أكيد مش هتاخد مزان معاك ... هو في حلين .. وعامتا الحسابات دي تقريبيه ... يعني مش بظبط ..
الحل الاول ... إن حضرتك توزن اللي موجود معاك .. وبعد كده تدور عالنت على وزن الجديد وكاوتش بيعملوا حوالي 2 كيلو زيادة ... يعني حضرتك حتى لو الجنط الجديد اتقل ... يبقى ميعديش 10% بالكتير ...
الحل التاني .. وده اقل كفاءة .. إن حضرتك تمسك الإتنين وتوزنهم بيديك كده وتشوف من اتقل ... ودايما معروف لو الجنط في spokes أكتر بيبقى وزنه اتقل .. طبعا ده بعيدا عن الحاجات النظيفة زي BBS we Momo .. لانهم بيبقوا خفاف جدا
بالنسبة للوزن المثالي ... مفيش ووزن مثالي... كل لما الوزن خف يبقى أحسن .. و فائدة الجنوط. مش الشكل بس خفة الوزن بتديك تسارع أحسن ووقت فرملة اقل وكل ما الجنط خف كل ما العاملين دول اتحسنه
بالنسبه لحوار شراء الجنوط لحد دلوقتي مشترتش مع حد بيروح من جنط alloy ل alloy ... كان كله من حديد ل جنط alloy ..
في بعض الناس بتجيب نفس المقاس عشان متغيرش الكاوتش... فـأكيد إنت كده كده بقيت اخف ...
لو بتزود +1 ... بيبقى غالبا نفس ووزن الحديد ال15 لو الجنوط كويسه ..
لو بتزيد +2 , بيبقى الزياده حوالي 1 كيلو زياده لكل عجله لو العرض الجنط زي الأصلي ... أو 2 كيلو لكل عجله لو 0.5" زياده أو 3 كيلو لكل عجله لو 1" لكل عجلة ... أكتر من العرض ده .. لازم حضرتك تجيب جنط نضيف أوي عشان الوزن الاخف .. لو مش عايز يبقى لازم تظبط المساعدين عشان تظبط معاك ..
وطبعا زي ماحضرتك اولتتلي قبل كده ... الأوفست لازم يبقى زي الأصلي أو بالكتير -/+ 5 مم لا اكثر لا اقل
زي ماحضرتك شايف كلها عمليه تقريبيه ...
المفضلات