الرجاء من الزملاء اللي جربو العربيتين يفيدونا بأي العربيتين افضل من حيث قطع الغيار والاعتمادية والاوبشنز والتوكيل وتكنولوجيا العربية والمحرك وشكرا.
عرض للطباعة
الرجاء من الزملاء اللي جربو العربيتين يفيدونا بأي العربيتين افضل من حيث قطع الغيار والاعتمادية والاوبشنز والتوكيل وتكنولوجيا العربية والمحرك وشكرا.
لا دي ولا دي في رايي , بس البيجو احسن وفئة اعلى ( فئة السوبرب والباسات ) , بس لو جبتها هتبقى تقريبا الوحيد اللي راكبها في مصر , بس البيجو احسن بدون جدال
سوق بيجو واقع شوية ..
هات فانتازيا احسن ..
انا ارشح اوكتافيا
والله انا عارف ان البيجو لسه جديدة فى السوق وان الاوكتافيا ليها فترة والناس عارفة كل حاجة عنها لكن هيا عجبتنى شكلا وقلت ان البيجو عربية محترمة بس قلت اشوف رأى الشباب فى المنتدى انا معايا زميلى اشترى اوكتافيا 2012 وعربية حلوة جدا على الرغم ان البيجو اغلى حبتين عن الاوكتافيا.
ما هي البيجو اصلا فئة اعلى وارقى بكتير جدا واوسع , بس لو عاوز تخليك في المضمون هات الاوكتافيا
شوف برضه الجيتا او الفوكاس
البيجو توكيلها سىء جدا وقطع غيار ناااااااااااااااااااااااا اار
سكودا أفضل أنتشار ومعروفة أكتر وعملية
والله الموفق والمستعان
بالنسبة لي اوكتافيا
وانا كمان باقول اوكتافيا. بلاش تجيب عربية تكرهك في عيشتك لما لاقدر الله تخبطها ولا تحب تبيعها
البيجو حاليا بالحجز ومش متوافره
اركب البيجو الجديده وانت هتحس بفرق الفئه والرفاهيه بين العربيتن
لازم لازم تشوف البيجو الجديده وهميه بجد بكل ما تحمله الكلمه من اول قاعده الكرسى لحد السواقه والثبات والراحه
اوكتافيا سوقها احسن فى البيع
انت بتقارن ازاى؟ ال508 اعلى بكتير تقارنها بالباسات الجديدة و تكسب المقارنة :bill: بس مشكلتها انها بيجو (156 حصان abs ebd esp) مساحة الشنطة و الكراسى اللى ورا ممتازة و اوبشنز تانى كتير
طبعا بدون كلام البيجو أفضل .. الناس دي بتتكلم في إيه!!!!!!!!
البيجو موتور 1600 تربو و دي 1600 من عصر ماقبل الطوفان
تكنولوجيا ووسع و شكل جديد مش شكل اتحرق فالسوق
قصة التوكيل .. فأبشري يام حسن .. الاتنين بييدفعوك هبل فالجبل فمش فارقة .. اللي يحب يركب حاجة نضيفة ي....*
بس الشعب المصري اللي بيركب عربية بقالها 14 سنة و توفت رسميا من 9 سنين و يقولك " موديل 2012 " ( مش حاقول اسميهم بس اكتر عربيات فالبلد و كذا واحدة ) .. شعب غلبان .. بيدور علي حاجة تانية خالص
ايه يا باشا المقارنة الغريبة دي
طبعا البيجو ده كلام ما ينفعش أصلا نقارنهم ببعض مش معنى ان الفانتازيا منتشرة وقديمة ومعروفة يبقى تتقارن ب ال508 لأن لو الموضوع بالانتشار يبقى توكل على الله وهات نوبيرا :))
أنا معايا أوكتافيا a5
حاجة جميلة جدا
بس ال 508 دى أعلى جدا
تكنولوجيا جديدة
أوبشنز أعلى
وحاجات كتير أوى
واللى يشترى ال 508 ميتعاملش الا مع التوكيل
واللى بيشترى بيشترى حاجة تريحة ومش بيفكر فالبيع
وأما تفكر تبيع أنا شارى
طبعا البيجو تكسب
بس قطع غيار نار واعادة بيع فى الارض وتعاملك كله مع التوكيل فقط لا غير
بس لو مش فارقة معاك انها تكون اتوماتيك شوف الاسكودا السوبربيب ديه فعلا تقدر تقارنها بالبيجو
هو حضرتك بتصلح السكودا في الحرفيين مثلا ؟!
