هل الزواج الثاني حل لبعض مشاكل الحياة و لا رفاهية لا داعي ليها و لا مشكلة تضاف الى مشاكل الحياة ؟
عرض للطباعة
هل الزواج الثاني حل لبعض مشاكل الحياة و لا رفاهية لا داعي ليها و لا مشكلة تضاف الى مشاكل الحياة ؟
الزواج الثانى حلله الشرع بس فى ناس بتستغله بطريقة غلط اما بالنسبة لسؤالك احيانا الزواج الثانى بيكون حل لبعض مشاكل الحياة زى موضوع الانجاب وذلك عندما يكون هناك مانع من ناحية الزوجة فى القدرة على الانجاب مثلا وساعتها للرجل الحق فالزواج من اخرى ولكن برضا الزوجة الاولى اما بالنسبة لجزء انها مشكلة تضاف الى مشاكل الحياة فده بيحصل لما يبقي الزوجة مكفية زوجها من كل حاجة وهو اللى مش مستكفى بالبلدى كده فراغة عين
دي مشكله منيله بستين نيله و بعدين من كتر الفلوس و من جمال الحريم عشان نتجوز مرتين ؟
يا راجل !!!!! انت مبتحرمش ؟ ولا عجبك جروب الفيس بوك انا مصرى وهتجوز 4
حد يحل غلطة بغلطة اكبر منها ؟!! ههههههههه
عين المحب عن كل عيب كليلة
و ايوة في حريم حلوة لو دورت على المناسبة ليك هتلاقي
و بعدين ان او انت مش توم كروز عشان نتجوز نيكوا كيدمان
انا اول مرة اسمع عنه
و داوها بما كانت هي الداء
عايزين نفترض ايه الحالات اللي يكون الزواج الثاني فيها مقبولا من الزوجة الاولى ؟
انا سمعت راي بيقول ان الزوجة يكفي عليها من 3 الى 4 اطفال و لو الزوج عايز اطفال اكتر هيكون محتاج انه يتجوز تاني
ماشي بس الراجل مش بشكله و احنا الحمد لله حلوين و مقبولين و شوف لما بنطلع بره بنعمل ايه هههههههههههههاقتباس:
عين المحب عن كل عيب كليلة
و ايوة في حريم حلوة لو دورت على المناسبة ليك هتلاقي
و بعدين ان او انت مش توم كروز عشان نتجوز نيكوا كيدمان
هى المشكلة انه يطبق العدل بينهم وفى ظل ان من طبيعة الستات صعوبة ارضائهم فا بيكون الموضوع صعب على الرجل
الا بقى لو فى حاجة زى ما قولتوا مثلا واحدة ما بتخلفش هو مضطر انه يتزوج من اخرى وغالبا بتكون الزوجة الاولى راضية
وممكن الزوجتين يتعاونوا مع بعض وبتكون المشاكل اقل من لما تكون الزوجة الاولى غير راضية او عندها احساس بالظلم
.......................
الموضوع الشائك بردو ان واحد يتجوز تانى بحجة ان زوجته الاولى فقدت جمالها مع مرور الزمن او وزنها زاد جدا ودة بيحصل كتير فى مجتمعنا بسبب نوعية اكلنا
طبعا الواحد لما بيفكر فى الموضوع بيقول فين الوفاء والاخلاص لكن لو تحسبها تلاقى ان الزوج له حجة انه عايز يعف نفسه
لكن فى نفس الوقت الزوجة دى فقدت جمالها فى بيته وفى اولاده على الرغم انه مش عذر لكن فى نفس الوقت جزء من الحقيقة و تلام على اهمالها فى نفسها
موضوع جامد ومحير الحقيقة وبيختلف من شخص للتانى فى واحد حيكون عنده حق وفى غيره حيكون لأ
ومن ضمن اسباب الزواج الثاتى زيادة الفحوله عند الرجل عن العادى ....
بكل بساطه كل اللي بيقول ان الجواز التاني مش حل يبقي اكيد يالسه ماتجوزش اصلا يالسه متجوز جديد وعنده عيل بالكتير
الجواز التاني حلال وياسلام لو الظروف مساعده كان الواحد اتجوز اتنين تاني مش واحده
بس يلا الواحد خلاص صحته علي قده ادوبك يقدر علي بيت واحد ومصاريفه
ده كفايه مصاريف العيال
والله يا اخ مزازنجي في اعتقادي انك لو حبيت واحده بجد مش هتشوف غيرها
انا و مراتي بنحب بعض جدا ........... و مفيش تعارض بين اني بحبها و بين اني اتجوز واحدة تانية و احبها هيه كمان
كلنا بنطالب بنفس الطلب
شكلي هنظملك مليونية يا سكرين
مش شرط ....
