ملاك المازدا 3 و البنزين ....!!

انا قولت نعمل موضوع مجمع عن البنزين بتاع العربيه دي و استهلاكها و كده لاني بصراحه مش فاهملها حاجه
اولا : انا ليا استفسار في العداد
هيا كام لتر اصلا و اللمبه لما تنور بيبقي فاضل كام لتر في التنك و الشرط الكبيره دي معبره عن 10 لتر ولا اكتر لاني حاسس انها بتهزر بصراحه
ثانيا : عايزين استهلاكات بقي جوه البلد بالتكييف طبعا و علي الطرق السريعه علشان يبقي في ارقام استرشاديه كده الواحد يبقي عارف الدنيا فيها ايه لاني مش فاهملها بتاكل بنزين ولا هيا كده في العادي ولا ايه
فهبتدي بنفسي بقي و اتمني التفاعل مع الموضوع ده
انا العربيه عندي جوه البلد بقي حدث ولا حرج ساعات بيعمل 140 كيلوا في ال20 لتر بالتكييف (بنزين من موبيل) .... ايه ده بقي
هيا اصلا بتعمل كام في الصفيحه بالتكييف داخل البلد
علي الطوالي بقي وانا كل طرقي سريعه اصلا و بالتكييف بردوا
العربيه بفولها عند بنزينة موبيل اللي عند كارتة القاهره الاسكندريه دي
بروح العامريه و ارجع بيقي العداد عند تاني شرطه كبيره من تحت ة ببقي عامل 360 كيلوا و بحط 40 لتر مقفوله و النتيجه 9 كيلوا/لتر متوسط السرعه 90-100
هابتدي اخد بالي من موضوع البنزين ده الفتره اللي جايه فعايز ارقام كده تبقي معايا علشان اعرف الطبيعي بتاعها ايه ... و شكرا مقدما للردود

نسيت اقول علي انهارده كان كام
وانا راجع بقي من اسكندريه طول الطريق 160- 170 بالتكييف و 3 افراد و مفول في موبيل اللي هيا عند ماكدونالز دي
وصلت البيت كانت العداد عند قبل نص التنك بحبه من فوق و كنت عامل 200 كيلوا و ليسه بقي بكره ان شاء الله هافول علشان اتفاجاأ و اعرف عملت كام كيلو/لتر كيلوا

حوالى 9-10 كيلو لكل 1 لتر
و كل شرطة حوالة 35-40 كيلو
و التنك 55 لتر
و اللمبة لما تنور يبقى فيها حوالى 10لتر أو اكتر مش فاكر قوى...

اقتباس:

---

المشاركة الأصلية كتبت بواسطة amarsafy

حوالى 9-10 كيلو لكل 1 لتر
و كل شرطة حوالة 35-40 كيلو
و التنك 55 لتر
و اللمبة لما تنور يبقى فيها حوالى 10لتر أو اكتر مش فاكر قوى...

---

اخيييييييييييييييييييرا الحمد لله حد رد عليا :ask:
ياباشا والله انا مش عارف اشكر حضرتك ازاي

اقتباس:

---

المشاركة الأصلية كتبت بواسطة amarsafy

حوالى 9-10 كيلو لكل 1 لتر
و كل شرطة حوالة 35-40 كيلو
و التنك 55 لتر
و اللمبة لما تنور يبقى فيها حوالى 10لتر أو اكتر مش فاكر قوى...