و هل ال Superb اعادة البيع بتاعها جامدة ؟!
أنا عايز افهم يعني الواحد يبقى دافع 200 ألف في عربية و مستخسر يصلحها في حتة نضيفة !!!
فعلا المصريين دول ملهمش حل :dzey:
و يا ريت حضرتك تجيبلنا قائمة أسعار قطع غيار السكودا من الوكيل و حد يجب بتاعت بيجو و نشوف انما مش حاجة محفوظة و خلاص "دي قطع غيارها نااار"
و نصيحة لصاحب الموضوع انزل بنفسك التوكيل هنا و هنا و اسال و قارن بنفسك عشان أنت عارف الفتي بقى :grin28:
كلام ممتاااز
إحنا ثقافة العربيات وأنواعها عندنا متةقفة من ثلاثين سنة
لأ هو فعلا SOHC 8v كامة واحدة بيطلع 102 حصان فقط..
بس فيه حاجة:
ماهو حتى الـ1.6 DOHC 16v بتاع VAG بيطلع 105 حصان بس (نازل فـ الإبيزا)..؟؟!!!
أهااااااااااااااااهاهاهاه ا ههههههههههههههههه
يعنى تاعبين نفسهم وكامة تانية بـ 8-صبابات كمان.. عشان فـ الآخر يطلع 3 حصان بس.. ههههههههههههههه :grin28:
الصراحة أنا مش فاهم VW لسه بتعمل الموتور ده أصلا ليه، أعتقد كان مفروض يستبدلوه من فترة بالـ1.4 TSI..؟؟؟!!
بالنسبة للمقارنة: فنيا.. طبعا الـ508 تتفوق،
- كفاية موتور الـ1.6 THP (انتاج مشترك مع BMW/Mini)، دا موتور المينى-كوبرS بس Tuned أعلى..؟؟!!!
- الفتيس كمان 6-سرعات EGC/EGS وده فتيس Sequential/ AMT أفضل وأحدث وأسرع وأعلى فـ الأداء بكتييييييييير من فتيس الأوكتافيا الـTiptonic..
ماهو برضه فتيس الأوكتافيا ده قديم فحت، لسه VW ماوصلتش الـDSG للسكودا.. تقريبا هما بيعاملوها على انها أقل ماركة فـ الجروب (وهى فعلا أقل حتى من السيات)..؟!! :penguin4:
لكن؛
صاحب المقارنة، عايز أيه؟؟
ركوبة وعربية تمام.. مع انتشار أقل ومفيش غير الوكيل، ولا عربية قديمة ومنتشرة لكنها أقل من البيجو ميكانيكيا بكتييييييييير؟؟؟!!
بالتوفيق فـ الإختيار isA،
حتلاحظ ان موديلات المواتير القديمة للشركات المملوكة لفولكس و لا تحمل العلامةّّّّ!!!
كمان مش دايما التطوير في عالم الفتيس كويس .. ال dsg ده كارثة في مصر .. و من كتر النقل فزحمة المحروسة بيبوظ كل 20-30 الف !!!
كمان الايزي ترونيك رخم للي بيسوق اوتوماتيك و بياخد فترة علي ما يتقبله
شوف ياسيدي
اعتماديه وقطع غيار وسعر اعادة بيع ال 128 تكسب
ثبات وفخامه وشياكه وثبات تبقى نيو الانترا
هههههههههه بهزر معاك اوعى تزعل
المقارنه في صالح البيجو طبعا مش عايزه كلام
بس شوف انت عايز ايه تكنولوجيا جديده ولا هتدفع فلوس في تكنولوجيا عمرها 10 سنين
انا طبعا مع اننا لازم نغير فكرنا شوية وبلاش التفكير بصورة عقيمة. ازاى نفضل تكنولوجيا بقالها عشر سنين وميكانيكا وماتور عف عليهم الزمن مع تحفة فنية فى الديزان والتكنولوجيا رجعت بيجو للزمن الجميل زمن ال 505 وال 405 مش ال 508 بس بل وايضا ال 3008.
