شاكر مرور الاعضاء جميعا وتقديرهم على المجهود والتقرير
خالينا بقا اوضح شوية حاجات للناس اللى مش عارفة القصة

اولا دى مش نازلة من نيسان ايجيبت .. دى اوتو ايجيبت الموزع المعتمد لنيسان .. وهو اللى عامل الاضافات دى

الحاجة التانية .. شكل الصور غير الطبيعة تماما .. بخصوص كفر الاشارات على الطبيعة فى منتهى الشياكة فعلا .. وبردوا متفق معاكم انها اراء واذواق .. لكن شوفيها على الطبيعة

بخصوص الاستيكر بردوا الصور زى ما انتو شايفين متخدة من زوايا ضيقة ومش باين شكل العربية من بعيد بالاستيكر .. والاستيكر ده عشان تكون شكلها رياضى اكتر .. مع ان شكلها بردوا من غيره تحوى بالشكل الرياضى

وبخصوص ال5 الاف فرق هما دول بقا اللى حنتكلم عليهم

العربية بتتباع اصلا عند اى حد عايز يستلم فورى باوفر بريس .. بتتباع بحوالى 170 واحيانا 175 الف

وواعتقد لما تستلم من موزع معتمد بزيادة 5 الاف وعليهم اضافات بدل ما تدفع كمان ال5 الاف جنيه او اكتر بكتير عند اى حد ومتخدش حاجة .. فاعتقد ان ده كويس جدا

غير ان الزينون اللى فيها زينون محترم واى زينون محترم من ماركة فيلبس او اسورم بيعدى ال1000 جنيه ..
وكفر الاشارات العادى بتاع الصنى والتيدا بيبتاع فى التوكيل ب1000 جنيه وده مختلف عنه حتى لو ثمن تكلفته بتكون عليهم اقل طبعا .. بس الاشارات دى ليدات ومختلفة عن اللى بتنزل الكفرات اللى بتنزل للتيدا او الصنى

واكيد طبعا لازم يكون فى مكسب .. وبالنسبة للسوق انا شايف انه سعر مناسب لى حد حابب يستلم فورى وعلى طول وبدون حجز فى حالة توفر السيارة بالتجهيزات دى

دى بس نقطة عشان اوضحها للاعضاء اللى مش معاهم نيسان ومش عارف الدنيا ماشية ازاى

وتقريبا السبع بردوا بينزل فيها اضافات والاتحاد الوطنى .. بس حقيقى معرفش بينزلوا فيها ايه ..

وتحياتى للجميع