---

باشا التنك 45 لتر
و بتعمل فى ال 40 لتر 500 كيلو و 400 بالتكيف
و المبه لما بتنور بيكون فاضل 10 لتر

اقتباس:

---

المشاركة الأصلية كتبت بواسطة minicooper20

باشا التنك 45 لتر
و بتعمل فى ال 40 لتر 500 كيلو و 400 بالتكيف
و المبه لما بتنور بيكون فاضل 10 لتر

---

لا طبعا يا باشا تنك المازدا 3 55 لتر وفعلا لما اللمبة بتنور بيقبى فاضل 10 لتر تقريبا

وموضوع البنزبن دة واللة ما حسبتوا بس انا فولت العربية فى مصدق وسافرت اسكندرية صحراوى
فولت عند البوابات بتاعت اسكندرية تقريبا كان 35 لتر على ما اظن
بالتكيف وسرعة ما بين 160 : 190 تقريبا
بس جوة البلد انا بحس فعلا انها بتخرب بيتى بنزين :)

اقتباس:

---

المشاركة الأصلية كتبت بواسطة omarkhaled55

بس جوة البلد انا بحس فعلا انها بتخرب بيتى بنزين :)

---

انا زعلان بردوا من العربيه جوه البلد علي فكره
بس مستني احط من بنزينة نضيفه علشان اطمن لحسن موبيل دي بحس ان البنزين مافيهوش بركه و بيتبخر و هيا واقفه في الشمس حتي

سؤاااااااال بقي : حد بيحط منفذ انجكشن و دورة البنزين ده ولا ايه

اقتباس:

---

المشاركة الأصلية كتبت بواسطة walidadel

انا زعلان بردوا من العربيه جوه البلد علي فكره
بس مستني احط من بنزينة نضيفه علشان اطمن لحسن موبيل دي بحس ان البنزين مافيهوش بركه و بيتبخر و هيا واقفه في الشمس حتي

---

هو فى بنزينة انضف من موبيل ؟؟؟ دا انا فاكرها هى انضف حاجة

أنا بتعمل معايا جوة البلد 14 أو 15 لتر لكل 100 كيلو... التكييف شغال صبح وليل... طبعا استهلاك فظيع بس أنا جوة البلد بالنسبة لي يعني جوة البلد بجد.... يعني حتى الدائري مش بطلعه... متوسط السرعة بالنسبة لي بيكون حوالي 12 كيلو في الساعة (بناءا على شاشة المعلومات)...
على الطريق السريع بقى الاستهلاك بيبقى فعلا ممتاز... مرّة سافرت اسكندرية وثبتت السرعة على 100، عملت 7 لتر لكل 100 كيلو

موبيل شغالة نظام فرانشايز (توكيل)... مش شرط أي محطة موبيل تبقى كويسة.... أنا عشان عندي متوسط الاستهلاك بيبان على شاشة المعلومات (كام لتر لكل 100 كيلو)، بصفر عداد الكيلو وعداد متوسط الاستهلاك مع كل تفويلة، وبعدين بحسب عدد اللترات اللي العربية استهلكتهم (بيساوي متوسط الاستهلاك مضروب في المسافة اللي مشيتها العربية من ساعة ما مونتها).... لما آجي أمون بقارن بين اللي مونته بجد وبين اللي العربية حسبته عشان أعرف البنزينة دي سارقني ولا لأ... ساعات كتير ممكن تفرق معايا في بعض محطات موبيل على 3 أو 4 لتر في كل تفويلة... لكن اللي بتطلع دايما مظبوطة بنزينة توتال اللي في الحي التامن... حتى وطنية مش دايما بتظبط (غير إني مقاطعها عشان معترض على دخول الجيش في مجال البيزنس)

اقتباس:

---

المشاركة الأصلية كتبت بواسطة WalidAdel

انا زعلان بردوا من العربيه جوه البلد علي فكره
بس مستني احط من بنزينة نضيفه علشان اطمن لحسن موبيل دي بحس ان البنزين مافيهوش بركه و بيتبخر و هيا واقفه في الشمس حتي