انا عن نفسي معايا ال 210 الف ومحتار بين ال508 وبين ام ماتور تعبان الفانتازيا. السبب فى الحيرة هو اعادة البيع يعنى علشان اشتري البيجو اعمل حسابي ف خسارة لن تقل عن 50 الف جنية لو بعتها بعد سنة او 4 سنين انما الأمر مش بالخسارة دى لو اشتريت الفانتازيا هاى لاين.
هل التفكير الصح اية مع اخذ كل العوامل فى الاعتبار؟
معلش انت هتاخد اعادة بيع تعبانة اه بس نقلة تانية خالص , موتور قوي جدا ( على ما اعتقد تربو 156 حصان ) , اوبشن وتكنولوجيا خيالية , فئة اعلى ولا تقارن بالاوكتافيا اصلا , شكل ممتاز وبرستيج , شوف انت بتفضل ايه بقى
طبعا الفرق في إعادة البيع مش كده
الفرق بعد خمس سنين...و ده الوقت المتوسط للتغيير مايجيش عشرة فالمية يعني عشرين الف...علي خمس سنين...يعني تلتمية جنيه فالشهر..إحسبها إنت
أنا عن نفسي حأعتبرهم فلوس كيف إتكيفته و كيفني كل يوم بأركب فيه البيجو
طبعا البيجو 508 افضل
البيجو فئة اعلى من الاوكتافيا
+1111
دى فعلا مشكلتها الوحيده بالرغم من انها عربيه لا غبار عليها اكيد و فيها كل حاجه تتمناها موتور و استهلاك بنزين معقول و شياكه و كماليات و ثبات و امان لكن حظها وحش مع التوكيل زى اخواتها الفيات و السيات و القائمه المظلومه اياها و ان كان التوكيل السنه دى منزل موديلات كتير بعد فتره غياب طويله و بعد ما اخيرا طلقوا البارس الايرانى بالتلاته :) و الامل انهم يضبطوا التوكيل و يرجعوا للمنافسه بقوه فى السوق وده الى الان فى علم الغيب
بيجو طبعا 508
دى فئة والفانتازيا فئة تانية خالص
عموما انت اقنعتني مع اختلافى معاك فى العشرة فى المية لأ هما اكتر من كدا يعنى انا معايا مازدا 3 2008 شاريها زيرو ب 144 الف دلوقتى تعملها 100 الف وماشية 50 الف كم. يعنى نزلت 35% مابالك بقة 35% تنزل فى عربية ب210 او 240 الف يعنى انا كدا حخسر لايقل عن 70 الف......المهم انا برضة حهتبر ان انا اتكيفت بيهم العربية دى جامدة بس لازم اللى يجيبها مايبعيهاش على طول يعنى لازم يصبر على الاقل 4 او 5 سنين.
دلوقتى هل فيه حد من الاخوة اللى جابو العربية يقولنا اسعار قطع الغيار اية (تيل - فانوس.....الخ)
اخر نصيحية اطلبها من الاخوة الخبراء ال508 بشياكتها ولا 3008 بضخامتها وعلوها عن العربيات السيدان
الأثنين Multi-Link،
- الأوكتافيا بتستخدم تعليق الجولف/جيتا VW 4-Link Suspension..
- والـ508 بتستخدم تعليق الـMulti-Arm بتاع البيجو-سترون (فـ الستروين بيعدلوه كمان Hydra-Active)..؟!!
لا غبار على البيجو عموما فـ جزئية العفشة دى، سواء الملتى-لينك فـ الموديلات الكبيرة.. أو التورشن-بيم فـ الكومباكت، ثبات، راحة ونعومة، تحمل. :fish10:
بيقولك: تعليق الـ508 الأمامى (الـMcPherson) أخف من تعليق الـ407 الجيل اللى فات بـ 12 كجم..؟؟!!! و ده رقم impressive على فكرة.
- أنا شايف العربية دى بيجو عملت فيها شغل جامد أوى، وحطت فيها كمية تكنولوجى كبيرة جدا بالنسبة لسعرها كمان..؟!!
يعنى عكس اللى بيتقال عن الـresale.. رأبى انها تستاهل فلوسها وأكثر، ومتفق مع ان الـdrop فـ إعادة البيع أقل بكتير من الأداء، المتعة، الرفاهية والتميز بتاع العربية.
