بشوف ناس عندها عادات غريبة اثناء القيادة زى ان الواحد يسوق حافى انا كنت فاكر ان دى قاصرة على التكسجية فقط ولكنى وجدت اصحاب عربيات ملاكى بيعملوها برضه، فياريت لو حد لاحظ حاجات زى دى يقولها على سبيل الطرافة....
عرض للطباعة
بشوف ناس عندها عادات غريبة اثناء القيادة زى ان الواحد يسوق حافى انا كنت فاكر ان دى قاصرة على التكسجية فقط ولكنى وجدت اصحاب عربيات ملاكى بيعملوها برضه، فياريت لو حد لاحظ حاجات زى دى يقولها على سبيل الطرافة....
ممكن اقولك على اسوأ عادة بتخلينى عندى استعداد انى ادخل فى اللى بيعملها
و هى ان اللى جاى قدامك يضرب النور العالى فجأه لما يقرب منك
مع انى والله بكون بعيد عنه و مولع النور الواطى بس... و ساعات بكون طافيه كمان
فكرتنى بالذى مضى انا اول مااتعلمت السواقة اتعلمت حافى فاتعودت على كده وفضلت فترة طويلة اسوق حافى حوالى 4 شهور :oops: :oops: :oops: الى ان قررت ان اغير هذا النظام بالعافية والحمد لله دلوقتى مش بعرف اصلا اسوق حافى فنصيحة للى لسه بيتعلم السواقة بلاش تتعلم وانت حافى عشان هتتعود :lol: :lol: :lol:
كل الناس بتحب تقرب الكرسي ناحية السواق الا انا ابعده على الاخر اكتر حاجه معرفش اسوق الا وانا واخد راحتى وحاسس ان كل حاجة بعيدة كده :roll:
الشارع المصري مليان نماذج كتير غريبه .
1.اللي ماشي و طافي كل انواره ما تفهمش ليه .يمكن يكون فاتوره الكهربا جات غاليه :lol:
2.الشباب الجميل اللي مرجعين المسند والكرسي للاخر و فاكرين ان دي شطاره و يدوب لامسين الدركسيون و الدواسات بطراطيف صوابعهم مش عارف فيها ايه يعني لو قعد مضبوط حتي لو مش علشان ياخد باله من طريقه يبقي علشان يحاف علي استقامه ضهره(الوضع الصحيح للجلوس انك تكون علي شكل زاويه قايمه) بس تقول لمين الكلام دا !!!!!!
3.تلاقي الواحد ماشي و ساند علي الباب او مسند الباب و حاطط ايده علي دقنه او بقه ما تفهمش بيفكر في ايه و ايه المشكله اللي مخلياه كل ما يركب العربيه يفتكرها و يفضل مركز كده.
4.مره كنت راكب مع سواق بيجو و جاي من اسكندريه الكلام دا من حوالي 4 سنين كان طول ماهو ماشي دماغه بتتهز و كل ما بيزود السرعه دماغه تتهز اكتر و اول ما يوصل ل سرعه 80 كانت دماغه بتثبت :mrgreen: :mrgreen:
انا بقى لما اكون مسافر سفر طويل اكتر من 150كيلو لازم اسوق يالشبشب تأثير السعوديه بقى عليا :lol:
طيب شفت اللى بيبقو مدلدلين دراعهم من الشباك
كانت فى الاصل بتاعة سواقين البيجو و انتقلت العدوى للروشين
من اكتر الحاجات اللي بتنرفزني و انا علي الصحراوي
فيه منطقه عربيات النقل علشان توفر كام كيلو بتيجي في المعاكس
و زياده في الخيبه بيولعوا النور العالي
ده غير طبعا عند منطقه النوباريه العربيات اللي بتكون محمله ناس
و تشوفها و هيه بتتمايل و تتمختر و السواق بيقطع الصحراوي
ده غير طبعا اللي بيكون مستخبي ورا شجره و فجاه تلاقيه طالع من الظلام
ال ايه بيعديني الشارع
مصر بخير
هو فى حاجة انا كنت عايز اتكلم عنها وفعلا كنت هعمل عليها موضوع بس يالا مش مشكلة هقولها هنا :| :wink:
هى حاجة بردة قريبة من الموضوع دة بس هى مش من العادات الغريبة فى القيادة هى بدعة روشة طالعه اليومين دول وخاصة فى المصايف ان الشباب الروشين دول بشيلو النمرة اللى ورا لية مش عارف ؟ واية الروشنة فى كدة ؟ بردة مش فاهم حد يفهمنى :roll:
طب اللى حرتك قلت علية دة بالنسبة للصحراوى نيجى بقى بالنسبة للزراعىاقتباس:
المشاركة الأصلية كتبت بواسطة AlmAhAtmA
فى مصيبة سودة اسمها الجرار الزراعى اللى دايما مبيمشوش غير بالليل وبتبقى المقطورة بتاعتة مصدية وسووووووووودة ومفيش حتى ولا حتة عاكس للضوء تمنها جنية
بتمثل خطر كبير جدا جدا على الطجرق الزراعية
دة غير العربيات الكارو وغير وغير وغير ..............