الاسباب كتيرة و متعددة و لكل بيت ظروفه المختلفة عن غيره
ليه الربط بين الزوجة التانية مع وجود مشكلة او عيب في الزوجة الاولى ؟
حتة الجمال راح دي مش منطقية .... ما هوه برضه بقى اقرع و بكرش و مش قادر يطلع السلم
ازاي مفيش تعارض ؟ الواحد ميعرفش يحب الا واحده بس ده في حاله انه حب حقيقياقتباس:
انا و مراتي بنحب بعض جدا ........... و مفيش تعارض بين اني بحبها و بين اني اتجوز واحدة تانية و احبها هيه كمان
مليونيه مره واحده ههههههههههههههه هتبقي مليونيه و لا مليونيات الاخوان هههههههههههههههههههههه هو ايه المشكله في ردي مش فاهم ؟ المصريات ....... و الاجنبيات زي الفلاقتباس:
كلنا بنطالب بنفس الطلب
شكلي هنظملك مليونية يا سكرين
انا قصدى ان فى قصور عند الزوجة الاولى وبالتالى الزوج بيبحث انه يعوض القصور دة بزوجة تانية اى كان القصور دة شكله ايه
لو من غير قصور يبقى دة اسمه ايه يا باشا .. ازاى ابقى بحب زوجتى والست مش مقصرة معاية
واروح اتجوز واحدة تانية وابقى عارف اد ايه دة حيسبب لها ضرر نفسى كبير جدا ...
بصراحة انا مش مقتنع ان اتجوز تانى بدون سبب مقنع وملح ... يمكن انا دى نظرتى علشان لسة ماتجوزتش اصلا
الله اعلم بحال المتزوجين اكيد بيكون لهم وجه نظر اوسع من وجه نظرى
مادام انت مش متجوز اصلا يبقى صعب انك تتناقش في الجواز التاني ..
ده موضوع اقدر ناس تناقشه المتزوجون و على الاقل مدة سنتين او تلاتة ...
طيب السيدات في المنتدى موقفهم ايه ؟
لا
ده كلام عام مش لحد معين
الكلام عن الزواج التاني
و هيبقى صعب انك تكون راي عنه و انت مش متجوز اولاني
و لكن ليك مطلق الحرية انك تقول رايك لكن هيكون نظري اكتر منه راي عملي او من خلال تجربة شخصية
و تسعدني مشاركتك معانا في مناقشة الافكار اللي الواحد يخاف انه حتى يفكر فيها ( مش يناقشها ) في البيت
الجواز التاني في مصر حتي لو صح هيجيب بلاوي و بعدين انا مش فاهم يعني ايه الواحد يتجوز تاني ؟ حتي لو مبيخلفوش ما يرضوا بنصيبهم و خلاص ؟ لازم نعد نخترع يعني ههههههههههههه لازم
سيدات مين الي موقفهم ايهاقتباس:
طيب السيدات في المنتدى موقفهم ايه ؟
ده مجرد فتح الموضوع بالنسبالهم جرم لا يغتفر وخيانة عظمي
ياراجل اه منك يامزاجنجي تصدق انت فتحت موضوع شائك ومشوك وكله الغام وديناميت
( هي طالبه معاك انت كمان ولا ايه لا وايه حجه جديده عايز تخلف ياراجل اطلع من دول يامعلم )
بص الحل في فيلم احمد زكي ( امرأه واحده لاتكفي) بس خللي بالك النسوان انواع زي الفاكهة ممكن تجرب نوع يجب لك حساسيه وحكه في الدماغ والافكار
:8941[1]:
فحولت ايه ياريس بس دا الراجل رغبته بتقل بعد التلاتين مابالك في شباب مابيجوزوش غير في الاربعينات تقولي فحوله
الزواج التاني دا حوااااااااااااااااااااااا ااااااااااار
وعايز ترتيب معلمين ومش اي راجل يقدر يجوز اتنين في وقت واحد وكمان مصريات يالهوووي اعوذ بالله
بعد 5 سنين جواز تلقائي هاتلاقي نفسك عايز تتجوز اتنين كمان مش واحدة
الحمد لله كنت فاكرني لوحدي كده طلعت مش لوحدى
المشكله مش في راي الراجل او تفكيره ايه
المهم في الموضوع ازاي هايقنع الاولى بالكلام ده
وللعلم كل الحجج مابيقتنعوش بها نهائي
طب نيجي نطرح الموضوع من نقطه تانيه وفكوني من حوار انه حلال وصح وعشان الخلفة والمصريات عندها الموضوع دا جرم وخيانه عظمى
الراجل مننا يجوز تاني ليه ( هو صحيح شر وغلطه لابد منه اول مره طب بنكررها ليه ) ولا دي نزوه ؟؟؟؟؟
من اول وجديد ازاي نقدر نفرق بين النزوه والرغبه في الزواج التاني ( بعيدا عن اسباب الشرع في تعدد الزوجات )؟؟؟
طب لو رغبه في زواج جديد تاني والزواج الاولاني مستمر ايه الهدف منه ؟؟؟؟؟
هل في نقص في العلاقه الاولى ؟؟؟؟؟؟؟؟
طب هل نقدر نعوضه في العلاقه التانيه ؟؟؟؟؟؟؟
اراهنك يامزاجنجي النتيجه هاتطلع الزواج من امرأه تانيه لازم يكون من واحده غير مصريه
لان العيار اللي مايصبش يدوش وانت كدا هاتجيبلك خزنه مش عيارين
انا اعلم ان المشاركه ده ستثير حفيظه اغلب السيدات واولهم زوجتي ولكن
ارجو ان اكون ممن لا يخشون في الحق قوله لائم وان يظهر الله الحق علي لساني
يا اخي اتق الله الم تعلم ان الاصل هو التعدد وليست واحده
وقوله تعالي [gdwl]ولن تعدلوا[/gdwl] هل يقصد بها ربنا بعدم التعدد ام انها سعه
وايه المشكلة ان الراجل يتجوز 2 او اكتر اليس ذلك يساهم في حل للعنوسة وانحسار المعاصي
الم تؤمر بغض البصر اتدري ما الحكمة وراء غض البصر
الراجل مش عايز يقع في اي معصيه وسيادتك تقول فراغة عين جبتها منين ده!!