الـTSI مابينزلش إلا مع DSG (سواء Dry-Clutch مع المواتير 1.4 الـ122-150/160 أو Wet-Clutch مع المواتير 2.0 الـ210-265/270 حصان)،
وفيه أوبشن مانيوال 6-سرعات فـ الجولف الـGTi..
الأوكتافيا فعلا بتنزل برا TSI+DSG، وقبل كده كانت بتنزل FSI.. والمفروض تنزل مصر كده (1.4 TSI ومفيش 1.6 MPi تانى)..؟!!
- بس خد بالك فـ مصر بينزلوا Combinations غريبة (من تنوع مواتير+فتيسات VW)؟؟!!!
ليا أقارب فـ ألمانيا بيقولك مفيش حاجة اسمها باسات 1.6 FSI مع فتيس Tiptronic؟؟؟!! (الباسات القديمة بتاعتنا فـ مصر).
وبيقولوا الموتور ده بينزل مع فتيس مانيوال 6-سرعات بس (وده فعلا موجود فـ الـEos هنا ف مصر)،
والفتيس الـTiptronic ده بينزل على الـ1.8 والـ2.0 FSI (لكن 1600 لأ)؟؟!!! :N_no[1]:
Rgds،
بص البيجو تحفة و كل حاجة بس بجد انا راكب 308 2011 و احب اقولك مع ان دى فية منها كتير اكتر من 508 بكتير الا انى بندم انى مشتريتش اوكتافيا عشان انا جالى سفر و عايز ابيع سعرها هينقص منة مش اقل من 40 او 45 الف فانا مضايق جدا و فكرت فى يوم زى دة بس حب البيجو اتلب عليا هيا 508 عربية حلى من الاوكتافيا تقدر تقول من 5 الى 10 % فقط عشان : هتبقى مميز ( انتشار الاوكتافيا مع كل من هب و دب دة مشكلة بالنسبة لى )
الاكتافيا تتباع بسهولة تتصلح بسهولة قطع غيار ارخص عربية اللة يلعن ابو الثبات اللى فيها لا تقل عن البى ام دبليو احلف باية انا لفت بية على الدائرى بعد الفرملة سرعتى مكنتش تقل عن 140 و مقلبتش و الدائرى زبالة طبعا اللى اعلم ال 508 هتبقى بالكلام دة ولا بس هتتخنق اوى زى لو حصلك اى موقف فى اى وقت محدش عارف المستقبل و اضريت تبيع البيجو هتاعد تعيط فلوسك فى الارض بس هيا بكل معنى الكلمة عربية اعتمادية بهدلة تعمير ثبات مفيش حاجة مش ناقصها لو ميفرقش معاك موضوع البيع و الفلوس و الانتشار اشترية بدون ادنى تفكير
و اللى بيقول بيو توكيلها سئ لا خالص محترمين و خدومين الى اقصى الحدود و اى حاجة طول ما العربية فى الضمان بتتغير ببلاش مهما كانت ان شاء الله يكون موتور دول انا اشتكيت من التكييف قالى تعالى بكرة هغيرهولك كانت معايا بقالها شهرين بس قلتلة لا مش للدرجة دية قالى ولا انا ولا اتا خسرانين حاجة مش هندفع فلوس من جيبنا خالص تقولوا توكيل وحش يا جدعان بلاش حد يتكلم عالفاضى من غير ما يجرب دول ناس ف قمة الاحترام كان معايا قبلها تويوتا كورولا لا تقل عنها فى شئ فى التوكيل قمة فى النضافة و السرعة و الاحترام
اسمحولى اقول رأيى بما انى شفت الموضوع بالصدفة، نصيحة لو انت بتحب تغير كتير اول باول خليك فى المدرسة الاسيوية قطع غيار فى الرخيص الى حد ما وبيع بخسارة قليلة، واسن الكورى الالنترا واليابانى السيفيك (وجهة نظرى من غير زعل) ولو يتعمر الحاجة معاك اكتر من 5-6 سنين يبقى المدرسة الاوروبية.
