سؤال إجراءات شحن وتقطيع عربيه m3 e36

**MohamedGobran** · 21-05-2012 01:05 AM

السلام عليكم ورحمه الله وبركاته

دلوقتى يا جماعه انا وواحد صاحبى من زمان بنحلم انى اركب M3 E36 و طبعا لفينا على الناس كلها و إلى يقول اسعار فى السما و كده و لكن المشكله كلها بتبقى فى اهم حاجه .... حاله الموتور ايه انا بجيب M Power مش اى حاجه و طبعا كل صحابى يخفونى من قطع غيار الموتور ده و مصاريفه و يقولوا هات ال ٢٨٠٠ احسن و كده و انا قولتهالهم كلمه انا مش هركب غير M حتى لو هستنى سنين المهم انا وصاحبى ده كنا قاعدين مره و قال " تخيل يلا تسافر ألمانيا و تجيب عربيتك بنفسك و تقطعها و تشحنها على مصر و تنقل الموتور و كل حاجه فيها فى عربيه سليمه هنا فى مصر و تكون ضامن حالتها و جايب موتور نضيف و تبعد عن نصب العالم إلى مطلعا عينينا كل يوم دى " فقولتله يا ريت ياخويا بس شكلك بتحلم فقالى ولا بحلم و لا حاجه و معرفش ليه حاسس ان ده هيحصل و الايام ما بينا ..... المهم عدت شهور و جه فى يوم صاحبى او اقدر اقول اخويا كلمنى قالى انا اتقبلت فى منحه تبع جامعتى و مسافر ألمانيا ٤ شهور ال M جيالك يا صاحبى ..... طبعا فرحتله جداا و كنت فاكره بيشتغلنى لكن طلع جد و عدت ايام تانيه برضو غير الايام الاولنيه و سافر ألمانيا و بكلمه بيقولى انا لاقيت كميه عربيات M3 E36 بعدد شعر راسك و لو عايز واحده ماشيه ٥٠,٠٠٠ كيلو هجيبلك بس ادفع ...... و قالى بما اننا دخلنا فى الجد و هنشترى... هنزلها مصر ازاى و هتدفع اد ايه علشان العربيه تبقى متحمله من المينا و راجع بيها على بيتك

فمعلش انا طولت عليكم اووووووووى فى الموضوع ده بس لازم تعرفوا قصتى دى إلى حبيت اشاركها معاكوا

سؤالى بقى المهم

أنا عايز اعرف العربيه هتتكلف شحن كام ؟
هدفع جمارك اد ايه على العربيه المتقطعه و الموتور؟
ايه الورق المطلوب منى و من صاحبى ؟
انا سمعت انى لازم ابعتها باسم شركه استيراد قطع غيار سيارات فلو الكلام ده حقيقى اجيبها ازاى و شركات ايه تكون امينه فى الموضوع ده؟

يعنى من الاخر انا عايز اعرف اعمل ايه علشان العربيه تجيلى من اجراءات و مصاريف بالملييييييم

**hogo_9i** · 21-05-2012 01:38 AM

متابع عشان عاوز أعمل زيك يا رب يكون في حد يعرف الإجراءت

**engahmedsamy** · 21-05-2012 01:40 AM

متابع اوي بس ممكن تسئل تاجحر استيراد علشان التكلفة يشحنها علي اسمة و مع كنتينر معاه حاجتة علشان التكلفة و الشركة و كدا

**MohamedGobran** · 21-05-2012 10:02 AM

ما انا فكرت فى الموضوع ده بس انا معرفش حدخالص فى السكه دى وخايف حاجه تتقلب من العربيه او يتنصب عليا

**Kareem.ElAraby** · 21-05-2012 11:00 AM

متابع و ربنا يوفقك و تعرف تجيب حاجتك انا بأفكر أعمل زيك بس هوندا بقي ....

