محتار بين تويوتا فورتشنر وبين bmw x1

**S O P H O S** · 21-05-2012 09:18 PM

البي ام بدون اسباب

**sabry22** · 22-05-2012 09:07 AM

اشكركم يا جماعة فعلا على الردود واتمنى مزيد من الردود علشان اقدر اكون راى

**محمد عز** · 22-05-2012 12:20 PM

الفورتشنز وحش على الطريق ، عربية ضخمة 4 باى 4 ، 7 راكب ، شنطة واسعة

هتبقى مميز جدا فى الطريق لقلة انتشار العربيات الضخمة فى مصر

لكن علامة البي ام دبليو لها بريق أخر

أحيانا الواحد يقارن بين سيارتين المشترك ما بينهم الفئة السعرية

يعنى بي ام 316 نفس رينج سعر بيجو 508 وكيا سبورتيج

لكن طبعا فروق كبير ما بين كل سيارة

علشان ترتاح حاول تشوف انت متطلباتك ايه

موضوع ال 7 راكب ده هيفرق معاك ولا لا

برده شوف موضوع تكلفة الترخيص هتبقى كام وحطه فى الاعتبار

طبعا كنعومة وراحة ركوب البي ام x1 هتبقى افضل من الفورتشنز

لكن تبقى علامة التويوتا أسرة لقلوب المصريين وعقولهم

**ahmedsadek82** · 22-05-2012 01:33 PM

المشاركة الأصلية كتبت بواسطة sabry22

ممكن حد يفيدنى ايهما افضل وليه

السلام عليكم,

الحقيقة واضح ان حضرتك وضعتهم في مقارنة عشان تقارب السعر فقط , لأنهم فئتين مختلفتين تماما و يوجد فارق تكنولوجي رهيب بينهم لصالح البي ام , خاصة ان تويوتا مصرة ترجع بالزمن للخلف بتقديم سيارة من القرن الماضي زي ديه و للتوضيح هذكر بعض النقاط:

1) المساحة و الحجم : لو ده هو احتياجك فقط و اكرر فقط تبقى متضر تجيب الفورتشنر لانها اوسع فعلا

2) المحرك : تويوتا نازلة بمحرك عتيق 2700 سي سي بيطلع 158 حصان فقط !! ,, مع استهلاك وقود عالي لانه تصميم قديم طبعا ; بي ام x1 محرك 2000 سي سي 150 حصان و استهلاك 6 لتر لكل 100 كم على طرق السفر و حوالي 8 لتر في المدينة رغم ان ده مش احدث محركات بي ام لكن تكنولوجي الحقن و تكنولوجيا سحب الهواء عن طريق Valvtronic في بي ام تقلل الاستهلاك

3) الثبات والاداء: طبعا لا يوجد مقارنة بين اداء بي ام و ثباتها مع اي منافس , لما هو معروف من طابعها الرياضي و تعليفها المتميز فممكن تجري و تناور على اي سرعة و انت مطمن.

4) عوامل الامان: في بي ام عوامل امان ثابتة في كل السيارات و هي 6 وسادات , dsc و ده نظام الثبات الاليكتروني , ABS + CBC و ده نظام الفرامل + نظام تحكم الفرامل في المنحنيات + DTC و ده نظام منع الانزلاق . تويوتا مفيهاش غير الABS و 2 او 4 وسائد هواء فقط

5) تجهيزات و كماليات : فورتشنر زي اي سيارة تويوتا موديل 10 سنين فاتو مفيهاش اي جديد , يمكن التكيف التوتش اقصى اختراع فيها . بي ام مجهزة بتكييف 2 زون اوتوماتيك , كمبيوتر للاعطال لو حتى لمبة اتحرقت بيقولك + كمبيوتر للصيانة و مواعيدها زي امتى تغير تيل امامي امتى تغير زيت و ده بيعتمد على اسلوب القياده يعني condition based مش مجرد جدول مواعيد + شاشة الidrive و ده كمبيوتر لكل وظائف العربية و يبعطيك كل المعلومات السابق ذكرها , اه كنت حنسى : مقاس الزيت بيطلع لك على الشاشة كمان يعني مش محتاج تفتح الكبوت و تقيس الزيت ,, تكنولوجيا المانية بقى و دي لعبتهم

6) تكاليف الترخيص و الصيانة : بالنسبة للتويوتا عشان معدية ال2000 سي سي حتدفع حوالي 6000 ج في السنة , بي ام حتدفع 1000 ج في السنة , بس قطع غيار بي ام سعرها مرتفع نسبيا (متنساش انها سيارة ماركة فخمة ) بس معمرة و لو قارنت سعر قطعة الغيار بالاداء حتلاقي ان الموضوع يستاهل. يعني تيل الفرامل بحوالي 1000 ج و بيعد في حدود 30000 كم و بيوفرلك امان و قوة اداء عاملة ازاي.

