طلب من رجالة الزقازيق كهربائى شاطر

**mastr_n** · 21-05-2012 01:24 PM

احلى صباح على رجالة الشرقية

كنت عايز اركب انذار spy way 5000 لعربيتى السيراتو ممكن حد يقولى احسن كهربائى فين اركبة عندة؟

**ramyww** · 24-05-2012 04:59 PM

انا ساكن فى منيا القمح يا كبيييير
كان نفسى افيدك

اكيد هتلاقى كتيييير ...اسئل صحابك ومعارفك
وانا هسئلك ابن خلتى علشان هو مقيم فى الزقازيق

جشطة يا كبيرة :)

وسورى لو اتاخرت فى الرد اللى جاى علشان انا مش بدخل ع النت كتير اليومين دول

**michohat** · 29-05-2012 03:30 PM

الوحيد اللى اعرف انه كويس (من الوصف من كهربائي تاني دلني عليه علشان اصلح الانزار بتاعي ) فى الانزارات كهربائي بيجي ايام معينه من الاسبوع ومكانه قصاد المدرسة اللى عند مدخل المصرية بلازا ولسه مش اتعاملت معاه
الا انت جبت الانزار منين وبكام
ولما تركب الانزار عاوزين نبقي نجربه :-)

**HAITHAM1985** · 29-05-2012 04:07 PM

إزيك يا بن بلدى يا زقازيقى

فيه كهربائى إسمه عزت عند مزلقان الحسينية ....... تمام التمام بس حراق شويه

**HAITHAM1985** · 29-05-2012 04:10 PM

أنا كنت عايز أسألك على محل إكسسوارات كويس أركب عنده عراقات وشماسات

**michohat** · 29-05-2012 04:13 PM

انا بتعامل مع الطيب اللى عند عمارات لكوظ اللى بعد ميدان الزراعه اسعاره شايفها احسن من امبراطورية محلات الزعيم اللى بتبيع الحاجه بضعف التمن استنداً علي عدم الدرايه بالاسعار
انا لسه مركب من عنده ستائر مزيكا اللى هيا بتطلع وتنزل مع الزجاج
و عاوز اسئل لو حد يعرف حد بيفصل سائر زي دي من اللى هيا اللى بتطلع وتنزل مع الزجاج علشان مش لاقي مقاس الزجاج الجانبي الامامي
ونقطه تانيه مهمه
عاوزين نتقابل يا زقازيقية

**mastr_n** · 29-05-2012 07:45 PM

المشاركة الأصلية كتبت بواسطة haitham1985

إزيك يا بن بلدى يا زقازيقى

فيه كهربائى إسمه عزت عند مزلقان الحسينية ....... تمام التمام بس حراق شويه

اللة يسلمك ياكبير ان شاء اللة نتقابل على خير

انا عارف عزت دة قديم قوى وكان عامل شغل فى الكاسيت بتاع عربية واحد صاحبى زمان عربية جوليت

بس دة تمام على ضمانتك بيفهم فى الزيرو اصل الانذار دة عايز واحد بيفهم شوية انا ممكن انزل اركبة عند ادريان الهرم بس مشوار

**mastr_n** · 29-05-2012 07:48 PM

المشاركة الأصلية كتبت بواسطة michohat

الوحيد اللى اعرف انه كويس (من الوصف من كهربائي تاني دلني عليه علشان اصلح الانزار بتاعي ) فى الانزارات كهربائي بيجي ايام معينه من الاسبوع ومكانه قصاد المدرسة اللى عند مدخل المصرية بلازا ولسه مش اتعاملت معاه
الا انت جبت الانزار منين وبكام
ولما تركب الانزار عاوزين نبقي نجربه :-)

الانذار بجد اختراع بيفصل كهرباء العربية وبيفتح الشنطة وفية كل حاجة بس عايز صانايعى فاهم

الانذار دة بيتجاب من التوفقية بحوالى 350 جنية
اكيد لما هاركبة هاقولوكوا علية

http://www.nilemotors.net/Nile/26947...way-5000m.html

**michohat** · 29-05-2012 09:16 PM

من فترة وانا بسمع عن الانزار ده و شوفت اكتر من تقرير عنه وبكلامي مع صاحب محل اكسسوار الطيب قال انه مركبه عنده و مفيش فرق عن اى انزار فمن الواضح انه مش مشغل كافه امكانياته او الفيرجن اللى مركبه قديم

رحت للمنطقة اللى قولت لك عليها علشان اسئل على الكهربائي بتاع الانزار هو اسمه صبحي و هوا بيفتح يومين فى الاسبوع (معاه توكيل انزار كوبرا ) لانه له محل تاني فى مدينه نصر و هوا بيجي يومين فى الاسبوع
بيجي يوم الاحد والخميس بدايه من الساعه 1 الظهر
انا مش جربت عزت اللى بتقولوا عليه انا الكهربائي اللى بتعامل معاه اسمه سيد انوس اللى ناحيه المعهد الديني