الى كل الاصدقاء الاعزاء مالكى نيسان صينى الاتوماتيك (التجميع المحلى) ياترى ماندمتش لشرائك هذه السيارة؟ ولوعاد بك الزمن قبل شرائها هل كنت هتشتريها برضه؟
سؤال ياريت تجوبونى عليه :oops:
عرض للطباعة
الى كل الاصدقاء الاعزاء مالكى نيسان صينى الاتوماتيك (التجميع المحلى) ياترى ماندمتش لشرائك هذه السيارة؟ ولوعاد بك الزمن قبل شرائها هل كنت هتشتريها برضه؟
سؤال ياريت تجوبونى عليه :oops:
انا معايا الصني الاتوماتيك 2007 منذ عام وعامل بيها 20000 وباسافر بيها كل شهر واثنين من اصدقائي اشتروها بعد ماجربوها وعمري ماندمت اني اشتريتها
يا ريت نعرف ايه السبب اللى ممكن يخلينا نندم بالضبط؟
هل غلاء السعر ، معتقدش ان فيه عربية بالإمكانيات دى بالتمن ده
هل عدم جودة المكونات، معتقدش، المكونات كلها يابانى شكلا وموضوعا
هل مشاكل ظهرت منها، مسمعناش منها اللى كل يوم بنسمعه من ماركات تانية تجميع محلى
هل عدم تعاون التوكيلات، كل الناس اللى راحت التوكيلات مصالحها قضيت ولو بعد عدة زيارات بدون رسائل الكترونية للشركة الأم
يبقى ايه اللى يخلينا نندم
عن نفسى لو رجع بيا الزمن هشتريها تانى
وبالمناسبة ، السيارة اسمها "صنى" (sunny)وليس اسمها "صينى"
بس انا فعلا مستغرب على الحملة الشعواء اللى طالعة ضد الصنى اليومين دول بعد ما اكتسحت مبيعاتها كل السيارات فى نفس الفئة بسبب حفاظها على سعرها دون غلاء فى الوقت الذى غلت فيه كل التوكيلات الأخرى اسعارها، هل ياترى هو ده سبب هذة الحملة؟
بصراحة أنا شايف إن عنوان الموضوع يخلو من الكثير من اللياقة !!
الصني عربية أكثر من رائعة. انا معايا مت 4 شهور الاوتوماتيك و الحمد لله مبسوطة جدا منها و شايفة ان اختيارها كان توفيق من الله عز و جل. ده غير ان لتوكيل محترم و مش زحمة. بصراحة مش فاهمة الغرض من السؤال.
اشكرك على ردك ربنا يبارك لك فيها
والغرض من السؤال انه بعد فترة دامت اكثر من شهر ونصف فى تصفح المنتدى وجدت ان الصنى بكل الامكانيات الجميلة بها وبسعرها ده تعتبر افضل اختيار ولكن كل اللى حوليا وبعضهم يملكها نصحونى بالابتعاد عنها لغلو قطع الغيار وسعر اعادة البيع وصعوبة بيعها وقلولى هتندم على شرؤها فطرحت عليكم هذا السؤال لارى هل فعلا ندمتم (الحمد لله انه فعلا محصلش)
واشكركم مرة اخرى
============
اللون الاحمر مخصص فقط للاداره
الاشراف.
اشكرك ياباشمهندس
يمكن اسباب الندم هى اللى انا قلتها فى الرد السابق وهو كلام اتوجه لي وانا مقدم على شرائها فحبيت اسئل اصحاب هذه السيارة لاعرف اجابتهم مش اكتر
وبالنسبة ل صينى (معلش اعذرنى غلطة كى بورد)
والحقيقة انا معرفش ايه هى الحملة الشعواء على الصنى وبالتالى اسبابها
مجرد حبيت اعرف رد فعلكم تجاه تملك هذه السيارة والحمدلله انها مريحاك ربنا يحفظها لك من كل سوء ويبارك لك فيها
واشكرك جزيل الشكر لاهتمامك بالرد
النيسان صني عربية أكثر من ممتازه
انا معايا موديل 2008 من رمضان ايلي فات
و الحمد لله مبسوطة جدا منها شايفها افضل اختيار كان ممكن اختاره بفضل الله
من 2006 و هيا مع بابا
عربيه اكتر من رائعه و بالامانه ماندمناش خالص مع اني راكب بسات بس العربيه دي برفعلها القبعه بجد لما تبقى ب 107 طبعا سنه 2006 و 1600 ياباني جميع الكماليات و اكثر امانه كانت العربيه الوحيده الي صح الي اشتريناها
العربيه معايه من 7 شهور وبصراحه لو رجع بيه الزمن مش هشترى EX manual
هشترى
EX automatic
عشان زهقت من الزحمه
بصراحة أنا كنت معجب جدا بالعربية وكنت هشتري السوبر صالون وكنت بس قلقان من موضوع العفشة الناشفة...
يس دلوقتي في امكانية اني اجيب النيسان تيدا...ادعولي
بس لو رجع بي الزمن ومكنش معايا تمن التيدا... كنت هجيب الصني بدون تردد.