وبما انى كنت راكب اوكتافيا A4 ومع والدى فنتازيا ومع زوج اختى A5 اقوللك رأيى بكل امانة وبدون تحيز.. بالنسلة للA4 A5 و الفانتازيا كله عربية واحدة باختلاف الشكل و الاوبشن او طريقة الاوبشن وتقل ال A4 عن الاخرتين فى ال ESP EPD
ال3 نفس الموتور وتقريبا نفس المكونات الميكانيكية ونفس التعليق والثبات وتقريبا الحجم يعنى التكنولوجى عتيقة مرت ب3 اجيال وما اتغيرتش، كل اللى بيتغير الشكل بره وجوه ويتم تقليل ثمك الصاج من الA4 الدبابة الى الفانتازيا الورق، وبيزيد الطول من الA4 الى الفانتازيا حوالى 11 سم منهم حوالى 5 سم داخل الصالون بس اجمالا عربية جميلة وثابتة لكن تكنولوجى قديمة وقطع الغيار غالية، انا كنت بغير تيل امامى وخلفى للA4 فى التوكيل ب970 جنيه، فلتر الهواء ب95 والبنزين ب175 فمش فرق رهيب بينها وبين البيجو..
نيجى بقى لل508 تحديدا اللى انا اشتريتها بعد ما قارنت بينها وبين الفانتازيا وكان الموضوع اسهل بالنسبالى عشان انا حافظ الفانتازيا او الاوكتافيا عموما، من اول الركوبة والقاعدة مختلفة الكنبة الخلفية اوسع من الفانتازيا 1.5 مرة على الاقل ودا كان سخيف فى الاوكتافيا لما حد بيركب معايا كنت لازم اطلع قدام كتــــــــــير عشان اللى ورا يعرف يقعد عادى مش مرتاح، انا مش فاهم ايه الفكرة ان الصالون يكون ضيق والشنطة بحر كدا، لو الصالون يزيد 10 سم طول كانت هتبقى مريحة جدا، الفانتازيا من الداخل شكلها واو عشان الصالون واخد طابع الاودى اللى كانت موديل 2006 فهو واو بالنسبة للA4 مثلا واحلى كتير من الA5 لكن لا يقارن تماما بالبيجو لان بتاع البيجو واخد طابع خاص بيها وشكله مبتكر كمان المسافة بينك وبين اللى جنبك عريـــــــــضة جدا يعنى فى كونسول عريض فى النص عالى جنب ايدك فعلا بيحسسك بالراحة "او الانتخة" فى المكان عكس الاوكتافيا المساف تقل 1.5 مرة بردو..
انا مش عاوز حد يزعل منى بس المقارنة بين الفانتازيا الهاى لاين والبيجو البيزك نفسها ظلم للاوكتافيا،
شوف كراحة فى الطرق المكسرة اللى مالية البلد فعفشة السكودا ناشفة جدا بالنسبة للبيجو، كمان الفانتازيا عربية "فهمها بطئ" يعنى بعد ما تدوس بنزين تفكر بعدين تقرر بعدين تمشى وما تتركبش غير مانوال عشان يدوب تجرى (8valve 1.6L 102 HP) اما البيجة ف(16valve 1.6L THP 156 HP) يعنى الموتور 1.5 مرة قوة الفانتازيا (بس بنزين 95)، انا مش هقوللك على المواصفات الميكانيكية والفتيس فالاخ Formulator قام بالواجب "هو اصلا معقدنى ما شاء الله عليه"، لكن الاوبشن هتختلف من الفانتازيا للبيجو انك هتخسر حاجات بالعدد وهى
- 6 CD Changer
- Tyre pressure sensor
- Xenon
- Sun Roof
غير كدا كله موجود يزيد عليه
- فتح الشنطة من الريموت
- Follow me at home function
- 12volts output 1 extra in peugeot
- USP
- Smokers' package
الاهم من دا كله حاجتين ا
ولا انت هتدفع 210000 فى عربية عشان تستمتع بيها وللا تاخد الاقل عشان لما تيجى تبيع
ثانيا ولاهم على الاطلاق: الاوكتافيا ليها شكل جديد نزل برة فظــــــيع جدا هينزل مصر 2013 ممكن نص السنة لما ستوك الفانتازيا يخلص بموتور 1.4 TSI and DSG المليان مشاكل يعنى لو هتبيع السعر هينزل بردو عشان فى شكل جديد نزل :))
وتقبلوا مرورى واسف على الازعاج واى خدمة انا تحت امرك لو عاوز تكلمنى