سؤاااااااال بقي : حد بيحط منفذ انجكشن و دورة البنزين ده ولا ايه

---

انا بالنسبة للبنزين مش قادر احسب اوى لانى مش منظم و بخد قراءة العداد وكده
بس بالنسبة لموضوع منظف الانجيكشن ده انا مجربتش و مش حابب الموضوع ده لانى خايف المنظف ده لما احطه فى التنك يخد الرواسب الموجوده فى دورة البنزين كلها و يسد بيه الانجكشن !!!!!! ازاى معرفش :fdsa:بس هو ممكن يكون احساس غير صحيح

لكن انا بحط Octen Boost ده ياجماعه حواااار انا حطيط مرتين بيحول العربيه و بيخلى الاستجابه سريعه :driving: و الكيك داون كانك مركب نيتروس :superman:( انا ممكن اكون ببالغ :Copy of new:) لكن عموم بجد الموضع ده هيخليك راضى عن اداء العربيه و سرعه الاستجابه على فكره انا بحط الزجاجه على تفولتين

اقتباس:

---

المشاركة الأصلية كتبت بواسطة omarkhaled55

هو فى بنزينة انضف من موبيل ؟؟؟ دا انا فاكرها هى انضف حاجة

---

انضف حاجه ايه بس دي بنزينه تيييييييييييييت
راجع الموضوع ده "قصه واقعيه" http://www.nilemotors.net/Nile/287231-a.html

اقتباس:

---

المشاركة الأصلية كتبت بواسطة romar

أنا بتعمل معايا جوة البلد 14 أو 15 لتر لكل 100 كيلو... التكييف شغال صبح وليل... طبعا استهلاك فظيع بس أنا جوة البلد بالنسبة لي يعني جوة جوه البلد

---

ايوا بقي فين الارقام الظريفه دي منا بقول بردوا اصل انا علي كده العربيه عندي بتشربه انا ليسه عامل 235 كيلوا في 32 لتر لحد مابص هاطرشق من جنابي :I_angr1[1]:
بالنسبه للطوالي بقي حدث ولا حرج مره كنت مفول من امارات مصر روحت اسكندريه و لف هناك و جيت كنت عامل 570 كيلوا و اللمبه نورت .... دي كنت بوب الصراحه بالتكييف رايح جاي و سرعه 90-100 (كنت ليسه اول مره اطلع بالعربيه طريق سفر و كنت خايف ليسه عليها) :Copy of new:

اقتباس:

---

المشاركة الأصلية كتبت بواسطة levelpower

انا بالنسبة للبنزين مش قادر احسب اوى لانى مش منظم و بخد قراءة العداد وكده ......

---

المنطف ده بينظف دورة البنزين كلها و كده كده الطرمبه فيها مصفي و الفلتر كمان فصعب ده يحصل بيني و بينك
الاوكتان بوستر ده اخترااااااااااااع الصراحه كنت بحطه في الصني زمان كان تحفه و STP كمان احسنهم

حد عنده بقي خنقه في العربيه علي الغيار التالت بين سرعة 40 و 60 و بعد كده بتفرج و تجري (تسارع بطئ)

حد ياكدلنا بقا العربيه دى تنكها كام لتر و فيها سبير تانك ولا لائ علشان انا العربيه دى على الزور عندى بتخد 45 لتر
ماذدا 3 2006 خليجى

اقتباس:

---

المشاركة الأصلية كتبت بواسطة minicooper20

حد ياكدلنا بقا العربيه دى تنكها كام لتر و فيها سبير تانك ولا لائ علشان انا العربيه دى على الزور عندى بتخد 45 لتر
ماذدا 3 2006 خليجى

---

السلام عليكم
هوحضرتك لما العربيه خدت 45 لتر كان التنك فاضى خالص؟ ولا اللمبه كانت لسه منوره؟
لانها تفرق لأن على كلام الاخوه لما اللمبه تنور بيكون فيه 10 لتر فانا ارجح انه يكون سعة التنك 55 لتر.
ومن اجابة حضرتك هاقدر ان شاء الله اتاكد
تقبل مرورى والسلام عليكم