عمار يامصر
عادات غربية مستفزه :
-----
* واحد ماشى ما بين حارتين ولا هو مسك الحارة دى ولا دى ولا مدى لحد مكان يعدوا منه ولما تكلكسله يزعل أوى كأنك عايز تعدى من جوة أوضت النوم بتاعت ساعته
* واحد تانى ماشى و راك و إيده على الكلاكس و الطريق أمامك مقفول و هو شايف ده بقه بيكون يومه مطين و لما الطريق بيفتح مش بعديه و ممكن أقف كمان لحد ما يبطل و يحترم نفسه (بس ده طبعا بعد مشاورة ليه مره إن هاطير من فوق إللى قدامى ولا عربيتى بالأجنحة؟) بعدها لو مش بطل يستاهل إللى يجراله
* واحد تالت فاكر نفسه فتك و الطريق ماشى بالعافيه على الكوبرى أوى فى أى حته و صاحبنا ده كل ما يلمح خرم إبره عايز يتزنق فيه و يدخل قدامك بالدراع ده برده مش بدخله لأن الطريق و السواقه ليهم أصول عشان مش نقفل الطريق و فى الآخر نتفرج على بعض
* واحد تانى يجى من وراك بليل وضارب نور عالى أو فى وشك ترعشله تطفى نورك و تشاورله لو وراك مفيش فايده أنا وقفت مرتين مره واحد ورايا على الزراعى مرسيدس وقفت لأنى شاورتله مرتين و مفيش فايدة و نوره ضارب لفوق أول ما وقفت صاحبنا راح طافى النور و عرف إن الله حق واحد تانى كنت فى شارع جانبى ورا عباس العقاد واقف أمام بيت و أنا جاى فى وشه و ده ضارب العالى رعشت و قلبت و طفيت و كلكست و صاحبنا عامل عبيط و أنا بقه فى الحاجات دى بكون أرخم ما يكون مع الناس إللى مفيش عندها دم دى أبدا وقفت وش فى وش وضرتله عالى لقيت البيه خارج من شياكه يقولى فى إيه !!
قولتله أنا إللى فى إيه ؟ إنت ضارب العالى ليه ؟ طبعا عمل عبيط ومردش بجد بكون مش فاهم الناس دى عندها عقل فعلا ؟ ولا بيفكروا من أماكن تانية ؟ ومن ده كثير
* واحد تانى ماشى فى اليمين و فجأة و إنت بتعدى من شماله يحدف عليك !!! عشان إللى قدامه وقف أو هدى و دى بتتكرر كثير أوى و بتعمل حوادث
ده بزعق معاه وش و تخيلوا الردود ممكن تكون إيه ؟؟
إللى يقولك إللى قدامى وقف أعمل إيه أخبطه ؟ -- لأ يا روح ماما إخبطنى أنا - ما تقف إنت كمان ولا تخبطنى أنا وهو لأ - تخيل الرد بعد ردى ؟ يعنى أخبطه ؟ :evil: ده متخلف بمشى و أسيبه لأن مهما حاولت تفهمه هو حمار
واحد تانى يرد بآسف مشوفتكش بقوله حصل خير و خلى بالك من مراياتك بعد كده
لكن الردود الغبية بتخلى الواحد عايز ينزل يولع فيه
* مره سواق تاكسى أنا راجع من شغلى و فى طريق النصر بعد الحرب فى المهندسين و العبور من على أكتوبر و التحدى من أول طريق النصر فى الزحمه بعد عباس العقاد أخيرا هاوصل بيتنا و خلصت من الزحمه يجى سواق تاكسى يقف فجأه قدامى ينزل من غير ولا إحم ولا دستور قولت ماشى الصبر جميل نزل الست و ما أدراك واحده ست بتنزل و بتلم حاجاتها كأنها إتفاجأت إن هنا مكان النزول -الصبر من غير ولا كلاكس ولا غيره (مش بحب أستخدمه إلا فى الضرورة) - مشى وقف تانى أمام القسم يركب و أنا شمالى واقف الحارة إللى إحنا فيها هى السالكة و البيه موقفها صبرت عليه تانى قولت سيبه ياكل عيش رغم إنه غبى ومش بياخد جمب - مشى تانى و عند مدخل مكرم عبيد الميكروباصات قافلة اليمين و أنا عارف و البيه داخال معايا من الشمال و فجأة نمله شاورتله ضرب فرامل فى وسط الشارع عشان يشوفها رايحه فين أنا هنا بقه ...للصـــــبر حدود خلاص جبت آخرى أضرب كلاكس ....................... :evil: النرفزة التانية كنت راكب يومها 131 قبل ما أجيب الويرا إكتشفت إن الكلاكس مش شغال ....... بقيت هاتجنن أكثر أديله نوور ولا أحرق بنزين و ده ولا هنا أنا طبعا لما لقيت الكلاكس كده شيط أكثر و قمت راجع مريح ورا و عادل مرتين و زانق من حته بين ميكروباص بيتحرك و بين الحمار و هاتك يا زعيق و الحمار يقول إيه ؟؟؟؟؟؟؟؟؟؟ تخيلوا ؟؟؟؟؟؟ يقولى ما الناس كلها بتقف و هو قال الكلمة دى و بجد كنت خلاص هانزل أضربه ...قولتله و لو الناس بقر تبقى ثور زيهم ماتقف يا حمار على جمب ولا إشتريت الطريق و مشيت و بجد و أنا على أخرى من غباء ولا مبالاة الناس
* أكثر ما يغيظ هو الغباء و الإستغباء و اللامبالاة :arrow:
اقتباس:
المشاركة الأصلية كتبت بواسطة memo_hefnawy
السلام عليكم
بصراحة يا باشا إنت جيت على الجرح
كل اللى قلته دا أنا بعانى و قرفان منه .
