ياترى ماندمتش بعد شرائك الصنى ؟؟!!!

**ahmed_su** · 15-06-2008 01:58 PM

الى كل الاصدقاء الاعزاء مالكى نيسان صينى الاتوماتيك (التجميع المحلى) ياترى ماندمتش لشرائك هذه السيارة؟ ولوعاد بك الزمن قبل شرائها هل كنت هتشتريها برضه؟
سؤال ياريت تجوبونى عليه

**sab3aawy** · 15-06-2008 05:05 PM

يا ريت نعرف ايه السبب اللى ممكن يخلينا نندم بالضبط؟

هل غلاء السعر ، معتقدش ان فيه عربية بالإمكانيات دى بالتمن ده

هل عدم جودة المكونات، معتقدش، المكونات كلها يابانى شكلا وموضوعا

هل مشاكل ظهرت منها، مسمعناش منها اللى كل يوم بنسمعه من ماركات تانية تجميع محلى

هل عدم تعاون التوكيلات، كل الناس اللى راحت التوكيلات مصالحها قضيت ولو بعد عدة زيارات بدون رسائل الكترونية للشركة الأم

يبقى ايه اللى يخلينا نندم

عن نفسى لو رجع بيا الزمن هشتريها تانى

وبالمناسبة ، السيارة اسمها "صنى" (sunny)وليس اسمها "صينى"

بس انا فعلا مستغرب على الحملة الشعواء اللى طالعة ضد الصنى اليومين دول بعد ما اكتسحت مبيعاتها كل السيارات فى نفس الفئة بسبب حفاظها على سعرها دون غلاء فى الوقت الذى غلت فيه كل التوكيلات الأخرى اسعارها، هل ياترى هو ده سبب هذة الحملة؟

**وائل عطية** · 15-06-2008 05:11 PM

بصراحة أنا شايف إن عنوان الموضوع يخلو من الكثير من اللياقة !!

hh · 15-06-2008 05:11 PM

الصني عربية أكثر من رائعة. انا معايا مت 4 شهور الاوتوماتيك و الحمد لله مبسوطة جدا منها و شايفة ان اختيارها كان توفيق من الله عز و جل. ده غير ان لتوكيل محترم و مش زحمة. بصراحة مش فاهمة الغرض من السؤال.

**ahmed_su** · 15-06-2008 05:32 PM

المشاركة الأصلية كتبت بواسطة وائل عطية

بصراحة أنا شايف إن عنوان الموضوع يخلو من الكثير من اللياقة !!

شـــــكرا!!!!

**ahmed_su** · 15-06-2008 05:39 PM

المشاركة الأصلية كتبت بواسطة hh

الصني عربية أكثر من رائعة. انا معايا مت 4 شهور الاوتوماتيك و الحمد لله مبسوطة جدا منها و شايفة ان اختيارها كان توفيق من الله عز و جل. ده غير ان لتوكيل محترم و مش زحمة. بصراحة مش فاهمة الغرض من السؤال.

اشكرك على ردك ربنا يبارك لك فيها
والغرض من السؤال انه بعد فترة دامت اكثر من شهر ونصف فى تصفح المنتدى وجدت ان الصنى بكل الامكانيات الجميلة بها وبسعرها ده تعتبر افضل اختيار ولكن كل اللى حوليا وبعضهم يملكها نصحونى بالابتعاد عنها لغلو قطع الغيار وسعر اعادة البيع وصعوبة بيعها وقلولى هتندم على شرؤها فطرحت عليكم هذا السؤال لارى هل فعلا ندمتم (الحمد لله انه فعلا محصلش)
واشكركم مرة اخرى

============

اللون الاحمر مخصص فقط للاداره

الاشراف.

**ahmed_su** · 15-06-2008 05:47 PM

المشاركة الأصلية كتبت بواسطة sab3aawy

يا ريت نعرف ايه السبب اللى ممكن يخلينا نندم بالضبط؟

هل غلاء السعر ، معتقدش ان فيه عربية بالإمكانيات دى بالتمن ده

هل عدم جودة المكونات، معتقدش، المكونات كلها يابانى شكلا وموضوعا

هل مشاكل ظهرت منها، مسمعناش منها اللى كل يوم بنسمعه من ماركات تانية تجميع محلى

هل عدم تعاون التوكيلات، كل الناس اللى راحت التوكيلات مصالحها قضيت ولو بعد عدة زيارات بدون رسائل الكترونية للشركة الأم

يبقى ايه اللى يخلينا نندم

عن نفسى لو رجع بيا الزمن هشتريها تانى

وبالمناسبة ، السيارة اسمها "صنى" (sunny)وليس اسمها "صينى"

بس انا فعلا مستغرب على الحملة الشعواء اللى طالعة ضد الصنى اليومين دول بعد ما اكتسحت مبيعاتها كل السيارات فى نفس الفئة بسبب حفاظها على سعرها دون غلاء فى الوقت الذى غلت فيه كل التوكيلات الأخرى اسعارها، هل ياترى هو ده سبب هذة الحملة؟

اشكرك ياباشمهندس

يمكن اسباب الندم هى اللى انا قلتها فى الرد السابق وهو كلام اتوجه لي وانا مقدم على شرائها فحبيت اسئل اصحاب هذه السيارة لاعرف اجابتهم مش اكتر

وبالنسبة ل صينى (معلش اعذرنى غلطة كى بورد)

والحقيقة انا معرفش ايه هى الحملة الشعواء على الصنى وبالتالى اسبابها

مجرد حبيت اعرف رد فعلكم تجاه تملك هذه السيارة والحمدلله انها مريحاك ربنا يحفظها لك من كل سوء ويبارك لك فيها

واشكرك جزيل الشكر لاهتمامك بالرد