الموضوع: عصافير كوكتيل واسترالى

المشاركة الأصلية كتبت بواسطة aser_007

انا حابب احكي تجربتي مع العصافير الاسترالي .... روحت اشتريت جوز استرالي ب 60 ج وكمان القفص بتاعهم وقلت للراجل يركب البيت اللي بيباتوا فيه ده
مع انه قالي لسه بادري يا باشا دول عندهم 5 شهور يعني قدامك اربع شهور كمان كده ...
انا اصلا عندي جنينة صغيرة كده في البيت عشان دور ارضي ... المهم كل ماعلق القفص في مكان الاقيه مايل عشان البيت اللي عمله الراجل ده عامل تقل .. المهم جبت مسند بتاع قصرية زرع كده اللي هو المستطيل ده وبيتعلق في البلكونة وحطتيت القفص فيه بس يوم كده ولقيت هجووووووووووم شرس جدا من النمل على اللب اللي راجل ادهويني عشان الاكل
:b4_095:المهم فكرت فقمت شايل البيت ده وطبعا كده بتاع عدد 3 حديد اللي في القفص مكانهم فاضي مكان البيت ده فقمت جايب سلك وقعدت اربط فيه عشان يشغل المكان الفاضي و تاني يوم ببص في القفص لاقيت واحد منهم مش موجود مع العلم اني في الجنينة في قطط ممكن تدخل من السور وتخرج تاني عادي يعني وبقى فيه عصفور واحد بس بس برده النمل هاري القفص كل يوم اقعد انطف القفص من النمل وارمي الاكل واحط اكل جديد وفي يوم برده صحيت مالاقيتش العصفور التاني بس لاقيته قاعد في الجنينة على الارض ... جيت امسكه في شوية من ريشه طلع في ايدي وحطيطه تاني في القفص بعد ما نطفته من كتر النمل ...المهم انا حطتيله نص بيضة مسلوقة وسبت باب القفص مفتوح بعد ما حسيت بالذنب


مش عـــــــــــــــــــــارف يا جماعة اعمل ايه .... ياريت النصيحة من اهل الخبرة ربنا يكرمكوا يارب
وشكرا))))))))))))))))

مش عارف يا جماعة اعمل

عاوز اقولك انى مقدرتش امسك نفسى فى اخر الكلام يعنى انت بعد متمسكوا وتحطلوا الاكل تفتح القفص طب مهوا كدا كدا هيموت لان الطيور ديه مش هتعرف تتعايش مع الجو الخارجى
الكائن ده طلع فى عش مساحته صغيره ومنه على قفص فده بالنسبالوا الكون بتاعو كل ميكبر اكيد كل مهيكون افضل بس مش لدرجه انك تفتحله القفص
ولا انت قولت على امل يبقى يخرج من الجنينه للقفص والعكس طبعا مينفعش

مبدئيا الاسترالى مش بياكل لب
ثانيا المفروض يكون مكان العش باب بيطلع وينزل بس اكيد الراجل خلعه وريح دماغوا بس انت ماخذتش بالك

الموضوع النمل كان بسيط انك ترش اى مبيد حولين القفص وتبعد الزرع واعتقد ان برضوا الزرع ممكن يجيب نمل فممكن تحط الزرعه على طبق وتملى الطبق ميه بكدا النمل مش هيعرف يوصل للزرعه
مع المبيد او اى رش للنمل وسد الفتحه الاساس الى بيخرجوا منوا يبقى انت كدا فى السليم

العصفور بقى اكيد زمانه طار وطبعا مش هيعيش بره زى منتا مفكر وموضوع النمل معاه ده صعب جدا جدا جدا دحنا لما نمله بتقرصنا بنبقى مش طايقين نفسنا تخيل عصفور ونمل يعنى موته
لو كان لسه موجود اعرف ده ذكر ولا اقنثى وهات عصفور تان ىمعاه واعمل الى قولتلك عليه وان شاء الله خير
ولو احتجت اى حاجه انا معاك