للأسف يا باشا دى عادات و تقاليد الشعب المصرى فى السواقة و كل دا من الميكروباصات منهم لله علموا الشعب التناحة فى السواقة
تخيل يا باشا فى الخليج بيقولوا علينا فى السواقة أيه ؟
بيقواوا أن المصرى دا عايز يركب العربية و يدوس بنزين و خلاص مايعرفش حاجة تانية فيها (فاكر نفسه راكب الحمار عنده فى البلد)
راكب الحمار ......عندهم حق همه قالو حقيقه وليس بإدعاء للأسف
يعنى لو مش حقيقة كنا زعلنا لكن ده إللى حاصل و روح إتفرج الرخصه هناك بتطلع إزاى و إختبارات إيه و شوف بتطلع هنا إزاى و وسايط و كوسة و فلوس إيه (الرخصة يعنى حياة أرواح)
مابالك بسلوكيات السائق المعدومة فى مصر كلها الناس متبلده + بتتغابى + بتستهبل
el ragel da me7tag tarsees fe wedano:D :D :Dاقتباس:
المشاركة الأصلية كتبت بواسطة hazem_khidr
عندى عادة مهببه ونفسى ابطلها علشان حرقة دمى كل يوم، و هيه انى للأسف بسوق حسب الأصول و حسب قواعد المرور، و ربنا ما يوريكم اللى بعانى منه فى بلدنا دى، بس مش قادر اتغير لانى بعانى من حالة التزام شبه مرضية فى كل شىء من أول السواقه مرورا بالمواعيد و العادات و اللزمات و بدون نهاية، صدقونى من كتر ما بعانى و بحمل على اعصابى بانتهز اى اجازة طويلة و بسافر بره مصر و ما بتنقلش الا لما اكون انا اللى سايق.
يا عم حسام الإلتزام حلو و فى نفس الوقت محدش طالبك إنك تكون ذى بتوع الميكروباصات !!!!!!!
أنا مثلا ملتزم جدا و مش بحب أمشى مخالف ولو 50 متر ولو عملتها أحس إنى مخنوق من نفسى لأن الصح صح ولا يجزأ
بس فى الوقت نفسه مش معنى إنك ملتزم إنك يتزنق عليك و يتاخد مكانك أو أو لأ خالص فى فرق بين الإلتزام و الإستسلام
إلتزم بس مش تسيب حد يبلطج عليك أنا لو واحد زنق عليا سهوا و مش دارى أو قاصد بلطجة بقرص و أنا بحدف عليه سنه صغيرة تلاقيه لو نايم صحى و لو مبلطج يعرف إن على نفسه لكن مش بمشى أزنق على حد ولا أضايق حد بس مش أسيب حد يبلطج عليا
فيه فرق بين إنك تسيب حقك و إنك تاخد حقك و زيادة و إنك تاخد حقك و بس :arrow:
لو لاحظتم بعض سواقين التاكسى خصوصا الـ 1300 كل مدة زمنية ثابته تقريبا يدوس على الكلاكس من غير اى لازمة
من العادات المستفزة اوى اوى ان الواحد كدة يحط الننوس عينه ابنه ولا بنته على حجره وهو سايق وفى ساعات بيسيب لهم الدريكسيون.....
