سؤال 1
----------
عايز اعرف ازاى بيتم حساب الفائدة على الودائع البنكية ,, خصوصا لما تكون الودائع لمدة اسبوع او اسبوعين او شهر ؟؟؟
-- لو قال مثلا فائدة 7 % على الودائع لمدة اسبوع ,, يعنى 7% سنويا وكدة هتكون الفائدة المضافة لبلغ الةديعة عبارة عن نصيب الاسبوع من ال7 % السنوية وللا اية ؟؟؟؟
الـ7% دي سنوية, فيبقى تقسمها على 12 يطلعلك فائدة الشهر الواحد وهكذا.
بس هو طبعاً الودائع فوايدها بتبقى كلام فاضي مقارناً بشهادات الأدخار.
سؤال 2
----------
ما هى طريقة حساب الفائدة على حسابات التوفير ؟ سواء فى البنك او البوسطة ( البريد ) ؟
--- يعنى مثلا فى البريد 9% سنويا بتتقسم على الشهور ازاى ,,, يعنى انا خلال السنة بحط فلوس واسحب فلوس ,, فكدة الفائدة دية بتتحسب على اى اساس
الفائدة بتتحسب على متوسط رصيد الحساب خلال الشهر كله
سؤال 3
----------
هل لما تفتح حساب او دفتر توفير فى بنك هل بيتخصم منة مبلغ دورى عشان كشوفات الحساب تتبعتلك ؟ وللا ممكن تلغى دة وميتخصمش حاجة خالص
--فى البنوك لما بتفتح حساب او ادفتر توفير ( بيتخصم فلوس عشان خطابات تترسللك __ كشف حساب يعنى __ ) وللا انت ممكن تلغى دة وميتخصمش حاجة زى البوسطة كدة وللا لازم يتخصم فلوس ؟؟
المفروض أه By Default بيتخصم مصاريف كشف حساب كل شهر, و ممكن تتلغي أه.
سؤال 4
----------
هل الحسابات الجارية ( اللى من غير فائدة ) بيتدفع لها مبلغ سنوى مقابل انهم عاينين الفلوس يعنى ؟؟؟ وللا مبتدفعش طالما مبتخدش فائدة ؟؟؟
نفس معاملة حساب التوفير بالظبط..
و في الأخر الكلام ده كله ممكن بيختلف من بنك للتاني...
المفضلات