حد شاف سيتروين c3 بيكاسو 2012 الجديدة ؟؟؟ .. بصراحة حاجة حكاية كده !!!

**Dr'AhmZZong** · 29-05-2012 05:09 AM

المشاركة الأصلية كتبت بواسطة ahmed_moslem

آسف عالتأخير
التكييف جيد جدا, لكنه مش زى اليابانى
التسارع رهيب ما شاء الله, خصوصا انى خارج من بروتون واجا (101 حصان)
العفشة رائعة وناعمة جدا, لكن بصراحة المطبات الصغيرة أوى دى بالذات (اللى بتبقى كتير ورا بعض) بحس بيها جامد, معرفش ليه
الفرامل ممتازة ما شاء الله
لم أشعر بأى عيوب تقفيل حتى الآن (العربية تقفيل فرنساوى)
التوكيل بتعامل معاه من أيام بروتون, وبصراحة هو كان عاجبنى (عارف ان سمعته وحشة) لكن مفيش حاجة كنت بشتكى منها وبأصر عليها الا وكان بيغيرها لى حتى لو كان فى آخر الضمان
والصيانة المهندس قال لى انها بعد10 الاف كيلو رغم انه أول ما شافنى كان قال لى بعد 15 ألف, وبصراحة أنا شكيت فيه وحاسس انه مش تمام

لا يا باشا ولا تأخر ولا حاجة .. كفاية إني بتقل عليك ..

عموما تقييم العربية ما شاء الله عاجبني جداااااااا ..

ربنا يديك خيرها و يبعد عنك شرها ..

بس نقطة التوكيل ديه .. فيها جدل كتيييييير !!!

**A.Adel** · 29-05-2012 04:11 PM

المشاركة الأصلية كتبت بواسطة ahmed_moslem

آ
والصيانة المهندس قال لى انها بعد10 الاف كيلو رغم انه أول ما شافنى كان قال لى بعد 15 ألف, وبصراحة أنا شكيت فيه وحاسس انه مش تمام

طب أسأل مين عشان يكون فيصل فى النقطة دى, أنا كده حاسس انهم بيشتغلونى آخر حاجة

أنا كده فهمت , حضرتك بتقول إنك عملت 3200 كم
يعني دي المفروض صيانة ال 1000 كم
الصيانة الجاية هتبقى عند 15000 كم
عشان كده هو قال لك بعد 10000
3200 + 10000 هتبقى 13200
يعني عند 13200 لمبة ال سيرفيس هتنور عشان تفكر حضرتك تروح صيانة ال 15000

مفيش مشكلة ولا حاجة :)

**A.Adel** · 29-05-2012 04:14 PM

بالنسبة لعرض الصيانة , يا ريت تراجع العقد اللي مع حضرتك
ممكن يكون مكتوب فيه أو كلمهم و اسال عن تفاصيل العرض
ممكن يكون لل كاش بس مثلا

**Mohamed.Ramah** · 10-06-2012 02:01 PM

المشاركة الأصلية كتبت بواسطة bassemali

طب سؤال معلش : هوا في سي 3 عاديه وفي سي 3 بيكاسو ؟؟؟
أصل انا شوفت الشكل ده اللي هو البيكاسو على كونتكت كار ... وعلى موقع عز العرب شوفت شكل تاني بس مكتوب سي 3 بس مش بيكاسو ؟؟؟؟ فمش فاهم بصراحه .. وأيه اسعار الأتنين لو سمحتوا ؟

بالفعل فى اختلاف الC3 بيكاسو 2012 تصنف compact car وحجما وشكلا مختلف عن c3 small HB

الفروق ايضا فى السعر والكماليات الخاصة ب C3 بيكاسو 2012 :

C3 بيكاسو
صندوق التروس - اوتوماتيك
سعة المحرك - 1600 سى سى
قوة المحرك - 125 حصان
اطارات السيارة - 195/55R16
الوسائد الهوائية - 4
انظمة الأمان - ABS- EBD - EBA
طول / عرض / ارتفاع - 4078 / 2050 / 1669

الوان ستروين C3 بيكاسو 2012

اسود - ابيض - احمر - رمادى - فضى - برونز

السعر : اوتوماتيك جميع الكماليات
128.800 جنيه مصرى

كماليات ستروين C3 بيكاسو 2012

تكييف هواء - سنتر لوك بالريموت كنترول - مصابيح ضباب امامية و خلفية - 2 زجاج كهربائى - مسند ذراع امامى - عجلة قيادة من الجلد - مثبت سرعة و محدد سرعة - 3 مساند للراس خلفية - امكانية التحكم فى ارتفاع مقعد السائق - حوامل اكواب امامية و خلفية - مرايا جانبية كهربائية - مرايا جانبية قابلة للطى يدويا - كمبيوتر رحلات - اضاءة المصابيح الامامية تلقائيا - استشعار المطر - زجاج خلفى مظلل - سبويلر خلفى مع مصباح توقف - الاكصدامات بنفس لون السيارة - عوارض تحميل فوق سقف السيارة - راديو سى دى 4 سماعات مع ريموت كنترول

-------------------

بالنسبة ل c3 الكماليات والتجهيزات الخاصة بها :

صندوق التروس - مانيوال / اوتوماتيك
سعة المحرك - 1400 سى سى
قوة المحرك - 76 حصان
اطارات السيارة - 195/55R16
الوسائد الهوائية - 4
انظمة الأمان - ABS- EBD - EBA

اسعار موديلات ستروين C3 2012:

- ستروين C3 2012 مانيوال P1
( 76 حصان - 1400 سى سى ) 109.800 جنيه مصرى

- ستروين C3 2012 مانيوال P2
( 76 حصان - 1400 سى سى ) 118.800 جنيه مصرى

- ستروين C3 2012 اوتوماتيك اكسكلوسيف
( 125 حصان - 1600 سى سى ) 158.800 جنيه مصرى

كماليات ستروين C3 2012:

تكييف هواء- زجاج كهربائى - مساند للراس - امكانية تعديل مقعد السائق - سنتر لوك بالريموت كنترول - باور ستيرنج - كمبيوتر رحلات - زجاج مظلل خلفى - مصابيح ضباب امامية و خلفية - بلوتوت