كلامك صحيح 100% ، الإلتزام حلو طبعا لكن بدون ما حد يبلطج عليك ، ربنا يرحمنا من سلوكيات سواقين التاكسى والميكروباص.اقتباس:
المشاركة الأصلية كتبت بواسطة memo_hefnawy
بصراحة يا جماعة لازم نحدد يعنى احنا فى اسكندرية فى الحد الادنى من اصول القيادة ، الناس مش ملايكة بس نقدر نقول فى جزء كبير بيبقى عامل بالاصول لكن العربيات اللى ملاكى القاهرة الكبرى بيقبى و لومؤاخذة و بلاش انا مش باجمع بس الاغلبية حتى انى بمجرد ماشوف ملاكى القاهرة اروح بعيد عنه :shock:
اخرها على الكورنيش و ماشين فى حالنا و كان واحد و الشلة 8) راكبين لانسر زرقا و وقف قدامه التاكسى يركيب استنا لحد ما قربت و انا على بعد حاولى 5 م راح كاسر على و قطع الطريق و انا يدوب وقفت العربية و الاطفال وقعوا فى الدواسة و الحمد لله ان الحزام كان مربوط فانا و المدام محصلش حاجة و طبعا جريت وراه و وقفته و الراجل اعتذر بس لو ورايه عربيات كانت لبست فى الشنطة و ده حصل مرة قبل كده واحد داخل ال U turn و فجأه اكتشف الغلطة و ببساطة و راح و بنفس السرعة و الهدوء كاسر عليه و المرة ديه كانت ورايا نيفا طبعا الفانوس و الشنطة راحوا و الباشا جرى و لحقته بعدها بنصف ساعة و عمل اهبل :twisted:
و معرفتش اضربوه و اعمل ايه لان الناس كانت مشفتش و الكل قالى خلاص عليك العوض :cry:
هههههههههههههههههاقتباس:
المشاركة الأصلية كتبت بواسطة NaderNabil
جامدة جدا ، والله كنت لسة هارد اقوله نفس الكلمة
طيب اسمعوا الحكايه ديه و قولوا رأيكم فيها ايه ........
العبد لله واقف في يوم حر في مدينه 6 اكتوبر مستني تك تك ييجي عشان يوصلني من من السوق الى مساكن الشباب - احفظوا المشوار كويس عشان هنستفيد منه بعد كده - و المشوار ده معروف ان هو بجنيه لأنه لا يتعدى 1 كيلو
المهم لما جه التكتك دار نص الحوار التالي :-
انا : فاضي يا أسطى
السواق :تحت امرك يا بيه
انا : مساكن الشباب (لاحظ اني راكب من السوق)
السواق : اتفضل يا بيه
( و بعد ما ركبت دار نص الحوار ده )
السواق : و الله الواحد زهق من الشغلانه ديه و عايز ابيع التكتك و اسنريح :!:
انا : ليه بس يا اسطى ؟ ان الله مع الصابرين استحمل عشان اكل عيشك
السواق : تصور يا باشا :arrow:
انا : اتصور ايه ؟ :?:
السواق : كان راكب معايا زبون من السوق لمساكن الشباب - لاحظ ان ده نفس المشوار بتاعي - و قال ايه مكنش عايز يدفع غير جنيه -اللي انا كنت ناوي ادفعهوله- يعني هي العربيه ماشيه بهواء ولا بميه :|
(انا طبعا ذهلت من السواق :shock: لأن الجنيه كتر على المشوار و معرفتش اقوله ايه بس ربنا هداني و رديت عليه بالاتي)
انا : معلش يا اسطى اصل زي ما فيه زباين بارده في سواقين معندهاش دم
السواق : ليه كفى الله الشر :?:
انا : تتصور يا اسطى مره كنت راكب مع سواق من السوق لمساكن الشباب و قال ايه عايز ياخد اكتر من جنيه و اتخانقنا و اخر ما شاف الظابط خد الجنيه على الجزمه :win:
-لاحظ ان الحكايه من وحي خيالي بس انا كنت عايز اوصله رساله - :twisted:
طبعا السواق بعد ما سمع الحكايه فضل ساكت لحد ما وصلنا و خد الجنيه من سكات :mrgreen:
ولا عزاء للمتعاملين مع المواصلات...........
والله يا جماعة كل اللى اتقال بيحصل ، انا عندى مشكلة الإلتزام و ده لأنى اتعلمت السواقة خارج مصر و لكن برغم مرور اكتر من 20 سنة لسه باعانى من السواقة هنا لأنى مش عارق ابقى قليل الذوق فى السواقة ، و احيب اضيف بعض العادات اللى بنشوفها مع اسفى:
* سواق التاكسى اللى عمال يقف وهو قدامك كل 1/4 متر علشان يلاقى زبون يوافق مزاج سعادته فى التوصيل و لما تطلع منه و تقف علشان واحدة معاها عيال بتعدى الشارع يدنه يضرب كلاكسات و يشوح بايديه و كان وقفتك دى ضيعت منه زبون العصر و الأوان اللى كان هايوكله الشهد :evil:
* السائق اللى يمينه فاضى و يفضل يحدف عليك شمال لحد ما توسعله او يخبط فيك و بعد كده يكمل تانى فى اليمين من غير ما تفهم هو قعد يحدف كده ليه؟ :roll:
* السواق الفتك الفهلوى اللى فاهم انه هو الذكى الوحيد فى الشارع و كل الباقى اغبياء ، و ييجى عند ملف زحمة و بدل ما ياخد دوره ورا العربيات اللى بتلف يروح طالع قدام و من عند الملف يكسر على الموجودين كلهم قال ايه علشان يلف قبلهم و طبعا كل الملف بيقف بالإضافة للحارة اللى قفلها من الشارع (الطوالى) ، و طبعا مستغرب الكل متضايق ليه من واحد اذكى منهم ، اصل دى هبة من الله بتحسدوه عليها ليه يا ناس يا وحشة :wink: !!!
