دلونى .... أنا معرفتش مكان الطبة ولا مكان الفلتر
بسم الله الرحمن الرحيم
مش عارف أقولكم إيه !!! :penguin4::penguin4:
بس أجرى على الله
قررت أغير زيت للعربية بتاعتى بس قولت هيه مش معضلة إنى أغيره لوحدى وجبت شل الجركن الأحمر
فنزلت تحت العربية علشان أفك الطبه ومعايا طبق بلاستيك الهلال والنجمة بتاع الواد دوقدق
والمفاجأة إن أنا معرفتش مكان الطبة ولا مكان الفلتر
قولت يمكن أنا عندى إستبحس فخدت العربية وروحت ورشة جنبى للتغيير الزيوت المفاجأه إنه كمان معرفش يفضى الزيت ولا عرف مكان الفلتر
وقاللى معلومة غريبة ........ إن فى عربيات الزيت بيتسحب مش بيتفضى
دلونى يا إسكوداوية
العربية سكودا فابيا 2004 - 4 سلندر - 1200 سى سى
تجربة تغيير الزيت مع فابيا 1200
بسم الله الرحمن الرحيم
بعد التوكل على الله
حدث الأتى
سألت أحد الأقارب اللى بيمتلكوا سيارة منذ 40 سنه عن مكان مضمون لتغيير الزيت وحكتلوا على المشكله
ودلنى
على مركز صغير محندق إسمه أبوغزاله عندنا فى الزقازيق الحبيبة وده موجود فى قسم النظام
قام حسن اللى ماسك إدارة المركز ونده على عصام
جه عصام الفنى لابس فالنه حمالات وشكله كده شبه الناس بتوع موقعة الجمل قلت بس روحت فى توووكر " مش عارف الكلمة دى معناها أو أصلها إيه " وقالى طلباتك يا برنس
قلتله عايز أغير زيت وبس !!!
نزل تحت العربية وقعد يتحفلط وراح طالع وقاللى العربية دى ألمانى قولتله أه يا معلم قاللى دول ولاد تيييت
قولتله ليه
قاللى العربية مصفحة بصاج 5 مم من تحت كارتيرة الزيت
وبعدين
قاللى تتفك بــ 6 مسامير
وفكهم وغسلها بالبنزين
وفك الطبه ونزل الزيت وتنفست الصعداء
نيجى بقه للفلتـــر
قعد يدور عليه لغاية مقال تعالى يا بن التييت واضح إن اللغوة دى عادية عندهم
لاقه جنب الريداتير ناحية الشمال تحت
مسك مفتاح كبيير كده منفعش قاله أنا هاجبلك اللى هايخوفك جاب مفتاح كبييييييير أوى وراح شادد الغريبة إنه الفلتر مش لوحده ده عبارة عن جلبة إسطوانية وليها منيم فى وسطه قايم طويل بينزل فيه قلب الفلتر
أنا كنت فاكر إن الفلتر بيتغير هو والحامل بتاعه
ما علينا ........ خلع الفلتر وقاللى الفلتر سليم هاغسله وبس ...... حرام تركب الجديد
قولت ماشى
قاللى عايز تحط زيت إيه قلتله شل الجركن الأحمر قاللى مش موجود عندى وأنزل أدور يا جدعان عليه مش عارف فص ملح وداب قلت خلاص بقه بالمرة ...... أحط موبيل 1 اللى بيتغيير على 10000 كيلو وقد كان وخدت الــ 4 لتر لأنه فك الفلتر
http://www.frankom.com/wp-content/up.../Mobil0W30.jpg
وبصراحة هو ورانى قياس الزيت بعد ماحط 3.5 لتر كان بين العلامتين وده بعد ما دورت العربية فقاللى لازم نكمل الـ 4 لتر ....... قولت ماشى
وروحت وتانى يوم سافرت بالعربية إسماعيلية 150 كلم رايح جاى ...... كنافة بالجنزبيل
حرير والعربية بقت طيارة والحمد لله
المفاجاة الكبرى من شركة موبيل ان زيت موبيل 1 مضمون النتيجة حتى 15000 ميل يعنى بالحساب 24140.2 كم
Mobil 1 Extended PerformanceYou've never seen an oil like this before. Mobil 1 Extended Performance is a high-endurance motor oil designed for longer service intervals. It is a fully synthetic formulation that helps extend engine life, reduce oil breakdown and minimize engine wear -- all while helping to keep your engine clean. Improvements that add up to exceptional protection for 15,000 miles. Guaranteed زيوت موبيل1 من مصدر موثوق فيه هوه الوحيد اللذى لا يخلق فى مصر ويأتى استيراد من الخارج
