كابلات السويدى

**Karim_Monir** · 23-05-2012 03:08 PM

وليد فرق النحاس طبعا بيعمل شغل وفرق جامد
انا مشتريات اجنبية في abb
السويدي واحد من موزعينا
اقدر اقولك انه من اكثر الشركات اللي بتحافظ على اسمها بشرط انك تجيب من مكان مضمون
والنحاس طبعا في درجات كتير قوي
معرفش حاجة عن الخصم لكن لما تشتري تشتري منهم او موزع معتمد ليهم ده هاتلاقي عنده الاصلي
ومحمد قاسم مكا يفيدك كتير :-)

**KarimAbulEla** · 23-05-2012 04:03 PM

المشاركة الأصلية كتبت بواسطة michohat

والله انا كنت عاوز اجيب كابلات شبكة من السويدي وكان فيه واحد اعرفه كان شغال فى احد شركات السويدي عن طريقة جبت العنوان ورحت لمكان تابع للسويدي جنب ميدان التحرير و جبت من هناك ومش سئلت علي الاسعار بره

تمام انا بعد ما اشتريت سألت و لقيت الاسعار برة ارخص و ده مخليانى حاسس انى اتنصب علياو خصوصا انى لسة حاشترى تانى

المشاركة الأصلية كتبت بواسطة maka

عائلة السويدى كبيرة و معظمهم شغال فى تصنيع المهمات الكهربائية اللى منها الاسلاك فبالتالى هتلاقى كذا منتج بنفس الاسم بجانب طبعا المضروب

ما هو لما سالت صاحب المحل اللى اشتريت منه قالى ان اللى بيبعه ده انتاج السويدى الاصلى و خامته تفرق عن المضروب اللى فى السوق

المشاركة الأصلية كتبت بواسطة walidadel

بص هانو انا شغال في الحاجات دي الكابلات عموما لاني عندي طلمبات اعماق فاكيد بتنزل بكابلات اقطار كبير عن بتاعة البيوت بس عموما ماينفعش يكون كابلات السويدي مضروبه لانها بتبقي عليها ختم بتاع هيئة الرقابه و كده و سعره اكيد اكيد اعلي من الكابلات العاديه اللي هيا معموله في شركات تانيه و من غير ختم هيئه الرقابه
و مافيش حاجه اسمها جودة النحاس و كده كله نحاس واحد بس الفكره بتبقي في كمية النحاس اللي جوه السلك نفسه يعني قطر السلك النحاس اللي جوه اد ايه
لان في شركات بتخم في وزن النحاس اللي في السلك فتلاقي الكابل مثلا تيجي تقشر و تبص علي النحاس اللي جوه تلاقي كام شعره و شكرا علي كده و اول ماتحط السلك تلاقيه يضرب منك لان النحاس اللي جوه مش مطابق للمواصفات و يتعبك في التوصيل و كده
عموما ده كلام تجار بيحلي البضاعه اللي عنده و خلاص و بيعتمد انك مش فاهم اوي و مش هاتفرق معاك الكلام ده لكن انا علشان بوصل الكابلات علي 380 و بيمشي فيها امبير عالي فلازم يكون بمواصفات معينه علشان مايسخنش و يضرب من الحمل والامبير العالي و سخونية الشمس عليه
حضرتك ممكن بالعين المجرده تشوف بنفسك الفرق و النحاس اللي جوه السلك اد ايه ... ارجوا اني اكون افدتك

عملت كدة فعلا و اكتشف ان جودة السلك نظيفة و ده مطمئن الحمدلله شكرا جزيلا

المشاركة الأصلية كتبت بواسطة الغزالى

لا بتضرب يا وليد .. فى ورش فى طريق باسوس القناطر .. متخصصه فى الحاجات دى ومنتاجتها مغرقه الدنيا وفرق السعر بيكون كبير بين ال 2 .. والخامات طبعا .. بتفرق فى عدد الشعرات الى جوه السلك والبلاسيتك الى عليه من بره ...

فعلا المضروب فى السوق كتير و لهذا السبب الاسعار فى السوق مختلفة

**KarimAbulEla** · 23-05-2012 05:03 PM

المشاركة الأصلية كتبت بواسطة sas5

السلام عليكم ورحمه الله
علشان اريحك يوجد نوعين من اسلاك السويدى الشعر
الاول بسعر وبه عدد 7 شعيرات نحاس
والثانى بسعر اعلى وبه عدد 12 شعره نحاس
على العموم انا ارفقت لك قائمه اسعار السويدى
وتتراوح الخصم على قائمه
الاسعار مابين 30 - 40% من سعر قائمه الاسعار

ربنا يفتح عليك اهو انا كنت بدور على القائمة ديه ، هل الاسعار ديه حديثة ، اهو انا الاسعار اللى انا اخدت بيها هى بالظبط تتوافق مع سعر القائمة ديه بعد خصم ال 30 %