* بلاش نظلم اللى بيدلدل ايده من الشباك سواء تاكسجى او سواق ملاكى ، الحكاية و ما فيها ان ده سواق حريص عارف اهمية ضغط الهواء فى اطارات العربية فا بيمد ايده علشان كل شوية يحسس يشوف الكاوتش منفوخ كويس ولا ريح حبتين :lol: !!!
* مرة على كوبرى اكتوبر كان امامى شيروكى و لما جيت اعدى منها قعدت تعوم يمين و شمال زى ما تكون بتفرمل على ارض عليها زيت ، و لكن الشيروكى مش بتفرمل ، دى ماشية ولكن بتعوم بشكل فظيع ، ربنا ستر و فرملت و قعدت اضرب نور و لكن مافيش فايدة فوقفت بايدى على الكلاكس ، و هنا اتعدلت الشيروكى و زجاج السائق اتفتح فطلعت جنبها بحذر لقيت واحدة فى قمة الثورة بتشوح لى بايدها و فيها الموبايل و بتقول " ايه الإزعاج ده ... مش عارفة اطلب نمرة الموبايل من الكلاكس بتاعك" :shock: !!!! بصراحة لو كنت رديت كان هايبقى رد فيه تجريح فمشيت و انا دمى محروق.
*فيه ناس مشاة دلوقت بتعدى الشارع بالطول و لما تزمر ممكن يمد او يجرى لكن مش بيوسع الطريق لك
*هواية تعدية الشارع من مطالع و منازل الكبارى ، و انت اللى راكب عربية يبقى انت اللى تاخد بالك و تتصرف ، انا شخصيا بافكر فى تركيب هلب زى السفن علشان لو حصل امامى كدة ارميه و اكلبش العربية فى الأرض فى الحال حرصا على سلامة العابرين للطريق
*اكيد كلكم اتعرضتم للموقف ده: جرب ابتدى اركن او لف العربية فى شارع ضيق و حتلاقى الناس اللى ماشية لازم تعدى من المكان اللى العربية رايحة فيه و كأنهم فى سباق مين يعدى الأول ، يعنى لو بترجع بضهرك الكل يجرى من وراء العربية و تلاقى قدام البوز فاضى ، تقول خلاص اعدل الوش دلوقتى ، فتلاقى الآية انعكست و الكل بيجرى علشان يعدى من قدام العربية و يسيبوا الضهر فاضى ، طبعا ده بيحصل مع الخبطة الرقيقة الظريفة بكف الأيد على الكبود او الشنطة اللى تسمع بلد ، ولا ادرى هلى الخبطة دى للتنبيه ولا ده سيم فى السباق يقول به انى عديت قبل اللوح السواق ما يقدر يظبط عربيته !!!
اسف للإطالة و لكن الموضوع فعلا شيق و تحياتى
من ضمن العادات السيئة الى بتضايقنى لما اكون داخل على اشارة واقف قبل الخط الابيض الخاص بعبور المشاة الاقى اللى يعدينى من اليمين والشمال ويقف عند اخر الاشارة ولما الاشارة بتفتح والباشا طبعا مش شايفها لانه واقف قدامها نضطر نضرب كلاكس عشان هوا يعرف انها فتحت ويتنيل على عينه يطلع وطبعا الاشارة مدتها اساسا 25 ثانية مثلا شوف انت بقة ضاع منهم كام فى الكلاكسات.
واحدة تانية : لما اقف فى اشارة الساعة 2بليل مثلا ويبقى ورايا واحد الاقى يقعد يرعشلى نور ويدينى كلاكسات وفى الاخر يرجع ويعدينى ويبصلى بقرف كدة, ببقى نفسى اجرى وراه وانط فى كرشه بس بمسك نفسى واقول لا حول ولا قوة الا بالله.
السلام عليكم
حكاية ماساوية
كنت ماشى على طريق اسكندرية الزراعى اليوم انا وزوجتى بجانبى وراينا عربية تعدينى بسرعة حوالى 110كم اوبل والسائق
مطلع يده من الشباك وسندها على الباب قلت لزوجتى انظرى الى التخلف ده مش ممكن يحصل فى اروبا ده واحد مش خايف
على نفسة المفروض يخاف على ارواح الناس اللى حوله لم يمر 3 دقائق الا وشاهدنا السيارة مدمرة على الرصيف 4 عربيات معاه
والناس اللى طالعة من السيارات لا حول لهم ولا قوة بصراحة تمنيت ان انزل من السيارة واطمئن ان هذا العابث مات وان لم يمت لامتة انا
والله يسترها معنا ومعاكو ويحفظنا من هؤلاء
أكتر حاجة بتخنقني دلوقتي هي الإكصدامات العمولة اللي الميكروباصات و التاكسيات بيعملوها - بتبقي صاج جامد أوي متفصل علي مقاس العربية و بيبقي بارز عن العربية في الجنب و زواياه حادة جداً و حامية و غالباً بيبقي مدهون إسود - أكيد طبعاً كلنا شوفنا الإكصدامات دي , بتبقي الخبطة منها أو حتي ترييحه علي السمكري بسرعة . حاجة أذي في أذي . اللي يغيظك بقي إن العربيات اللي بيركبوا فيها الصاج ده بتبقي ليها إكصدامات بتاعتها بتتباع و متوفره , زي الميكروباصات التويوتا . إيه حجته بقي إنه يجيب الإكصدام الفيبر !!!!!!! أنا رأيي إنه بيجيبه علشان لو واحد ريّح علي عربيته يتأذي ( يعني نظام تخربشني أعورك ) . اللي بيقتلني بقه إن العملية دخلت في العربيات الملاكي , في واحد كنت ح أنتحر منه خلاص , شايل الإكصدام النيكل و مفصل إكصدام شكله وحش جداً علي عربيته و داهنه أسود و عليه أثار جثث الرفارف و البويه بتاعت ضحاياه من العربيات التانيه , المفاجأه إن عربيته .... 128 :shock: :shock: :shock: !!! يعني كل حاجة عربيته متوفرة و نيكل و فيبر , يعني ملوش حجه في اللي عامله ده .