أعتقد الكتالوج بيقول 55 لتر... خلي بالك إن غير الحبة الاحتياطي اللي بيبقوا موجودين في التانك لما اللمبة تنور، الـ 55 لتر دي تشمل 3 أو4 لتر في التانك من فوق عمرهم ما بيتملوا لأن المسدس بيفصل قبل ما يتملوا

انا معايا مازدا 3 2008 العربية بتاكل بنزين بغباء بس معروف من زمان عن المازدا لان ماتورها عفي شوية ف ادا بيجي على حساب البنزين

اقتباس:

---

المشاركة الأصلية كتبت بواسطة falcon77

انا معايا مازدا 3 2008 العربية بتاكل بنزين بغباء بس معروف من زمان عن المازدا لان ماتورها عفي شوية ف ادا بيجي على حساب البنزين

---

قصد حضرتك ايه انها بتاكل بنزين بغباء؟

اقتباس:

---

المشاركة الأصلية كتبت بواسطة magdyahassan

قصد حضرتك ايه انها بتاكل بنزين بغباء؟

---

+11111111

السلام عليكم
احب انقل لكم بعض من خبرتي المتواضعة عن المازدا
في البداية لازم نفرق بين المازدا الشكل القديم و الجديد لأن الموتور مختلف فبالتالي الاستهلاك حايكون مختلف
عامة معروف عن المازدا أنها من اكثر السيارات الياباني استهلاكا للوقود و هذا في وجهة نظري شيء مزعج للغاية
طبعا زي ما كلنا عارفين ان موضوع استهلاك البنزين بيخش فيه عوامل كتيييير اوي زي :
التكييف , معدل الضغط على دواسة البنزين , تحميل السيارة , السرعة , ضغط الاطارات ,
حالة السيارة أيضا من حيث الصيانة لها تأثير يعني لما يكون فلتر الهواء او البنزين محتاج يتغير ممكن يزود الاستهلاك برضه شوية صغيرين
المهم
بعد المقدمة الصغيرة دي نتكلم كلام محدد شوية

السيارة : مازدا 3 مو 2010 اوتوماتيك
كم الحالي : 37000 كم
سعة خزان الوقود : 55 لتر ( من الكتالوج )
الاحتياطي : 15 لتر تقريبا ( ودة لما تنور المبة و يتبقى اخر شرطة في المؤشر )
و لما الشرطة الاخيرة كمان تنقص يتبقى حوالي 10 لتر
معدلات الاستهلاك التقريبية :
في حالة تثبيت العوامل الاتية /
عدد لفات الموتور في النقلات لا يتعدى 4000
عدد الاشخاص السائق + فرد او اثنين
صيانة السيارة جيدة و ضغط الطارات مضبوط , الحالة شبه مثالية

داخل البلد : 7,5 : 8,5 كم لكل لتر
خارج البلد : 9,5 : 10,5 كم لكل لتر
و هذا في حالة تشغيل التكييف
و في حالة استخدام السيارة بشكل مجمع مابين داخل و خارج البلد يكون المعدل المتوسط حوالي 9 كم لكل لتر تقريبا

هذا من واقع تجربتي مع السيارة في خلال عام و نصف تقريبا
شكرا

اولا التنك 55 لتر .. اول لما اللمبة تنور يبقى متبقى 10 الى 11 لتر
اقصى حاجة حطتها كانت 52 لتر و كنت مشيت بتاع 60 او 70 كيلو بعد اللمبة مانورت
عموما انا بفول لما المبة تنور و غالبا بحط 45-48 لتر

استهلاك البنزين عندى كان 180 الى 200 جوة البلد فى الاول لكن بعد البوجيهات الايرديوم nkg اصبح 200- 220 جوه البلد و فى السريع 280-300 للصفيحة .. بوجيهات اكتر من رائعة من ناحية صوت الموتور و السحب و استهلاك البنزين و كمان تتغير كل 100 الف

اقتباس:

