اقتباس المشاركة الأصلية كتبت بواسطة benmatar مشاهدة المشاركة
موضوع سحب الزيت من الموتور ده بيتعمل في محطات فيها شفاط زيت وبيتعمل عادي لأي عربية من أنبوب قياس الزيت.
أما الطبة فأي عربية فيها طبة تحت الموتور عشان تصفية الزيت أو تفريغه لأي سبب كتغيير زيت أو صيانة. بس ممكن أسأل حضرتك؟؟؟
هو حضرتك لسه شاريها جديد؟ ولا معاك من زمان؟؟؟ يعني حضرتك مغيرتش لها زيت قبل كده؟؟؟
على العموم برضه أنصحك بتغيير الزيت عند حد فاهم لأن سيادتك صعب تفك الفلتر لأن له مفتاح بجنزير مخصوص.
ممكن تروح محطة كبيرة أو ورشة متخصصة في شغل سكودا عشان تراجع على الزيوت والفلاتر والسيور بالمرة لو العربية لسة جايبها جديد وفعلا حتى لو مش هتغير الزيت بنفسك لازم الواحد يبقى عارف مكان كل حاجة فين.... بالتوفيق
شكرا للرد والإهتمام

العربية بقالها معايا 6 شهور وكانت مغيره زيت لما إشترتها ولما جابت الألف كيلو قولت أغير الزيت فعملت فيها فكيك وقولت أغيره بنفسى فحصل اللى حصل

وهاعمل زى ماانت قولت هاخودها لبنزينة كالتكس وهاخليهم يورونى كل حاجة

وبالمناسبة أنا لى سؤال : لازم أجيب الفلتر من بره البنزينة قبل ما أروح أغير الزيت عندهم لأن كل عربية وليها فلترها الخاص بيها ولا هما هيتصرفوا ؟؟؟

تحياتى وإحترامـــــــــاتى