فيكترا بي والعادم الاسود

**Mamoud salah H** · 20-05-2012 05:30 PM

السلام عليكم يا رجالة انا دي اول مشاركة ليا في الجروب و عندي استفسار عن حاجتيين
اولا انا معايا اوبل فيكترا بي 1996 ايكوتك 1600cc نسخة اوروبي مانيوال
في مشكلتيين الاولي ان الشكمان بيطلع عادم اسود بسييط اوي والعربية دايرة سخنة او باردة ولما اكبس علي البنزيين جامد طبعا الدخان بزيد المهم كشف كومبيوتر طلع حساس الماب غيرتو وبردة المشكلة موجودة وان خفت شوية بس لسة موجودة فبصراحة انا متعكنن اوي من الموضوع دا
لو حد يقدر يساعدني وللعلم انا عامل سيرفس للعربية من اسبوع(فلاتر+بوجيهات+زيت موبيل 1 لسة متغير) ===========المشكلة التانية بقي اني عايز كود للكاسيت الاصلي بتاعها

وعايز اعرف هو الموتور دا كام حصان
معلش تقلت عليكوا بس انا معنديش خبرة ومنكم نستفيد

**Mamoud salah H** · 20-05-2012 10:40 PM

متابع باهتمام جدا

**tananybasha** · 20-05-2012 11:44 PM

الأول مبروك
ثانياً ده حساس كولنت و ياريت تغيره
ثالثاً الموتور ده 101 جصان على ما اتذكر
رابعاً كود الكاسيت على الكتالوج لو مش موجود و العربية مش داخله عن طريق منصور فيه حد زميلنا كان قال انه يعرف يجيبه من السيريال
خامساً بلاش موبيل اى كان نوعه مع الأوبل و لو بتحط تخليقى حط شل الترا او مولى ليكوى