ممكن و الله اعلم
عرض للطباعة
السلام عليكم
الزواج الأول قد يكون واجب ...لمن يملك المهر و الامكانيات.....و قد يكون مكروه - و الله أعلم - لمن ليس في استطاعته الزواج ( بمعنى أنه سيضر بمن يتزوجها )
كذلك بالنسبة للزواج الثاني......فمن يتزوج بثانية...فيقلل الانفاق على الأولى أو يزاحمها في بيتها او يتركها كالمعلقة....فهذا أمر غير شرعي....اما من يملك الامكانيات المادية و الصحية فلا بأس....بل قد يساعد في زواج بنت تحتاج الى الزواج
النهاردة ............. ضربت شريط برشام شجاعه و في ساعة روقان كده :::: قلتلها :
تصدقي الجماعة بتوع نايل موتورز لقيتهم بيتكلموا عن الزواج التاني و هل مشكلة و لا حل و لقيت ان الاغلبية من الرجالة رافضينه و الستات معترضة و قليليين قوي اللي موافقين عليه ( يحسن تمنعني من دخول المنتدى و اهه تامين برضه ) , بس فيه نقطة محيراني :: قالت ايه ؟
قلتلها : ان الاغلبية رابطين الزواج التاني بمرض الزوجة او عدم الخلفة او عدم التوافق ... ليه ميكونش زواج طبيعي هدفه تكوين اسرة اكبر ؟
و يا راجل عينك ماتشوف الا النور لقيت عينيها احمرت و بصتلي بصة نشفت في مكاني و كنت عايز اقوم اجري ... و قالت : و انت راي سيادتك ايه بقى ؟ ( طبعا واضح كده الريح رايحة على فين ) قلتلها : انا لقيت الناس بتتكلم فبناقش الموضوع من باب الفضول مش اكتر ....
قالت : ايوة يعني انت عايز تتجوز تاني و لا ايه ؟
قلتلها : انا بس بناقش الاسباب و الفكرة و ده لا يعني قبولي او رفضي للزواج التاني .. ده نقاش مش اكتر .. ( اكل العيش مر اساحبي )
لما اطمنت شوية قالت : دي خيانة و موقف مرفوض و الراجل اللي يعمل كده مش كويس لأنه بيخون مراته اللي اديتله عمرها و ...... و كلام كتير كل اللي تفهمه منه ان الستات بتضحي بكل شيء و لا كان الراجل بيديها بيته و حياته و فلوسه و عياله و ..... اكتر بكتير جدا من اللي هيه قدمته للحياة الزوجية دي ...
طبعا لما لقيت ان الهوا مش جاي سوا ... رحت مغير الموضوع على امل فتح الحوار في وقت اخر يمكن تكون اكتر تقبلا للفكرة ..
الظاهر يا رجالة الموضوع مش هيكون بالساهل ...
ههههههههههههههههههههههههه هههههههههه انت كده زرعت بذره الشك و استحمل بقه اللي هيجرالك ... ده انت هتشوف ايام اسود من دقن راسبوتين نفسه ههههههههههههههههههههههههه هه انا فعلا شايف ان الجواز التاني لازم يبقاله سبب معين زي مرض الزوجه او عدم الخلفه مش عشان ربنا قال يحللنا اربعه او من باب الغتاته مثلا ... خلاص كل الفروض و السنن عملتها و ناقص تعدد الزوجات ... الموضوع ده انا شايفه موضوع قديم و ميناسبش العصر الحالي خالص
شوف انا فاتح الموضوع بقرا كل يوم مشاركة مثلا عشان الليزك وممنوع من الكمبيوتر كتير
لكن لغاية عندك انت وكملت
نيهههههه
لقيت فين البرشام ده وشكلك ضربت كرتونة مش شريط
عامة انا الفكرة بتشعشع جوايا من فترة برضه :-) محدش يزق
ده رايي وحر فيه
هانفذه امتي بقي يتوقف على حاجات كتير
لكن الفكرة موجودة اه موجودة :-)
الحمد لله ان مفيش انترنت في البيت
ربنا يديمها نعمه :-)
يا كبير لازم نعمل ثورة على الانظمة المنزلية بس اهم حاجة نفضل في الصالة لحد ما تنجح لأن لو دخلنا الاوضة من غير ما نكمل ثورتنا هنلاقي شفيق طالع من الدولاب و المشير ماسك ساطور و عنان مجهز الاكياس و عمرو موسى بشد نفس و يشرب كاس على ارواح الرجالة ....
بجد بقى انا كل فترة هزن كده لحد ما ربنا يهديها و توافق بكيفها و بمزاجها ...
مش هيحصل ابدااقتباس:
بجد بقى انا كل فترة هزن كده لحد ما ربنا يهديها و توافق بكيفها و بمزاجها ...