كرولا 2008

**limo** · 16-05-2007 11:22 PM

بصراحه الشكل ده رائع سواء من الداخل او الخارج شكل ثورى وجديد بكل المقايس
بس انتوا متأكدين ان الشكل ده هوه الى نازل مصر علشان انا بصراحه لو منزلش هزعل اوى لو نزل حاجه اوحش منه
اما بخصوص السعر فنا اعتقد انهاهتزيد عن الموديل الحالى بس مش بكتير
بس الخوف انها تتجمع فى حته تانيه غير اليابان او تنزل فى الجوده بتاعتها .
limo

**boody2** · 23-05-2007 08:09 PM

المشاركة الأصلية كتبت بواسطة Nile Heart

جبتوا الأسعار دى منين يا جماعه!!؟؟
يعنى العربيه هتنط من 98 الف حاليا لل 1300 فاضيه الى 130 الف مره واحده؟؟ حتى لو بقت 1400
مش معقول يعنى!
اعتقد ان سعرها لن يزيد عن الهوندا سيفيك الجديده
يعنى ال 1600 اوتوماتيك ب 140 الف
وبكده ممكن تكون ال 1600 مانيوال ب 133 مثلا
وال 1400 اوتوماتيك كامله ب 125 مثلا
و ال 1400 فاضيه خالص ب 108
وتيقى زادت 10 الف عن السعر الحالى ولو اننى شايف انها زياده كبيره وغير مبرره

انا اعتقد ان السعر حيبدا من 130000 مش 110000 لانه شكل جديد يا جماعة فلازم يكون سعر اعلي و علي فكرة انا سمعت والله اعلم ان السيارة وصلت المنطقة الحرة والله اعلم

**sokasoon** · 28-05-2007 07:00 PM

بس شبه تويوتا ياريس من بره ولا ايه

**hazem_khidr** · 28-05-2007 09:31 PM

هيا شبه الكامري الجديده اكتر و عموما هو دا شكل تويوتا الجديد اللي بتحاول تنزله في العربيات بتاعها الجيل الحديث.
بس طبعا لو جات مصر مش حيبقي فيها الستيبترونيك ولاكلام دا خالص و ما اعتقدش ان تمن الفاضيه حيزيد عن 110 فعلا علشان يبقي منافس و ما ننساش انها فئه اصغر من الاوكتافيا ف مش ممكن تنزل بتمنها ايا كانت لازم يبقي في فرق سعر و واضح كمان مش قليل

**حلواني** · 07-06-2007 05:12 PM

مش معروف ح تنزل امتى؟

**وائل عطية** · 07-06-2007 05:18 PM

لو بنفس الأسعار دي يبقى الأوكتافيا برقبتها طبعاً
ومن المعروف إن الكورولا عربية سعرها في مصر أعلى من قيمتها الفعلية
زي منتجات هيونداي كده

**أبو عبدالله** · 07-06-2007 05:46 PM

لأ اختلف معاك يا وائل

الأوكتافيا عربيه كويسه وكل حاجه ولكن ماتورها مش بتحمل البودي الكبير بتاعها يعني من الاخر تقيله عربيه تقيله ومن كلام اللي راكبنها مش كلامي
اما عن موضوع بقه الكهرباء اللي فيها وان لها مشاكل ومبتستحملشي العوامل الجويه المتغيره ده شئ تاني

وأظن ان لو الأوكتافيا برقبتها مكنتشي الناس تركب الكورولا وتسيب الاوكتافيا والشوارع شاهده واسعار اعادة البيع اكبر دليل
حتى لو التوكيل مزود السعر زي ما أأنت بتقول وان العربيه سعرها اعلى من قيمتها كانت بانت في سعر اعادة البيع لأن ده مش في يد التوكيل ............ وانما في يد المشتري والزبون اللي بيطلبها حتى لو موديل 90 ........... وانتم عارفين ان موديل التسعين دلوقتي في الأربعين ألف وكل ماتزود في السنين زود في السعر ...........

**ayman_elkholy** · 25-07-2007 03:38 PM

انا معايا تويوتا 2007 \1300فول ابشن مانيول
وبصراحة حاسس ان الفلوس اللى اندفعت فيها كتير عليها فعلا
تخيل لو الاسعار دى بتاعة 2008 حقيقية مش عارف اقول اية

**M_Abdallah** · 25-07-2007 08:01 PM

التويوتا دايما اسعارها غالية وبردوا الناس بتشتريها والشكل الجديد شكله افخم من اللي فات ومواتيره اقوي 1400 منها بيولد 97 حصان/6000د.د(95حصان بمعاييرsae) و1600 بيولد 124 حصان/6000د.د(122حصان بمعاييرsae) اتوقع ليها نجاح كبير