بس فيها نوعين مكتوبين من الاسلاك فى القائمة المرفقة اللى هى 2 و 4 و 6 ملى الخ الخ حاجة اسمها نحاس و حاجة اسمها شعر ، هل هى ديه اللى 7 و ال 12 شعرة اللى بتقول عليهم

المشاركة الأصلية كتبت بواسطة a.saad

فيه محلات لشركة السويدى فى ش الالفى بجوار التامينات واخر ساعة
او اشترى من شركة الكابلات نفسها وممكن تسال لو ليهم معرض بيع فى المصنع فى مسطرد
الغش فى الكابلات كتير جدا

المشاركة الأصلية كتبت بواسطة mazagngi2010

ماتشوف شركه الكابلات المعتمده واسعارها زى السويدى وجوده جامده جدا
انزل من الدايرى نزله مسطرد وامشى على طول-الترعه على شمالك -هتلاقيها على يمينك واسال عنها اشهر من نار على علم
هتدخل خدمه العملا وتشوف الخامه وافضل اتنى فى السلك هتلاقيه مش هيقطم معاك على طول
من كلام واحد كهربائى صاحبى بيجيب من هناك على طول وبيشكر فى كابلاتهم جدا
وخليك فى المضمون بدل ما تلبس سويدى مضروب

غالبا لو فضلت تايه كدة فى السويدى ، حروح على الكابلات من المصنع مباشرة و شكرا على الوصف و الافادة

المشاركة الأصلية كتبت بواسطة ahmedhawas

1111111111111111111+
في كتير جداً مضروب ومتفرقهوش عن كابلات السويدي الأصلي
وللأسف الحتة اللي إسمها "الباسوس " هي السبب الرئيسي في الفوضى دي.
أنا مسكت قبل كده بكرتين 2 مللي (أصلي ومضروب) وأقدر أقولك إن التقليد وصل لمستوى عالي جدا.

ملقيتش غير فرق واحد (النحاس في السويدي الأصلي لونه محمر وفاتح وبيلمع أكتر وتحس إنه أطرى)
مقارنةً مع السويدي المضروب (لون خامة النحاس بني غامق ومبيلمعش وناشف )

يوجد منفذ بيع لكابلات السويدي تابع لشركتهم على طريق مصر-إسماعيلية الصحراوي (بعد العبور)
محدش يجيب من عنده .. لإن للأسف بيرفضوا تماماً يدونا خصم.
أحسن مكان أخدت منه خصم وحاجته أصلي (سواء كابلات سويدي أو خراطيم علاء الدين وبضاعتهم محترمة جداً) ..

"جبريل" في العتبة
"صموئيل" عند مزلقان عين شمس
وأعلى نسبة خصم ممكن تاخدها في طلبية كبيرة (38%)

فى ناس بتشكر فى جبريل فعلا مع انى مرحتلوش بس شكله اسعاره هى الافضل

اشكرك على التوضيح و الافادة

**sas5** · 23-05-2012 05:21 PM

المشاركة الأصلية كتبت بواسطة KarimAbulEla

ربنا يفتح عليك اهو انا كنت بدور على القائمة ديه ، هل الاسعار ديه حديثة ، اهو انا الاسعار اللى انا اخدت بيها هى بالظبط تتوافق مع سعر القائمة ديه بعد خصم ال 30 %

بس فيها نوعين مكتوبين من الاسلاك فى القائمة المرفقة اللى هى 2 و 4 و 6 ملى الخ الخ حاجة اسمها نحاس و حاجة اسمها شعر ، هل هى ديه اللى 7 و ال 12 شعرة اللى بتقول عليهم
نعم هذه هى قائمه اسعار 2012
النوع الذى به 7 شعرات سوف تجده تحت العمود الذى اسمه نحاس
والنوع الذى به 12 شعره سوف تجده تحت العمود الذى اسمه شعر
انا ليا سكه مع السويدى واخذت خصم جيد جدا من داخل الشركه
واشتريت بكرات اربعه وثلاثه واثنين مم 12 شعره وقبل الانتهاء من الكهرباء احتجت شراء بكره 2مم ووجدت السعر غريب فاكتشفت ان الذى اشتريته من السويدى 12 شعره يستخدم فى كهرباء السيارات وقليل جدا من يستخدمه فى المنازل.
وان الذى يباع فى السوق 7 شعره وهو كافى للكهرباء المنزليه

غالبا لو فضلت تايه كدة فى السويدى ، حروح على الكابلات من المصنع مباشرة و شكرا على الوصف و الافادة

فى ناس بتشكر فى جبريل فعلا مع انى مرحتلوش بس شكله اسعاره هى الافضل

اشكرك على التوضيح و الافادة