**KSAYEDS** · 22-05-2012 07:27 PM

انا كنت في توكيل بي ام من قريب. و هناك نصحوني اني انتظر شوية لان في شكل جديد بموتور جديد اسمه f10 نازل من x1 و دة الموتور اللي موجود دلوقتي في الفئة الخامسة الجديدة بقوة حصان ٢٤٥ و عزم ٣٥٠

تحياتي

**Formulator** · 22-05-2012 08:46 PM

المشاركة الأصلية كتبت بواسطة ahmedsadek82

السلام عليكم,

الحقيقة واضح ان حضرتك وضعتهم في مقارنة عشان تقارب السعر فقط , لأنهم فئتين مختلفتين تماما و يوجد فارق تكنولوجي رهيب بينهم لصالح البي ام , خاصة ان تويوتا مصرة ترجع بالزمن للخلف بتقديم سيارة من القرن الماضي زي ديه و للتوضيح هذكر بعض النقاط:

1) المساحة و الحجم : لو ده هو احتياجك فقط و اكرر فقط تبقى متضر تجيب الفورتشنر لانها اوسع فعلا

2) المحرك : تويوتا نازلة بمحرك عتيق 2700 سي سي بيطلع 158 حصان فقط !! ,, مع استهلاك وقود عالي لانه تصميم قديم طبعا ; بي ام x1 محرك 2000 سي سي 150 حصان و استهلاك 6 لتر لكل 100 كم على طرق السفر و حوالي 8 لتر في المدينة رغم ان ده مش احدث محركات بي ام لكن تكنولوجي الحقن و تكنولوجيا سحب الهواء عن طريق Valvtronic في بي ام تقلل الاستهلاك

3) الثبات والاداء: طبعا لا يوجد مقارنة بين اداء بي ام و ثباتها مع اي منافس , لما هو معروف من طابعها الرياضي و تعليفها المتميز فممكن تجري و تناور على اي سرعة و انت مطمن.

4) عوامل الامان: في بي ام عوامل امان ثابتة في كل السيارات و هي 6 وسادات , dsc و ده نظام الثبات الاليكتروني , ABS + CBC و ده نظام الفرامل + نظام تحكم الفرامل في المنحنيات + DTC و ده نظام منع الانزلاق . تويوتا مفيهاش غير الABS و 2 او 4 وسائد هواء فقط

5) تجهيزات و كماليات : فورتشنر زي اي سيارة تويوتا موديل 10 سنين فاتو مفيهاش اي جديد , يمكن التكيف التوتش اقصى اختراع فيها . بي ام مجهزة بتكييف 2 زون اوتوماتيك , كمبيوتر للاعطال لو حتى لمبة اتحرقت بيقولك + كمبيوتر للصيانة و مواعيدها زي امتى تغير تيل امامي امتى تغير زيت و ده بيعتمد على اسلوب القياده يعني condition based مش مجرد جدول مواعيد + شاشة الidrive و ده كمبيوتر لكل وظائف العربية و يبعطيك كل المعلومات السابق ذكرها , اه كنت حنسى : مقاس الزيت بيطلع لك على الشاشة كمان يعني مش محتاج تفتح الكبوت و تقيس الزيت ,, تكنولوجيا المانية بقى و دي لعبتهم

6) تكاليف الترخيص و الصيانة : بالنسبة للتويوتا عشان معدية ال2000 سي سي حتدفع حوالي 6000 ج في السنة , بي ام حتدفع 1000 ج في السنة , بس قطع غيار بي ام سعرها مرتفع نسبيا (متنساش انها سيارة ماركة فخمة ) بس معمرة و لو قارنت سعر قطعة الغيار بالاداء حتلاقي ان الموضوع يستاهل. يعني تيل الفرامل بحوالي 1000 ج و بيعد في حدود 30000 كم و بيوفرلك امان و قوة اداء عاملة ازاي.

+111
الراجل اللى مختفى من زمااااااااااااان جاب من الآخر..

وLike أوى حته لو قارنت سعر قطعة الغيار بالاداء حتلاقي ان الموضوع يستاهل
ومثال تيل الفرامل ده فـ الجون،

أعمل أيه بتيل فرامل رخيص (أو بيعيش) وأداؤه سىء وفرامل العربية ضعيفة،
لأ.. أنا أفضل التيل اللى بيقعد 20 ألف كم، بس أدااااااااء الفرامل 100%.

خدها قاعدة فـ الأوروبى، Rule of Tumb كده (للقطع الإستهلاكية فقط)،
لكن القطع الـLong-run عمرها الإفتراضى أطول، فعلا تركبها وتنساها..

المشاركة الأصلية كتبت بواسطة KSAYEDS

انا كنت في توكيل بي ام من قريب. و هناك نصحوني اني انتظر شوية لان في شكل جديد بموتور جديد اسمه f10 نازل من x1 و دة الموتور اللي موجود دلوقتي في الفئة الخامسة الجديدة بقوة حصان ٢٤٥ و عزم ٣٥٠

ده الموتور الـN20، هيبقى 2000cc تربو وفعلا 245 حصان (تقريبا موتور التويوتا Fortuner بيطلعهم من 6-سلندر 4000cc).. ههههههههههههههه

أصدقاء فـ البافارية من فترة قالولى انهم بيجربوه على الـX3 نفسها..؟؟!!!
وبيقولوا فرق الأداء عن الموتور الـin-line6 3000cc مش كبير، على الأقل فـ الـLow-to-Mid range ؟؟!!!

فـ مابالك بموتور بيجر الـX3 بكفاءة.. هيعمل أيه لما يركب عـ الـX1؟!!
أعتقد انهم كمان (بالموتور الجديد) ممكن يعملوها X-drive دفع-رباعى بدل الـRWD اللى فـ الـX1 2000cc دلوقتى..؟؟!!!

Regards،

فـ مابالك بموتور بيجر

**shaddadfalcon1** · 22-05-2012 09:05 PM

فخامه وبرسيتيج ومتعه وراحه ووسائل امات يبقي اكيد بي ام

**blazer** · 22-05-2012 09:37 PM

طبعا مش هقدر ازود على كلام اخواتى هنا :D
بس الفورتشنر اوسع بكتير
7 ركاب
دفع رباعى
ال resale أعتقد هيبقى احسن من الىbmw
قطع الغيار هتبقى ارخص نسبيا
اعطال اقل لقله التكنولوجيا