الم تعلم ان النساء حالهم متقلب وان بعض الرجال امرأة واحده لاتكفيهم
اقول لصاحب الموضوع اعزم النيه علي
لابد من موافقه الزوجة الاولي
ان تعف نفسك اولا وان تعف امرأه اخري
ان هذا تقرب الي الله لان البديل يعد معصيه والاحاديث كثيرة في هذا الموضوع
ان تعدل بينهم في كل شيء اما القلب فلا جناح عليك
ده كلام تمام قوي ............... ايه اسباب الزواج الثاني ؟
1- الرغبة في اطفال اكتر ... و المدام معندهاش مشكلة لكن معترضة على اطفال تاني ( ربنا رزقني 3 وانا اتمنى 10 ) .
2- انا بشتغل في محافظة و بيتي في محافظة تانية و بلدي الاصلية مخافظة تالتة و معنديش مشكلة في السكن
3- تقليل عدد البنات اللي لم يتزوجوا
4- زيادة الرزق ( الزواج و الاطفال من اسباب زيادة الرزق )
يا جماعة اللي عايز يتجوز تاني هو حر يتجوز براحته, بس بالله عليكم بلاش الحجة الفارغة بتاعة انه بيحل مشكلة العنوسة دي:dzey:. أنا اساسا مش شايفة مشكلة عنوسة في مصر و مفيش واحدة مبتتجوزش عشان مفيش عرسان بالعكس غالبا هي اللي بتبقى بترفضَ. المشكلة الحقيقية في مصر مشكلة الشباب اللي مش قادر يتجوز عشان الفلوس و دول كتيييييييييير و انت لما بتتجوز اتنين و لا تلاتة عشان مقتدر بتزود المشكلة مش بتحلها. فيا ريت اللي عايز يتجوز تاني يتجوز براحته بس من غير ما يعيش في دور المضحي اللي بيحل مشاكل المجتمع.
لامواخذه سبب تفكير الرجال في الزواج التاني هو المتعه ليس اكتر
من الاخر كل واحد فينا نفسه يعيش شهريار
وفيه ستات ولا تفرق معاها كل اللي يهمها راجل يسترها ويبقي هوا المسؤول عنها وخلاص
تخيل انتا معاك 4 كل يوم مع واحده
بتتعامل معامله تانيه بشكل تاني
حتي الخناق متنوع
وفعلا مش حتبص بره
لانك عندك كل حاجه
انما ولا مجتمع ولا عنوسه
واي حد يقول مشاكل المجتمع والعنوسه
قوله زي الفل
هات فلوس نأجر شقه ونجيب عفش وجوز اتنين
شاب وفتاه مش قادرين علي الجواز
وبكده يبقي حليت مشكله العنوسه
والمجتمع يبقي مجتمع صالح
انت بتطلب منى ان اتق الله وشكرا ليك وياريت تدعيلي كمان بالهداية عشان انا بتكلم غلط كل اللى قلته ان فيه رجالة عينيها فارغة طيب حضرتك بما انك استشهدت باية من القران طيب ايه رايك فى كلام ربنا اللى بيقول قوله سبحانه: { ولن تستطيعوا أن تعدلوا بين النساء ولو حرصتم } (النساء:129) والمقصود بلايه (ولن تعدلو) هو القلب لانه لايستطيع القلب ان يحب بنفس الدرجه
يعني ربنا بيقول ولن تستطيعوا ان تعدلو مش انا اللى بقول ياريت حضرتك تكون فهمت كلامى
+111111111111111111111
والله عندك حق فى الجزء المظلل ده بس من ناحية مشكلة العنوسة فى مصر فهى موجودة بالفعل ومحدش يقدر ينكر الكلام ده بس اللى عايز يتجوز تانى دى اكيد مش بيعيش فى دور المضحى