى سوري
فييستا - ابيزا - بولو - فابيا - ايفو - كورسا ... كل دول افضل من الياريس كتييييييير ومن كل دول بكتيير طلاما في فئة السوبر بميني ! و في بعضهم ارخص منها !!!
طيب معلش عشان بس نكون منطقيين حضرتك ذكرت عربيات كتير وقلت ان كلهم افضل من الياريس بكتيييير !!

فممكن معلش تقولنا دول افضل من الياريس بكتييير في ايه بالظبط ؟؟

وليه العربيات دي مش منتشرة زي الياريس طالما هي احسن وفي سعر الياريس او يمكن اقل كمان ؟؟

الياريس والسيتي وجهان لعملة واحدة ! الاتنين سعرهم واحد تقريبا وارتفع تدريجيا مع بعض والماتور والقوة متقاربة

في حين الياريس ياباني 100% السيتي تقريبا بتتقفل في الهند على حسب ماسمعت

قطع غيار الياريس متوفرة عن السيتي كذلك سعر اعادة البيع افضل في الياريس

يبقى ماينفعش تقول ان السيتي احسن

واللى بيأكد ده فرق انتشار ومبيعات الياريس عن السيتي

-----

الريو جديدة ومحدش لسه عارف عنها حاجة ومحدش قادر يقيمها صح

معاك انها كشكل وكماليات افضل من الياريس بس مافتكرش انها عمرها ماهتبقى في اعتمادية الياريس وكذلك ماتور الريو 1.4 اشك انه يبقى في قوة ماتور الياريس ال 1.5

يبقى برضوا ماينفعش تقول ان الريو احسن بكتييير !!

---

ومش الياريس لوحدها اللى ماتستحقش تمنها فيه عربيات كتيييييييييييير مبالغ في سعرها بطريقة غير عادية