حاجة تانية برضو بتضايقني جداً , اللمبات الزرقا اللي بيسموها ليزر و بيركبوها الميكروباصات و التاكسيات علشان يبان بالليل أنه عربيه أجره , بيركبوا منها كام صف لمبات بيبقي عامل فرح في عربيته و منشنها في عين اللي قدامه أو اللي وره ( نفسي أعرف بيركبوا منها ورا لييييه ؟؟!!! ) اللمبات دي لمّا بتضرب في العين بتزغلل جامد , و كل ما حد يركب معايا بسأله اللمبات دي بتزغلله و للا لأ بيقوللي إنها بتزغلله جامد و بتدايقه أوي . هو مش المفروض المرور يمنع الحاجات دي ؟
اقتباس:
هو مش المفروض المرور يمنع الحاجات دي ؟
لا مؤاخذة هو فيه مرور فيمصر؟؟؟؟؟؟؟؟؟؟؟؟؟؟؟؟؟ :?: :?: :?: :?: :?: :?: :?: :!: :!:
[/quote]
لا مؤاخذة هو فيه مرور فيمصر؟؟؟؟؟؟؟؟؟؟؟؟؟؟؟؟؟ :?: :?: :?: :?: :?: :?: :?: :!: :!:[/quote]
أكيد فى مرور و كمان فى منتهى الكفأة و الهمة و النشاط و التنظيم وسهل جدا لو عاوز تتأكد من كلامى أمشى فى شارع فيكى يا مصر هتلاقى موكب V.I.P و تشوف بنفسك كفأة المرور. :x :x :x :x :x :x :x
معلش مع احترامي.. مسألة ان السواقة في اسكندرية بتختلف وان فيه جزء كبير بيسوق بالأصول وكذا دي مش دقيقة خالص.. حسب مشاهدتي الخاصة يعني.. يكن على الكورنيش الوضع بيختلف عشان الكورنيش معمول -حالياً- بهندسة طرق محترمة نوعاً ما وبيساعدك عى انك تسوق باحترام.. ده سواء كنت سكندري أو غير كده..اقتباس:
بصراحة يا جماعة لازم نحدد يعنى احنا فى اسكندرية فى الحد الادنى من اصول القيادة ، الناس مش ملايكة بس نقدر نقول فى جزء كبير بيبقى عامل بالاصول لكن العربيات اللى ملاكى القاهرة الكبرى بيقبى و لومؤاخذة و بلاش انا مش باجمع بس الاغلبية حتى انى بمجرد ماشوف ملاكى القاهرة اروح بعيد عنه Shocked
داخل البلد بأه وفي أي حتة.. سواقة معتمدة على البلطجة -زي أي حتة في مصر- وزي ما تقول قول.. خصوصاً لو اللي قدامك أو وراك أخد باله من نمر العربية.. انها قاهرة..
العادة الغريبة اللي كنت عايز اقولها مشهورة في الخليج حيث العربيات معظمها فتيس اوتوماتيك.. تلاقي الشباب اللطيف الظريف رافع رجله الشمال ومطلعها من شباك العربية.. أو في القليل النادر تلاقيه راكنها على جنب التابلوه شمال الدريكسيون.. :)
هوا انا ليا رأي في ال موضوع دا هوا استحاله حد هيعمل حاجه مش مريحاه علشان يبقى روش ف الي بيعمل كدا دا اكيد اريحلو و كل واحد حراقتباس:
.الشباب الجميل اللي مرجعين المسند والكرسي للاخر و فاكرين ان دي شطاره و يدوب لامسين الدركسيون و الدواسات بطراطيف صوابعهم مش عارف فيها ايه يعني لو قعد مضبوط حتي لو مش علشان ياخد باله من طريقه يبقي علشان يحاف علي استقامه ضهره(الوضع الصحيح للجلوس انك تكون علي شكل زاويه قايمه) بس تقول لمين الكلام دا !!!!!!
