اقتباس المشاركة الأصلية كتبت بواسطة essam_shaaban مشاهدة المشاركة
طب معلش سؤال كده عشان انا عاوز اشتري منك

هو انا معنديش بلكونة و نفسي اخد كوكتيل انا زمان كان عندي استرالي و كان بيبيض واخر حلاوة انما مربيتش كوكتيلات فهل ينفع اربيهم جوه الشقة ولا هيزبلوا الدنيا و هيحتاجوا شمس و كده ..........

ياريت تفيدني في الموضوع ده ضروري وكمان تقولي القفص بتاع جوز الكوكتيل بكام بالاستاند بتاعه عشان احسب حسبتي كاملة و تقولي بياكلوا ايه وكده ...................

اهلا بحضرتك
وانا تحت امرك بالنسبه للاسترالى يعتبر من اسهل الانواع فى التربيه والتفريخ
بالنسبه للكوكتيل بيحتاج عنايه اكتر بمعنى انوا طائر حساس او بمعنى تانى انك تعمله على اساس انو شخص زى وذيك عايش معاك فى البيت مش مجرد حاجه بتحطلها اكل وميه كل يوم وخلاص ديه نقطه
الميزه فى الكوكتيل انك فعلا هتحس انو صديقك او هوا بيعتبرك كدا

انا عندى مثلا الصبح كل يوم لازم الاقى صوتهم عالى وبمجرد انى ادخل عليهم خلاص عارفين انى صحيت وهاجى ااكلهم وتحركتهم جوا القفص انهم عاوزين اكل او ميه او مش عاجبهم الاكل مثلا غير طبعا اهتمامك بيهم من ناحيه النظافه والاضائه وهزارك معاه
وطبعا ده بيجى مع الوقت بمجرد انوا يتعود على المكان ويتاقلم عليه

نيجى بقى لنقطه مهمه مينفعش اننا نجيب عصفور طليق من الى بنشوفهم ونحبسهم فى قفص ونقول انوا هياكل ويشرب ده مش صحيح لانوا واخد على عيشه الحريه وهيبقى الحسبه بالنسباله يعنى موته
عكس طيور الزينه لو طارت بره القفص هتموت غير انها بتعيش وبتطلع فى عش صغير ومنه الى قفص يعنى بالنسبالهم القفص ده عالهم غير انت بقى لو حبيت انك تدربه وتعوده عليك اكتر وانوا يطلع وديخل جوه القفص
ومقياس على الكلام الى فوق لو الطائر متعود انو يكون لوحده او فى مكان هادى من البدايه هيبقى متعود على كدا واى اختلاف فى الامر هيرجع عليه بالسلب تمام
برضوا ملخص الكلام الى فوق ان الطيور الى عندى حاليا لسه شبابات يعنى فى اى مكان مش هتقولك لا وبرضوا بيرجع على حسب تربيتك

يعنى لو عاوز تفريخ وكدا يبقى طبعا عاوز هدوء زى البنى ادم كدا مينفعش يركز فى ليله الدخله وحوليه دوشه الا لو اتعود على كدا

لو حضرتك عاوزه لمجرد انك تتمتع بشكله يبقىمش هتفرق مكانه جوه الشقه او بره

بالنسبه للنظافه طالما حضرتك بتنظف الدرج اول باول مش هيبقه فى مشكله وبنستخدم اكالات كبيره عشان الاكل ميتنطورش بره وكدا

بالنسبه للاكل عندك بقى الاساسى لب عباد الشمس وفلارس وبنكم عليه دنبه وعظام السبيا
وانا طبعا مش بفضل الاكل ده وبس لازم تنوع معاه يعنى انا بحط قمح منقوع لمده يومين وكذلك بيض مهروس وجرجير وخس وبديله فاكهه

القفص بيعمل حوالى 50 جنيه وده شكله


وياريت تتابع الموضوع القديم فى ملعومات كتير عن الكوكتيل وهوا مش كبير