تويوتا كورولا 2012-2013 - القبيحة كليا ... قصدي الجديدة كليا !

**me_medoo** · 23-05-2012 10:40 AM

المشاركة الأصلية كتبت بواسطة semsem kane

ياباشا محدش يقدر يدخل قسم الهوندا يقول اى كلمتين لانهم عارفين what is honda mean

وبعدين ينفع تقول كدة واحنا جيران

ههههههههههههه
ياسمسم باشا قسم تويوتا كلو عارف ومتاكد يعني ايه كلمة هوندا
الي مكتوبة ومحفورة على عربياتها باحرف من ذهب
وانها عربيات فوق المنافسة
نحن هنا في تويوتا نرفع القبعة لكل عربيات هوندا
بس تعمل ايه مش بعيد بكرة يعدي عليك جماعة هونداي
ويجيلك واحد يقلك هو ايه الفرق بين هونداي وبين هوندا
الفرق حرف الياء ههههههههههههههههه
#############################
شركة هونداي شركة مقلدة ملقتش اسم في الدنيا رايحه واخده اسم هوندا
وشعار هوندا حرف الاتش وقامت عوجتو وقالو يالله احنا هنعمل عربية
##############################
واهدي سلامي وتحياتي لقسم هوندا ومستوبيشي ونيسان الشقيقة والحبيبة
وتحياتي

**mody3on** · 23-05-2012 10:49 AM

المشاركة الأصلية كتبت بواسطة me_medoo

\
#############################
شركة هونداي شركة مقلدة ملقتش اسم في الدنيا رايحه واخده اسم هوندا
وشعار هوندا حرف الاتش وقامت عوجتو وقالو يالله احنا هنعمل عربية
##############################

**me_medoo** · 23-05-2012 10:50 AM

يانهارك ازرق يا (كراي ). انتا خبطت كمان في الهوندا
ياباشا الهوندا دي مش اي حد يركبها برضو لازم يكون فاهم يعني ايه هوندا
الهوندا دي مخلوقه ومصممة لحلبة السباق مش للشوارع
ومفيش عربية تقدر تسابقها

واه ياسيدي. تويوتا بتنافس مارسيدس وبي ام كمان
في عربيات في تويوتا اسمها لكزيس دي بره في دول العالم مرغوبة اكتر من بي ام ومارسيدس
مع احترامي الكامل لمفخرة صناعة العربيات الالمانية

بس عامةً تويوتا طول عمرها وبعض الماركات زي المارسيدس او البي ام اول مايبتكرو شكل جديد
الناس كلها تقو يييييع ايه القرف ده
الشكل القديم كان احلى وبرقبتو
لكن مفيش كام شهر وتلاقي الناس كلها تبيض وتجيبها
وتقول عليها واااااااااااااو
وتحياتي

**CryptonX** · 23-05-2012 11:05 AM

المشاركة الأصلية كتبت بواسطة me_medoo

يانهارك ازرق يا (كراي ). انتا خبطت كمان في الهوندا
ياباشا الهوندا دي مش اي حد يركبها برضو لازم يكون فاهم يعني ايه هوندا
الهوندا دي مخلوقه ومصممة لحلبة السباق مش للشوارع
ومفيش عربية تقدر تسابقها

واه ياسيدي. تويوتا بتنافس مارسيدس وبي ام كمان
في عربيات في تويوتا اسمها لكزيس دي بره في دول العالم مرغوبة اكتر من بي ام ومارسيدس
مع احترامي الكامل لمفخرة صناعة العربيات الالمانية

بس عامةً تويوتا طول عمرها وبعض الماركات زي المارسيدس او البي ام اول مايبتكرو شكل جديد
الناس كلها تقو يييييع ايه القرف ده
الشكل القديم كان احلى وبرقبتو
لكن مفيش كام شهر وتلاقي الناس كلها تبيض وتجيبها
وتقول عليها واااااااااااااو
وتحياتي

ماشي يا (مـــيدو ) بس انا بتكلم على تويوتا مش لكزس .... و الهوندا 2012 الهونداوية نفسهم بيقولك انها منلزتش .. (بيتبروا منها) و ده مش كلامي :)

ماهو انا عربيتي التانية باليو من فيات و ممكن اقولك ان في كام ماركة اسمهم فيراري و الفا روميو و مازيراتي برده يعلموا على لكزس و بي ام دبليو رايح جاي .. بس مش فيات اكيد :)

شكل التويوتا عمر ماحد قال عليه واو .. والبني ادمين بيولدوا مش بيبيضوا :) يا اما لو حصل طفرة بيولوجية حضرتك تعرفها عنا قولنا :) .. من ساعة مااتعملت وموديلات تويوتا هدفها تكون سيارة عائلية بسيطة باعتمادية عالية و اقتصادية تشغيل .. عمرها ماكانت عربية سواق او قيادة رياضية مثل المازدا مثلا والهوندا .. و تصميماتها كلها كانت "متحفظة" و بسيطة .وبااستثناء 2010 بصراحة كانت احلى كورولا في نظري (تصميميا مش موضوعا) على الاقل من الخارج ...

