"البترول" و"المالية" تحددان زيادات أسعار البنزين خلال ايام - مباشر
عرض للطباعة
يلا مصلحه
كنت بفكر ابيع العربيه واشتري بدالها موتسيكل
كده اتأكد الموضوع :)
هو الشعب هايلاقيها من مصاريف الضريبة السنوية ولا من البنزين ولا المخالفات ولا من ...... ألخ ألخ ألخ .... بجد كده أوفر قوي وسرقة ونصب .... عايزين يلموا فلوس من الشعب بأي طريقة عشان يخفضوا قيمة الدعم على الدولة من جيوب الشعب وكالعادة الشعب هو ألي بيدفع التمن في أي عجز في الدولة ... طب مايروحوا يجيبوا الفلوس المتهربة بره مصر ويسددوا بيها الدعم ويصرفوا أمورهم بعيد عن الشعب بقة
بيشغلوا الناس قبل الانتخابات.
مش كفاية فلوس الجمارك ألي مالهاش أي مبرر وسرقة ونصب عيني عينك ... طب فلوس الجمارك بتروح فين ... طب ألي يركب عربية أكتر من 1600 cc لازم يتروق ويتظبط في الضريبة عشان يركب وبرده ضريبة مبالغ فيها ومالهاش أي مبرر هي الناس دي عايزانا نركب تكاتك ولاموتوسيكلات صيني يعني .... تحيا الثورة ولسسسسه
عشان شفيق ينجح ويرخصه تانى
اقسم برب العزة حكومة عايزة الحرق
حسبنا الله ونعم الوكيل
حسبنا الله ونعم الوكيل.
كدة كتيير بجد.
ده كانت الناس كلتهم صاحين ازا كان فى ازمة السولار الناس بتموت بعض امال اما يغلى بقا الناس هتطلع على المحطات بالالى عشان تمون بالتسعيرة القديمة :d
حسبي الله و نعم الوكيل اصلا لو البنزين غلي كده انا اول واحد ينزل مظاهرات .... هو احنا بنتقدم و لا بنىجع لورا
المشكلة مش بس ان السعر هيغلي علي العربيات والمواصلات لأ.. الكارثة انك هتلاقي جميع السلع اللي
بيحتاجها الشعب غليت علشان البنزين..
لو الخبر حقيقي يبقي حسبي الله ونعم الوكيل في كل ظالم
ماشاء الله تطور طب هل زى ما بيطالبو بزيادة فى كل شىء اية القدمو للطرق واسعار السيارات علشان يرفعو الدعم بالشكل دة !! والملاحظ ايضا انها بيقارنو وبيستشهدو باسعار البنزين فى الخارج واننا فى نعمة هل شافو طرق واسعار سيارات الخارج علشان يعملو زيهم ؟؟
كده فيشه الاوكتان ترجع 80 تانى عشان كده عيييييييييييييييييييييب
ياجماعه اكيد اشتغاله هوا ممكن يكون في اجتماع اه لكن مظنش هيوصلو لحاجه غير انهم ينزلو بنزين 85 وبنزين 80 هيخف حبه حبه لحد ما يختفي خالص وبكدا يكونو زودو البنزين نص جنيه واراهن ان 85 دا هوا هوا 80 مفيش فرق غير في المسميات وشكرا كدا اصل لو البنزين زاد بالاسعار المكتوبه دي الدنيا هتخرب بجد مفيش هزار والحومه مرتاحه ف كدا
يلا خليها تكمل :penguin4:
هم اللى هايجبوه لروحهم!!
حكومة حتى بتوع الانتخابات تخلف بدل الزيادة يعملوا توحيد سعر البنزين ويلغوا 80 ويحولوا التاكسيات والاتوبيسات تعمل بالغاز ويشيلوا دعم الطاقة على المصانع
هو احنا ملاحقين على ايه و لا ايه..... احنا لازم نعمل مظاهرة:stink[1]:
حسبى الله ونعم الوكيل انا قرفت والله
مظاهره
حسبي الله و نعم الوكيل
انا مش حسكت ابدا لو ده حصل حتى لو نزلت انا في مظاهرة لوحدي لكن كده ظلم و كتيير اوي اوي
الموضوع سهل جدا---
عمليات ارهابيه ونفجر بنزينات مصر كلها--ونروح نمون من السعوديه بالههله
ده مقلب معمول في الشغب عشان لما تيجي حكومة محترمة تقوم ضدها المظاهرات
بس ان شاء الله مش هيلحقوا يعمولوا المصيبة السودا دي
هيا الناس دى ليه غاويه تستفز نا يا جماعه
والله اانا مش عارف هما بيحبوا يقرفوا الناس ف عيشتهم وممكن ف الاخر متزدش بس لا اقرفوهم شويه اصلها فرحانين بالثورة
مهو احنا مش فالحين غير تعد نصدر البترول والغاز وتبص جوا البلد متلاقيهمش اساسا
حسبى الله ونعم الوكيل ف كل مسؤؤؤؤؤؤؤؤؤل بيجى ع حقوق الشعب
متابع
ربنا يستر ... مش ناقصة والله
المشكلة حتى لو ركنت العربية ولا بعتها
كل حاجة ليها علاقة بالبنزين ولا ملهاش علاقة هتولع ...!!!!!!!
