شوية نصايح للناس الغاليين علينا

**tutankhamoun** · 22-05-2012 05:21 PM

يا باشا أولا ربنا يجازيك خير على النية الطيبة و الصادقة و دي أهم من أي حاجة
و ربنا يكرمك في عربيتك (اللي راكبها عفريت مش طبيعي )

**eng.m7md.ali** · 22-05-2012 06:01 PM

هههههههههههه
ياباشا ربنا يكرمك والله مفتقدينك جدا في القسم ده

**tutankhamoun** · 23-05-2012 08:49 AM

المشاركة الأصلية كتبت بواسطة eng f3lix

هههههههههههه
ياباشا ربنا يكرمك والله مفتقدينك جدا في القسم ده

يا باشا الله يكرمك
و و الله الواحد بيحاول يشارك على قد ما يقدر بس الأنشغال في العمل بقى
و شاكرين على موضوع المفيد و الجميل

**ahmed_h_g** · 23-05-2012 04:01 PM

شكرا" عالنصايح الغالية

**aliabdo** · 24-05-2012 11:48 AM

و الله احسن حاجه انك تتنجنب التوكيل ده تماماااا عشان فاشل فشل السنين و التنين كمان ؛ انا من اسكندريه و توكيل اسكندريه كل الى معاه برتون مبيعتبرش انه موجود بروح بتاع القاهره بقعد طول اليوم هناك و بدفع فلوس و مفيش مشاكل بتتحل ؛اخر مره رحت يوم التلات قلت للمهندس سحب العربي مش كويس بالاخص مع التكيف قالى طيب حنضف الفلاتر قلت له لسه مغير كل الفلاتر و البوجيهات كمان قالى طيب حنعمل ايه قلت له هو المفروض انا الى اعرف ايه حيتعمل قالى طيب حنظف البوابات و نجرب قلت له هى لسه فيها تجريب السلام عليكم انا رايح عصام و صفا
بصراحه انا قررت ما اروح التوكيل ده ابدا و ان شاء الله اشوف بيعه للعربيه قريب و ارتاح

**eng.m7md.ali** · 12-10-2012 04:17 PM

للرفع عشان الناس الجديدة تاخد بالها :)

**Motarjim** · 12-10-2012 05:44 PM

شكرًا يا ريس على هذه النصائح الغالية، جعلها الله في ميزان حسناتك.

**roma_romio2000** · 13-10-2012 04:29 AM

المشاركة الأصلية كتبت بواسطة eng f3lix

بسم الله الرحمن الرحيم

بما ان قسم بروتون بقى في فترة نقاهة
وبما ان الملاك بدأو في الزيادة والحمد لله

دي عصارة مجهود سنتين ونص مع التوكيل وشوية نصايح للحفاظ على العربية سواء مستلم بقالك فترة او لسة مستلمتش

- اول حاجة الحفاظ على الصيانات في معادها

- متبخلش على العربية بحاجة ابداً

- استعمل تيل الفرامل الاصلي عشان تحافظ على الديسكات مع الوقت

- متخليش مستوى البنزين يقل عن النص او الربع على الاقل ( متستناش اللمبة تنور )

- حافظ على الضمان لان لو لاقدر الله في عيب صناعة في العربية تعرف تاخد حقك

- الصيانات كلها في التوكيل طبعا او مركز عصام الصفا

- وانت في التوكيل وطلع المهندس يجرب معاك العربية متخليهوش يمشي بسرعة في الشوارع المكسرة حوالين التوكيل .. هيقولك عشان لو في اصوات وعيوب تبان والكلام ده قوله لا شكرا هبقى اكتشف بنفسي الاصوات دي .. لان بهدلة العربية في الشوارع المكسرة دي مع الوقت هتخلي اصوات العفشة تظهر

- ايااااك تصاحب اي مهندس من التوكيل عشان يعمل شغله بضمير ومتعملش زيي

- دي بقى اهم نقطة .. متترددش ابداً لو حصلت مشكلة والتوكيل مش عارف يحلها انك تتوجه لحماية المستهلك .. اي نعم انا كل يومين ببعتلهم وبتصل بيهم ومفيش حد بيعبرني بس خليك وراهم وان شاء الله تعرف تاخد حقك ومتعملش زيي

واي حد لو عنده استفسار احنا في الخدمة ... واللي عنده اي نصيحة للاعضاء ياريت منبخلش على بعض

انا نفسى اجيب العربية دى بس انا فعلا خايف من مشاكلها و من التوكيل و قطع الغيار والكلام دة . ارجوا الافادة

**amohsen** · 13-10-2012 01:58 PM

شكرا يا باشا ..

أنا عندي سؤال: أمتى العربية تخرج برة الضمان؟ وهل لو نفضت لصيانة واحدة كده خلاص؟ لأني بصراحة بفكر معملش الصيانة وأغير زيت واربط عفشة في البنزينة (طبعا بغض النظر عن الصيانات المهمة زي الـ 20 والـ 40)

-

الموضوع: شوية نصايح للناس الغاليين علينا

LinkBack

أدوات الموضوع

عرض

-

-

-

-

-

-

المواضيع المتشابهه

اللهم هون علينا سكرات الموت و نور علينا قبورنا‏...منقول

شوية اسأله للناس إللي عندها تالبت واي باد (خدوا في اخوكم ثواب وجاوبوني)

شوية جنوط جامدة للناس الجامدة

سؤال للأوبتراويه الغاليين

الكلمات الدلالية لهذا الموضوع

المفضلات

المفضلات

ضوابط المشاركة