مهندس / تامر
kont hashtry ay 7aga 1300 3shan el banzen ,lakn hia ka3rbya kwysa wm3mltsh m3aya mashakl ba2lha 5 shohor
يا احمد باشا حضرتك شفت الاراء من ملاكها جايز يكون فيه بعضهم مش راضي عنها وده ممكن يكون لاسباب شخصية لكن زي مانت شفت الاغلبية بيشكروا فيها رغم مرور فترة طويلة علي شرائها
كنت حشتريها بردوا و مانيوال كمان مش الاوتوماتيك
انا سوقت اوتومتيك كتير هوه مريح جداً لكن في السفر حتلاقي متعب بعض الشيء
انا كان نفسي اشتري سوبر صالون بس تكون مانيوال :(
العربية ممتازة بس انا عندى مشكلة فى استهلاك البنزين مع العلم انى اشتريت العربية من شهرين من السبع وعملة 2000ك.م الاستهلاك داخل المدينة 14لترلكل 100ك.م عالى جدا وفى التوكيل قالو لى مظبوطة جدا مش عارف
ارجو الرد من سبعاوى باشا
معالى الباشا الموضوع دا حصل معايا ولما رحت توكيل مودرن الهايكستب وانا باعمل صيانة ال 5000 كم وحكيت لهم عليه ضبطوا العربية على الكومبيوتر ورجعت تعمل حوالى 200 كم / الصفيحة جوه البلد و260 كم / صفيحة على الطريق الطوالى مع التكييف
مع خالص تحياتىhttp://www.nilemotors.net/Nile/images/icons/icon7.gif
استاذ احمد انا عندي فكرة ماتسيبك من العربية دي و خلاص
لما هي مش عاجباك حاطتها في دماغك ليه , سيبها بقرفها
بصرحة عربية جميلة وهي مع واحد صاحبي بس يعيبها حاجتين :
1- شكل عتيق عجايزي أوي
2-عفشة ناشفة تقطم الظهر في السفر
انا متضايق اوى من موضوع الردياتير المصرى .يعنى يحطوا كاوتشات بريدجستون يابانى ويحطوا ردياتير مصرى .الكاوتشات انا ممكن اغيرها بعد استلامها بساعه انما الردياتير اغيره ازاى
مش ابيحه ولا حاجه بس كلنا عارفين ان العربيات اليابانى بالذات مبتسخنش خالص انا عندى مؤشر الحراره فى المنتصف دائما وابدا تحت اى ظروف تشغيل ومع اقصى استخدام فى احر الايام .دة انا فى 3 سنين مزودتش ميه قربه الردياتير غير مره واحده واخدت 250 ملى فى 60000 كيلواذا كانت كل دول العالم معملوش دورة تبريد جبارة زى دة .مصر هى اللى هتعملها
بصراحة أنا اتفرجت عليها و ممتازة وكنت عايز أجيبها لكن المشكلة بالنسبة لي انها ضيقة من وراء و كمان قعدة الكنبة غير مريحة، الانحناءء يوجع الظهر ففي الأخر جبت اللانسر، لكن غير كده، السيارة ممتازة لا غبار عليها.
والعربية النيسان المجمعة محليا بالردياتير المصرى برضه مبتسخنش خالص وطوال الوقت المؤشر لا يتعدى تلت مشواره وليس نصفه حتى فى اقصى ظروف التشغيل(حر +زحام وحركة بطيئة+تكييف)، العبرة فى السخونة من عدمها ليست بلد صنع الردياتير وانما تصميم دورة التبريد بالكامل، بداية من جحم مسارات المياه فى المحرك الى سعة طلمبة المياه الى مساحة وسعة الردياتير، الخ، والشركة اللى عاملة الردياتير فى مصر مش مصممة ردياتير من دماغها وانما عاملة ردياتير طبقا للتصميم اليابانى وواخد موافقة من نيسان، يعنى الفكرة مش فكرة ان مصر هتجيب التايهة ، لكن فكرة ان الرداتير ودورة التبريد بالكامل متصممة فى اليابان، ولو الردياتير اتصنع طبقا للتصميم سواء فيما يخص الشكل او الخامات او جودة الصناعة يبقى هيشتغل زى اخوه اليابانى ،وبعدين المصانع المصرية اللى بتعمل سربنتيانت التبريد بتاعه تكيفات كارير وشارب وتوشيبا اللى بتشتغل سنوات عديدة جدا بدون الاحتياج لصيانة من اى نوع مش هتغلب انها تعمل ردياتير عربية طالما متصنع طبقا لتصميم مظبوط، مع العلم انك لما بتشترى عربية يابانى جاية من اليابان او عربية المانى جاية من ألمانيا فتأكد ان 50% على الأقل من مكوناتها جاى من الصين وكوريا وتايلاند وتايوان لوا كنات يابانى، وبرضه 50% من مكوناتها جاى شرق اوروبا لو كانت المانى، العبرة بأن الشركة بتستلم المكونات طبقا لشروط ضبط الجودة الخاصة بها وفى النهاية بيكون منشأ العربية اليابان او المانيا ، يا راجل ده المرسيدس الألمانى اللى بتتباع فى كل حته فى العالم فيها طنابير فرامل مصرى
نفسى نثق فى صناعتنا اكتر من كدة شوية
السادة الاعضاء احب اوضح حاجة مهمة ان الردياتير اللى فى النيسان صنى مش مصرى وانما مستورد بالكامل من مورد بيحدده مصنع نيسان مصر للشركة المستوردة ويتم تجميعة فى مصر وبعدين يقوم مصنع نيسان مصر بشرائة بفواتير مصرية للتحايل على نسبة 40% من مكونات العربية المصرى فى العربية
وبرده المساعدين والشكمان وكسوه الكراسى مستوردة
انما اللى مصرى فعلا هوا البطارية - الزجاج - الضفيرة- كوتش الابواب- حشو الكراسى من جوه بواسطة شركة موبيكا
والكلام ده مش من عندى وانما من ا/ محمد جمال مدير مبيعات مصنع نيسان مصر
و ا/ احمد نور اخصائى المنتج الفنى لخدمة مابعد البيع فى المصنع
عربيتي موديل 2005 و عمرى ما ندمت اني أشتريتها بغض النظر عن شوية المشكلات الخفيفه ذي لمبة الفتيس مش بتنور و شوية لمبات في التابلوه