**CryptonX** · 23-05-2012 02:41 PM

المشاركة الأصلية كتبت بواسطة me_medoo

واضح حضرتك مشاء الله مطلع جداً ، حضرتك التويوتا هيا هيا اللكزيس ... يعني مثلاً ممكن تلاقي الاند كروزر الفل فل اوبشن فيه حبت افشخنات وكراسي جلد. وجنوط حكاية ورواية بيحطو عليه شعار لكزيس. ولو موصفات عادية بيحطو عليه شعار تويوتا وكزالك الحال في بقيت العربيات المصنع والمصمم واحد بس موصفات عالية. من حيث الرفاهية فاحنا مش بنتكلم عن منتج تاني. ولا شركة تانية بخلاف شركة فيات المالكة لمصنع فراري زي ماتيوتا مالكة بنسبة ٥٠٪ لمصنع ديهاتسو. ومالكة لاسهم في شركة سوبارو لكن تويوتا هيا هيا لكزيس لكن الفيت مش هيا هيا الفراري هههههههه .... وبعدين ياعم الحج خلاص تويوتا ووووحشة تويوتا يييييييييع
روح بقة انتخب. انا رحت صوت ورجعت ولسه انتو بتتكلمو في تويوتا وحشة
وهونداي زي الفل. متبقاش تركب ميكروباص تويوتا بعد كده
واركب ميكروباص هونداي. ده اذا لقيتو اصلاً في السوق
مسئلتش نفسك ليه مفيش ميكروبصات هونداي بتستحمل الشارع المصري
وكلوووو تويوتا رغم انها غاليه جداً
الجواب الغالي تمنو فيه
وهونداي بتفيص بسرعة
بس. كده. وخلص الكام
هههههههههههههه
وتحياتي

لا انت الي متطلع فعلا ...
معظم عربيات فيات - الفا روميو -لانشيا ههي هي بتصميم مختلف بتاخد نفس الشاسيه و المحركات بس بتصميم مختلف يعكس الماركة الي عايزاها ... ( الي برة القاعدة مايزراتي و فيراري لان مفيش حاجة مشتركة بينهم لسبب ان دي سيارات مدينة و دي سوبر كارز ! و دي طبعا حاجات عمر ماتويوتا تعرف تعمل ربعها .. لكزس كانت او تويوتا) بالستثناء ال Lexus LFA و والي بصراحة الحاجة الوحيدة الي ممكن مصممي تويوتا يتفخروا بيها من ساعة ماتويوتا فتحت !

وهل كل موديلات ليكزس هي تويوتا بعلامة مختلفة ؟
بيزودوا كراسي جلد ؟ و "............*" ؟ هو ده الفرق بين تويوتا و لكزس ! LOL
لا دنت تويوتاوي كمان عيب يعني ..

في 90% من الموديلات
الفرق بيبقى تصميم مختلف تماما يا استاذ !
تصميم خارجي و داخلي ! و عفشة مختلفة و محركات و فيتسات مختلفة ( او زيادة) ! و طبعا كماليات و اضافات مختلفة علشان تخليها سيارة Premium مش حاجة اقتصادي !!

Lexus CT
الي هي كورولا بعلامة لكزس على كلامك !
يعني لو ركبت دي و ركبت الكورولا حقول عليهم نفس العربية ؟؟ علشان شوية الجلد ؟ LOL

lexus HS25

شاسيه الافنسيس ! بعلامة لكزس برده .. نفس العربية مش كدة ؟

LEXUS ES300H
شاسيه الافالون

لكزسGS350

غير متاكد انهي شاسيه .. بس قولي ايه علاقة دي باي موديل في تويوتا ؟
محركات V6 - فتيسات ب ECO/SPORT/SPORT+ - REMOTE TOUCH حاجة زي ال iDrive .

موديلات ال 4x4 هما اقرق حاجة للتويوتا و للاسف اقبح موديلات SUV في العالم في راي الشخصي ...

وطبعا الرهيبة !
LFA

مبنية على شاسيه الياريس دي ؟ مش كدة ؟؟

قالك تويوتا هي لكزس !!
:) تحياتي يا استاذ متطلع :)