على فكره انا مختلف مع حضرتك علشان الناس الي بتسوق في ال خليج خاصتا الشباب حضرتك لما تتفرج عليهم تشوف قمه الاستهتار و عدم الاحساس بالمسؤليه وحضرتك لو عايز تتأكد شوف كميه الحوادث اليي عندهم اكتر من عندنا بكتييييييييييييييييييير مع ان هما هناك الشوارع زي الفل يعني مفيش حاجه اسمها عيب طريقاقتباس:
راكب الحمار ......عندهم حق همه قالو حقيقه وليس بإدعاء للأسف
يعنى لو مش حقيقة كنا زعلنا لكن ده إللى حاصل و روح إتفرج الرخصه هناك بتطلع إزاى و إختبارات إيه و شوف بتطلع هنا إزاى و وسايط و كوسة و فلوس إيه (الرخصة يعنى حياة أرواح)
مابالك بسلوكيات السائق المعدومة فى مصر كلها الناس متبلده + بتتغابى + بتستهبل
وبعد كل دا حضرتك تقولي هما بيسوقو احسن مننا او ان احنا مش بنفهم سواقه لا طبعا
وكلامي دا ميمنعش ان احنا عندنا عادات سيئه بس هما اكتر بكتيييييييييييييييير
واخيرا احب اقول لحضرتك ان التقرير الي عملتو السعوديه عن خسائر السيارات في اخر 10 سنين وصلت 10 مليار ريال
لو مريحه الوضع دا و شايف كويس ليه لما يجي يركن او يطلع من عربيه امامه لازم يقوم من النومه اللي نايمها علشان يبص يشوف العربيه حتخبط ولا لاء؟؟؟؟ لا يصح الا الصحيح تقدر تقولي لو صادفه موقف مفاجئ و عليه انه يلف الدركسيون فجاه و يضرب فرامل حيقدر ولا لاء؟؟ استحاله طبعااقتباس:
هوا انا ليا رأي في ال موضوع دا هوا استحاله حد هيعمل حاجه مش مريحاه علشان يبقى روش ف الي بيعمل كدا دا اكيد اريحلو و كل واحد حر
فعلا عن حضرتك حق و الدليل هات اي حد من الاخوه العرب او المصريين المتعلمين سواقه هناك و خليه يجي يسوق هنا كده مش حيعرف نهائي.بعكس لو اخدت سواق من مصر و عرفته التعليمات بس او اساسيات السواقه اللي المفروض يكون عارفها و ماشي عليها حتلاقيه بيسوق زي الفل :mrgreen:اقتباس:
على فكره انا مختلف مع حضرتك علشان الناس الي بتسوق في ال خليج خاصتا الشباب حضرتك لما تتفرج عليهم تشوف قمه الاستهتار و عدم الاحساس بالمسؤليه وحضرتك لو عايز تتأكد شوف كميه الحوادث اليي عندهم اكتر من عندنا بكتييييييييييييييييييير مع ان هما هناك الشوارع زي الفل يعني مفيش حاجه اسمها عيب طريق
وبعد كل دا حضرتك تقولي هما بيسوقو احسن مننا او ان احنا مش بنفهم سواقه لا طبعا
وكلامي دا ميمنعش ان احنا عندنا عادات سيئه بس هما اكتر بكتيييييييييييييييير
هوا لو مبالغ في انو يرجع الكرسي ماشي لكن ممكن يكون مقرب الكرسي علشان رجليه و مرجع الظهر علشان يكون الوضع اكثر راحه زي انا ما بعمل برجع الظهر بس بكون مالك الدركسيون كويس و بعدين ايه المانع ان الواحد في الزحمه يقرب شويه علشان يشوف الكبوت كويس عادي يعنياقتباس:
مريحه الوضع دا و شايف كويس ليه لما يجي يركن او يطلع من عربيه امامه لازم يقوم من النومه اللي نايمها علشان يبص يشوف العربيه حتخبط ولا لاء؟؟؟؟ لا يصح الا الصحيح تقدر تقولي لو صادفه موقف مفاجئ و عليه انه يلف الدركسيون فجاه و يضرب فرامل حيقدر ولا لاء؟؟ استحاله طبعا
[youtube]http://www.youtube.com/watch?v=KIAQifqS96M[/youtube]
على فكره الكليب دا اليي انا قصدتوا بالظبط هوا و حاجات تانيه بردو
شكرا icetak
ب والبنات التنحة اللي بتعدي الطريق كأنها طالعة من الشور علي اوضتها لو غلطت وضربت كلكس يا هتبصلك بصة استحقار ( ده كان زمان) دلوقتي ولا هتبصلك ماهي ماشية في طرقة بتهم
علي فكرة أول مرة حصل معايا الموقف ده قلت يمكن لا قدر الله مابتمعش بس كان المفروض تبص حوليها ده كان علشلت اخزي الشيطان ساعتها
وبعدين اكتشفت ان كلهم كده
لكن بنات المدارس عادي بيكملوا مساكة وحكايات سوسو اللي بتكلم من مراخيرها وبرضه يعوموا علي بعض بالشيبسي وممكن واحدة تضربها علي كتفها ترجع ثجري وراها طبعا كل ده من غير ما يبصوا شمال ولا يمين
