الموضوع: حد شاف سيتروين c3 بيكاسو 2012 الجديدة ؟؟؟ .. بصراحة حاجة حكاية كده !!!

المشاركة الأصلية كتبت بواسطة Mohamed.Ramah

شكرا لحضرتك على المعلومات الافادتنى فعلا بس مش عارف لية اتقفلت لما شوفت الفتيس انا كنت بتمنى انى ملاقيش الفتيس دة هو البينزل ههههههههههههههه مش عارف بقى علشان مجربتش سواقة سيارة بالفتيس دة حيبقى الوضع ازاى وسؤال مش هو دة نفس الموجود فى الاوبل استرا والفيات جراند بونتو ؟ وياريت شرح تفصيلى للرموز ماعدا r دة انا عارفة وازاى اوقفها زى وضع ال P لانى اتلخبطت لما قريت معلش بتقل عليك وشكرا مرة تانية على الصور والمعلومات جزاك الله خيرا

هو فتيس الأسترا والبونتو (وماريللى كانت بتبيعه لفرع سمارت بتاع Merc كمان)..
- الـN هو الـ مور أو Normal الفتيس ممور ومفيش غيار معشق (مانيوال عادى)..
- بدل الـD هتلاقى 1st, 2nd 3rd... وكده. (فـ الشاشة)

الفتيس فـ وضعية الـAuto؛ ممكن تزق الـStick/Knob على حارة الـMan (مانيوال)، وانت اللى تتحكم فـ الـGear-Shifts (تنقل أمتى على كام rpm).

آه نسيت أقولك: ممكن تلاقى زرار Eco أو Sport (بيشتغل فـ الأوتو-مود فقط)، تدوس عليه يغير الـShift-Points بتاع الفتيس..!!
الـEco ينقل بدرى.. عشان يوفر بنزين، والـSport ينقل متأخر (حارق عـ النقلة) عشان الجرى والشد..؟!!

بالنسبة للـparking:
هما بيوفروا Gear-Lock كامل فـ الـStructure بتاع الفتيس.. فاهمنى؟؟!!!
يعنى عشان يصغروا وزن وحجم الجيربوكس.. ويقدروا يركبوه على مواتير صغيرة (وفـ حوض موتور ضيق).. فـ بيخليه Compact قدر الإمكان..

طب أنا أركن إزاااااااااى؟؟
بيقولك: واقف على Uphill أو مطلع.. أديها 1st وبطل العربية وهى معشقة الأولانى.
ولو واقف على Downhill أو منزل.. أديها R، وبطل الموتور وهى معشقة مارشيدير..؟!!
عشان لو الهاند-بريك فلت.. يفضل الغيار ماسك العربية ماتتدحرجش..!!
وبرضه عشان السرقة (كده الـ4 عجلات locked قدام وورا).

المشاركة الأصلية كتبت بواسطة Mohamed.Ramah

هو المذكور فى اغلب المواقع حتى الموقع الرسمى للشركة ان الموتور 120 hp وبعدين لو ازيد خير وبركة هو حنقول لا : )

ياباشا Ok، وأنا برضه مش بآخد بصفحة الوكيل.. عز-العرب يقول اللى هو عايزه.
أنا بتكلم ان Peugeot-Citroen عندها موتور 1.6 16v VTS (مش VTi) بيطلع 125 حصان..
اللى بيفهم فـ عربيات بيجو-ستروين.. هيعرف ان الموتور ده قديم عندهم كمان (كان بينزل على البيجو 206 لحد 2010 de-tuned عن نسخة الستروين C2).

btw: عز-العرب ممكن مايكونش كذاب ولا حاجة، ممكن يكون الموتور مش Prince أصلا، ويكون الـTU5JP4S القديم 125 حصان (Euro-4)..
لأن مواتير الـprince الجديدة كلها Euro-5.. فـ كده مواتير الـTU5 أرخص على المصنع والوكيل..؟؟!!!
وده يبرر سعر العربية اللى كلنا شايفينه رخيص؟؟؟!!
+ إضافة الـCatalytic-Converter بتاع اشتراطات البيئة الجديدة Euro5 والـDe-Tune للموتور مكلفة جدا.