**novo** · 21-05-2012 11:33 AM

[QUOTE=MohamedGobran;3874320646]

السلام عليكم ورحمه الله وبركاته

دلوقتى يا جماعه انا وواحد صاحبى من زمان بنحلم انى اركب M3 E36 و طبعا لفينا على الناس كلها و إلى يقول اسعار فى السما و كده و لكن المشكله كلها بتبقى فى اهم حاجه .... حاله الموتور ايه انا بجيب M Power مش اى حاجه و طبعا كل صحابى يخفونى من قطع غيار الموتور ده و مصاريفه و يقولوا هات ال ٢٨٠٠ احسن و كده و انا قولتهالهم كلمه انا مش هركب غير M حتى لو هستنى سنين المهم انا وصاحبى ده كنا قاعدين مره و قال " تخيل يلا تسافر ألمانيا و تجيب عربيتك بنفسك و تقطعها و تشحنها على مصر و تنقل الموتور و كل حاجه فيها فى عربيه سليمه هنا فى مصر و تكون ضامن حالتها و جايب موتور نضيف و تبعد عن نصب العالم إلى مطلعا عينينا كل يوم دى " فقولتله يا ريت ياخويا بس شكلك بتحلم فقالى ولا بحلم و لا حاجه و معرفش ليه حاسس ان ده هيحصل و الايام ما بينا ..... المهم عدت شهور و جه فى يوم صاحبى او اقدر اقول اخويا كلمنى قالى انا اتقبلت فى منحه تبع جامعتى و مسافر ألمانيا ٤ شهور ال M جيالك يا صاحبى ..... طبعا فرحتله جداا و كنت فاكره بيشتغلنى لكن طلع جد و عدت ايام تانيه برضو غير الايام الاولنيه و سافر ألمانيا و بكلمه بيقولى انا لاقيت كميه عربيات M3 E36 بعدد شعر راسك و لو عايز واحده ماشيه ٥٠,٠٠٠ كيلو هجيبلك بس ادفع ...... و قالى بما اننا دخلنا فى الجد و هنشترى... هنزلها مصر ازاى و هتدفع اد ايه علشان العربيه تبقى متحمله من المينا و راجع بيها على بيتك

فمعلش انا طولت عليكم اووووووووى فى الموضوع ده بس لازم تعرفوا قصتى دى إلى حبيت اشاركها معاكوا

سؤالى بقى المهم

أنا عايز اعرف العربيه هتتكلف شحن كام ؟
هدفع جمارك اد ايه على العربيه المتقطعه و الموتور؟
ايه الورق المطلوب منى و من صاحبى ؟
انا سمعت انى لازم ابعتها باسم شركه استيراد قطع غيار سيارات فلو الكلام ده حقيقى اجيبها ازاى و شركات ايه تكون امينه فى الموضوع ده؟

يعنى من الاخر انا عايز اعرف اعمل ايه علشان العربيه تجيلى من اجراءات و مصاريف بالملييييييم[/QUOT
الجمارك على العربية المتقطعة 1750جم تقريبا و دي الحاجة اللى سألت عليها قبل كده

**novo** · 21-05-2012 01:12 PM

المشاركة الأصلية كتبت بواسطة hanyhosney

في اتنين تجار موجودين في سويسرا بيشحنو علي مصر
ممكن اوصلك ليهم وتتفق معاهم
بس سيني اشوف المتاح
وبعديين انت خلي بالك
انت تقطيع الانصاص بيختلف عن تقطيع البيع
ولازم تلحمها عند حد محترف وده هيكلفك بريزه

فعلا اللحام هيكلف 7000جم تقريبا

**الغزالى** · 21-05-2012 06:40 PM

لازم تشحنها على تاجر عشان يكون عنده بطاقه استيراديه ..
وبما انك هاتشحنها على تاجر هوا هايخلصلك كل حاجه لان الجمارك وكل حاجه تهم على اسمه ...
فالاحسن شوف تاجر اتفق معاه واديله فلوس .. وهوا هايظبطك ويجبلك الماتور لحد عندك

-

الموضوع: سؤال إجراءات شحن وتقطيع عربيه m3 e36

LinkBack

أدوات الموضوع

عرض

-

-

-

-

المواضيع المتشابهه

مهندس محمد ممدوح ، ريحة بنزين نئ وتقطيع خفيف!!

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

سؤال للي كان عنده عربيه قبل الجين

سؤال عن عمرة أى عربيه

سؤال عن سعر عربيه

الكلمات الدلالية لهذا الموضوع

المفضلات

المفضلات

ضوابط المشاركة