ب والبنات التنحة اللي بتعدي الطريق كأنها طالعة من الشور علي اوضتها لو غلطت وضربت كلكس يا هتبصلك بصة استحقار ( ده كان زمان) دلوقتي ولا هتبصلك ماهي ماشية في طرقة بتهم
علي فكرة أول مرة حصل معايا الموقف ده قلت يمكن لا قدر الله مابتمعش بس كان المفروض تبص حوليها ده كان علشلت اخزي الشيطان ساعتها
وبعدين اكتشفت ان كلهم كده
لكن بنات المدارس عادي بيكملوا مساكة وحكايات سوسو اللي بتكلم من مراخيرها وبرضه يعوموا علي بعض بالشيبسي وممكن واحدة تضربها علي كتفها ترجع ثجري وراها طبعا كل ده من غير ما يبصوا شمال ولا يمين
حد فيكوا ركب مع سواق ميكروباص و ماشى فى شارع فاضى خالص و مفيش عربيات جنبه ولا قدامه
و تلاقيه ايد على الفتيس و ايده التانيه على الكلاكس و بيضرب الكلاكس بمعدل 60 كلاكس فى الدقيقه
قمه الأزعاج طبعآ بس طبعآ انا ماستخملتش اكتر من 10 ثوانى معاه و نزلت على طول
و اول لما نزلت من العربيه ضربلى كلاكس تحيه نزولى ( بتاع واجب برضه )
و بالنسبه للفئه اللى مرجعه الكرسى على أخره و تحس انه نايم على الكنبه اللى ورا
دى فعلآ يا جماعه بيبقوا ناس طويله بس مش قوى. عاديين يعنى
بس هو بيحب يأنتخ شويه و طريقه سواقته غريبه شويه
اولآ ماشى زى الطلقه و ماعرفش ازاى شايف قدامه من النومه بتاعته
ثانيآ ايده الشمال على الدريكسيون و كوعه اليمين مريحه على الكونسول الأوسط و لو مش عنده كونسول بيجيب مخده
و الناس دى ماعندهاش مشاكل بالمسبه للركن لأنى أعتقد انهم على طول مستعجلين فبيركن فى نص الطريق
بالنسبه للناس اللى بتعدى الشارع لو حد لاحظ مش هتلاقيهم بيعدوا فى خط مستقيم. بيعدى الشارع بالورب فبياخد وقت و مسافه لما يعدى الشارع و مايبصلكش أبدآ ( حقد طبقى )
سواق التاكسى اللى عمره مايقف علشان يعرف انت رايح فين بياخد كلامك على الطاير زى لعيب الكوره
اسوأ حاجه بتحصل عندنا ان سواق الميكروباص مابيقفش للمصريين. حتى لو فاضى . بيقف للأجانب بكل انواعهم حتى لو مش عايزيين يركبوا و حتى لو ماشيين عكس الطريق بتاع الميكروباص
تخيلوا ان فيه مره كان سائق الميكروباص الكريم كان عايز ينزل الركاب و انا كنت ضمنهم علشان هياخد اجانب يوصلهم فى طريق غير طريق الميكرباص العادى
مش ده اللى ضايقنى اكتر من السلبيه بتاعه الركاب ( كانوا هينزلوا والله ) مسالمين جدآ الشعب المصرى ده
و محدش نطق منهم غير لما ................. للسواق و التباع بتاعه
أخر حاجه عايز اضيفها انى ابتديت اكره السواقه فى القاهره مش علشان الزحام . بالعكس
لكن ياإما اركز على الطريق او اركز على البنات اللى لابسه محزق والذى منه :lol:
أنا بععمل كده و دي عادة بحاول أبطلها بس لا شعوريا بعملهااقتباس:
تلاقي الواحد ماشي و ساند علي الباب او مسند الباب و حاطط ايده علي دقنه او بقه ما تفهمش بيفكر في ايه و ايه المشكله اللي مخلياه كل ما يركب العربيه يفتكرها و يفضل مركز كده.
الناس دي ربنا يخدها هم بذات أسوء منهم مفيش و بيستفزوني جدااقتباس:
واحد ماشى ما بين حارتين ولا هو مسك الحارة دى ولا دى ولا مدى لحد مكان يعدوا منه ولما تكلكسله يزعل أوى كأنك عايز تعدى من جوة أوضت النوم بتاعت ساعته
أما بالنسبة للبيزمر من غير داعي ده أحسن حل لي فعلا أنت بتكشي على مهلك و خلي يتجنن و يشيط
لا حول و لا قوة إلا بالله على الفيديو ده تقريبا في نفق الشيخ مكتوم
المهم إن الطريق متعلم و في حارات و كمان فاضي و يجي الحمار و يحاول يعدي بين الاتنين والله الناس دي غبية و تبقى المصيبة لو العربية إلي تخبطت فيها أطفال لا حول ولا قوة إلا بالله
[youtube]http://www.youtube.com/watch?v=zewBkV42970[/youtube]
no comment
begad tahrig