تتعرف من حاجتين:
- الموتور القديم الـECU بتاعته Siemens-VDO، الجديد (انتاج مشترك مع BMW) بيبقى BOSCH بوش EDC
هى التشيباية بتاع الـinjection-ignition هتقولك ده موتور prince ولا TU5
- الحاجة التانية: الـCatalyst نفسه، بيبقى Marked الـEuro4/5 على الـHeat-Shield اللى مغطى المانيفولد بتاع العادم..؟!!

المشاركة الأصلية كتبت بواسطة Mohamed.Ramah

بس القلقنى بقى من الاداء لانى شايف التقييم زى ما ذكرت ومحدش رد عليا فية ال performance تقييمة مش عاجبنى وانا شايف ان الاداء مذكور من 0 ل 62 11.5sec والمانيوال جيربوكس 10.9
وال handling ايضا تقييم متوسط !

على فكرة الفتيسات الـSequential المفروض انها أسرع فـ 0-100 من الفتيسات المانيوال كمان؟؟؟!!
بصرف النظر عن موضوعية تقييم Top-Gear؛
بس دى Mini MPV، ولو انى مش مقتنع ان أى عربية الـB-segment من بيجو-ستروين بتهاندل وحش؟؟!!! بس هو بيقارنها بأيه؟؟

المشاركة الأصلية كتبت بواسطة samyyousef

تحياتي لحضرتك, و لجميع السادة أعضاء المنتدى
من خلال متابعتي لمعظم مداخلاتك أشعر بالانبهار أمام معلوماتك
لكن....احب أن اعرف رأيك في هذه السيارة بصفة عامة بشكل مبسط بعيدا عن المواصفات الفنية التي قد لا اكون متواصل معك فيها بشكل واضح, و هل الفتيس الخاص بها يتوقع منه مشاكل
و لي سؤال بشأن السيارات الأمريكية, هل حضرتك على دراية بها مثل تلك السيارة
تقبل تحياتي

يافندم العفو، ربنا يخليك..
الفتيس ماتوقعش منه مشاكل ميكانيكية، قد ماهى مشاكل Consumer مش على دراية كافية بتقنية الفتيس وطريقة الإستخدام؟؟!!!
خد بالك ان الفتيسات دى متجربة واتقدمت جدا فـ السنوات الأخيرة،

- عايز أقولك ان المستهلك الأوروبى (اللى كان لحد قريب بيفضل المانيوال العادى عن الأوتوماتيك الصرف)،
دلوقتى الفتيسات دى (الـAuto-Man) بتلاقى قبول وانتشار كبييييييييير جدا فـ أوروبا.. سواء Single-Clutch زى دول، أو Dual-Clutch
واعتقادى انه خلال فترة بسيطة، مش هتلاقى عربيات Euro فـ الفئات دى بفتيسات أوتو-عادية.. كله بياخد الـTrend ده، هو ده المستقبل.

بالنسبة للأمريكانى:
- أنا ماليش فيها أوى (بطبيعة المستهلك المصرى قريب للأوروبى)،
مش هقدر أفيدك غير فـ الحاجات اللى كانت منتشرة فـ مصر ز الـJeep الرانجلر والشيروكى،
وبرضه أعرف كويس الماركات الـEuro-Made من شركات أمريكية؛ زى الفورد الألمانى والدودج/كرايسلر نيون مثلا..؟!!
لكن أمريكانى-أمريكانى، يعنى؟؟ أنا عشت مع حاجات زى الـ300M القديمة والفورد Taurus كده..؟!!
عـ العموم إسأل ياباشا براحتك، المنتدى فيه ناس عالية أوى ماشاء الله هتجاوبك..
Regards،