يا جماعه دى حركات قبل الإنتخابات و بكره هيطلع مسؤل ينفى الموضوع
لا حول ولا قوة الا بالله
بلد تكفر والله
علشان الناس اللي بتهرب ترتاح
عبر مصدر مسئول فى الهيئة العامة البترول فى مصر أن الإشاعات التى ترددت عن زيادة أسعار البنزين والسولار فى مصر هى التى أدت بث القلق بين المصريين وتسببت فى تكدس طوابير طويلة من السيارات أمام محطات الوقود ، ولكنها لا تتعدى كونها مجرد إشاعات ، وأكد المصدر أنه لا زيادة على الإطلاق قى أسعار الوقود فى مصر.
وقد زادت شركات البترول الأجنبية العاملة في مصر إستثماراتها المخصصة للعام 2012 / 2013 بنسبة 5 % عن العام الماضى لتصل الى 8.6 مليار دولار وفقا للموازنات الاستثمارية التي عقدتها شركات قطاع البترول المشتركة في مجال البحث والاستكشاف وتنمية الحقول ، في حضور عبد الله غراب وزير البترول .
وقال هاني ضاحي الرئيس التنفيذى للهيئة العامة للبترول أنه يأتي على قائمة الشركات الأجنبية التي أعلنت زيادة استثماراتها شركات " بريتش جاز " البريطانية ، " أباتشي " الأمريكية ، " إيني " الإيطالية ، " شل " الهولندية ، " أر دبليو إي " الألمانية ، " أديسون " الإيطالية ، وشركة " بتروناس " الماليزية التي تمثل استثماراتها أكثر من 60٪ من إجمالي استثمارات الشركات الأجنبية العاملة في مصر في عام 2012/2013 . وأضاف ضاحي أن زيادة الإقبال من جانب الشركات العالمية الكبرى لضخ استثمارات جديدة في مجال البحث والاستكشاف وتنمية حقول البترول يمثل رسالة واضحة على ثقة الشركات الأجنبية في تحسن مناخ الاستثمار في مصر.
وأشار المصدر إلى أن كميات البنزين والسولار الموزعة يومياً أكبر من معدلات الاستهلاك المطلوبة حيث بلغ ما يتم ضخه بالسوق المحلى يوميا 14.5 ألف طن بنزين و 37 ألف طن سولار .. ويتم حاليا تشديد الرقابة على محطات الوقود وسيتم إتخاذ إجراءات قانونية رادعة ضد من يثبت إرتكابه أية مخالفات خلال تداول الوقود
المصدر
محتاجين نصعد الضغط العام في كل حتة
هما ممكن ينزلوا خبر زي ده يكون بالونة اختبار. ولو حسوا ان مافيش أي اعتراض علي الخبر ده ممكن جدا يغلوا الأسعار
محتاجين حشد رهيب وايميلات تتبعت ولو أمكن مظاهرة ضد ارتفاع أسعار البنزين . وبكدة مش هيقدروا يزودوا مليم
حد فاكر بالونة اختبار الانترنت محدود السرعة اللي كانت هتتطبق علي مصر كلها ؟ والناس عملت اية؟ وبعدين حصل اية :)
ومين أصلا هايسمحلهم بكدا
السلام عليكم و رحمة الله و بركاته
أنا أعترض على الكلام اللى أنا شايف أنه غير صحيح, لأن معنى الكلام ده, أن البنزينات فيها بنزين زى الأول و أن الناس استهلاكها زى الأول, بس الاشاعات هى اللى خلت الناس تتكدس طوابير أما البنزينات, نفس طرق التبرير اللى كان بيتبعها الحزب الواطى قبل الثورة تجاه أى مشكلة فى البلد, قذارة و استهبال لا نظير لهم.
أما عن أن القائمين على أمور البلد هيغلوا البنزين, فأنا أعتقد أنه غالبا هيحصل من ضمن مخطط الحكومة للضغط على الشعب عشان يكرههه فى أم الثورة و اليوم اللى حصلت فيه.
السؤال بأه, هل السولار هيغلى و لا البنزين بس ؟؟؟؟, لأن السولار لو غلى هو كمان, أسعار كل حاااااااااااااااااجة فى البلد هتغلى !!!!!!!!!! و دى هتبقى فعلا مصيبة سودا تبين أد ايه, أن الحكومة الحالية حكومة منحطة و عميلة للنظام السابق.
حسبى الله ونعم الوكيل
طيب مايشوفو الدعم الى بتاخده مصانع الاستهلاك كثيف الطاقه زى الاسمنت والحديد وخلافه بياخدو مدعم ويبيعو بلسعر العالمى بذمتكم مش ميزان مقلوب وعايز الى يعدله البند ده لوحده مليارات ضخمه تضخ فيه
وفى الاخر يبصلو للاستهلاك التافه للسيارات ههههه
بيخلوا الناس مشغولة فالانتخابات ويعملوا المصايب دي والعكس صحيح