الموضوع: مساعده قطع غيار ماهيندرا

المشاركة الأصلية كتبت بواسطة ahmed_fahmy

السلام عليكم يا رجاله انا محتاج حد عندو ماهيندرا فى صديق طرمبة المياه باظت عندو وخلصت المياه والبساتم باظت ومحتاجه بساتم وشنبر وجوان وش سلندر وطرمبة مياه وسير كاتينه ومجموعه والاسعار فى التوكيل كارثه فعلاً البساتم 8 الاف جنيه الشنابر 2500 الجوان 1000 السير 1500 طرمبة المياه 1000 جنيه يعنى استهبال مبالغ فى فلو حد يعرف مكان بيبيع قطع غيارها او اي حل اتمنى الرد العربيه متور رينو 2000 سي سي مانيوال والله المستعان

يا نهار اسود !!!!! دي أسعارها غلبت أسعار الياباني!!

يعني مجموع 14 ألف جنيه !!! و كل ده من غير مصنعية كمان؟!

صاحبك لو كان راكب لاند كروزر كان لم الليلة ب5-7 آلاف جنيه بالعمرة بالمصنعية بقطع الغيار بكل حاجة أصلية كمان و من التوكيل بتاع تويوتا !!!


عموما ملحوقة..... جربت تنزل الحرفيين؟؟ جرب انزل هناك و اسأل عن تجار قطع غيار الماهيندرا.... أكيد في حد بيشتغل فيها هناك....

بصراحة أنا شخصيا لو من صاحبك.... كنت أسقطلها موتور بفتيس تاني قطع غياره تكون دارجة شوية......

بالتوفيق و ابقا طمنا