---

المشاركة الأصلية كتبت بواسطة janjon1978

اولا التنك 55 لتر .. اول لما اللمبة تنور يبقى متبقى 10 الى 11 لتر
اقصى حاجة حطتها كانت 52 لتر و كنت مشيت بتاع 60 او 70 كيلو بعد اللمبة مانورت
عموما انا بفول لما المبة تنور و غالبا بحط 45-48 لتر

استهلاك البنزين عندى كان 180 الى 200 جوة البلد فى الاول لكن بعد البوجيهات الايرديوم nkg اصبح 200- 220 جوه البلد و فى السريع 280-300 للصفيحة .. بوجيهات اكتر من رائعة من ناحية صوت الموتور و السحب و استهلاك البنزين و كمان تتغير كل 100 الف

---

ممكن حضرتك تقولى جبت البوجيهات دى منين وسعرها كام؟
ولك جزيل الشكر

اقتباس:

---

المشاركة الأصلية كتبت بواسطة magdyahassan

ممكن حضرتك تقولى جبت البوجيهات دى منين وسعرها كام؟
ولك جزيل الشكر

---

من توكيلها شركة التوفيقية من المعادى .. و كنت جبت العنوان من الانترنت .. بس مش قادر اوصفة لانى مش فاكر الطريق

معلومة هامة للي بيحب يقيس التانك فيه كام لتر و لما بيفول بيبقي كام يعمل الاتي:
1-حط مفتاح العربية
2-اضغط علي مفتاح تصفير عداد المسافة و افضل دايس
3-افتح الكونتاكت (مش لازم تدور الموتور، بس خلي الكونتاكت علي وضع التشغيل) كل ده و إنت لسة دايس
4-افضل دايس علي مفتاح تصفير عداد المسافة لمدة 3 ثواني كمان بعد متفتح الكونتاكت
....بعد خطوة رقم 4 هيشتغل اختبار العدادات و هتشوف حاجات غريبة في الشاشة بتاعت المسافات
5-شيل صباعك من علي مفتاح تصفير عداد المسافات
6-اضغط علي مفتاح تصفير عداد المسافات مرتين (أو ثلاثة) علي ما أتذكر هتشوف فاضل كم لتر بالضبط في التانك.
7-شيل المفتاح (أو اطفي الكونتاكت) عشان تخرج من اختبار العدادات.

أنا بخلي البنزينة تحط 45 ناقص القراءة اللي ظاهرة لي لأنه أكتر من كدة بحس إن التانك بيطفح و مقياس البنزين بيهيس... يا ريت لو حد متعود يملي فول تانك يجرب و يقول لنا القراءة اللي ظاهرة له بعد مايفول كام بالضبط..

اتمني أكون افادتكم...

الأرقام الي إنتوا بتتكلموا فيها دي كتير جدا العربيه كده بتسف البنزين كتير قوي يعني
وبلاش الأوكتان بوستر إلا للضرورة عشان بيزعل البوجيهات

اقتباس:

---

المشاركة الأصلية كتبت بواسطة yoko

الأرقام الي إنتوا بتتكلموا فيها دي كتير جدا العربيه كده بتسف البنزين كتير قوي يعني
وبلاش الأوكتان بوستر إلا للضرورة عشان بيزعل البوجيهات

---

عندك حق مش عارف الاستهلاك حسه كتير اوي بصراحة

اقتباس:

---

المشاركة الأصلية كتبت بواسطة ahmed1006

عندك حق مش عارف الاستهلاك حسه كتير اوي بصراحة

---

أنا مع الجري و5 rpm زعلت لما العربيه وصلت 11 لتر في 100كم
وكنت هنتحر لما وصلت ل14 لتر في 100كم مع إني كنت مقفل العداد طول طريق السخنة ما بين 200 ل215 وبشد مع مرسيدس
ولو سفر ومحترم ببقى تحت ال6 لتر\100كم