العفو يا باشا .. التنك 44 لتر بالضبط.
عرض للطباعة
ما شاء الله عليك ... يا راجل ده انت مربى العربيه :)
موضوع من افضل الموضوعات اللى فى المنتدى
طبعا انا كورسكى زيك ( زميل يعنى )
تحياتى والى الامام دائما
الله ينور عليك
بجد موضوع ممتاز جدا
الله ينور عليك وبجد انت جيبت كل العيوب الى فيها
انا لسا شاريها من كام شهر وماسورة المية فعلا اتشرخت بجد ما اشتريت العربية بشهر وفعلا فى صدا تحت كاوتش الزجاج
بس انا كنت عايز اغير الفوانيس الامامية واجيبها اسبور بس مش عارف بكام وفين؟؟
وانا العربية عاملة 130 الف وغيرت سير الدينمو والتأسيمة وشدادات وفلتر البنزين فا يريت تفدنى فى حاجه تانية ممكن اغيرها قبل ما تبوظ
وشكرا جدا على الموضوع الرائع ده
هل السيارة الاوبل كورسا سيدان بها فيشة اوكتين ام لا و اين مكانها
تسلم على التقرير الجامد والمفصل ...انا معايا 2003 بس اسمها شيفرولية بارينا
بس 1400 cc ... وعلى فكره في لمبة للحزام ...والنور لما الباب يفتح . ماعلينا
انا عندي مشكلة على السلاسنسيه العربية rbm بيعلق ويعلى قوي ويقل
ويعلى ...والعربية تتجنن ..ولما اجيب التاني يرجع طبيعي ..بس لو دوست دبرياج او مورت
يرجع التعليقه ياريت لو حد يعرف حل للمشكلة دي يا جماعه ..اسف على الازعاج
تقصد هولدن بارينا مش شيفروليه، لانها كانت بتنزل باسم شيفروليه كورسا
بالنسبة للمشكلة اللى عندك موجودة فى العربية عندى والحل زى ما كريم شرحلك، اما مكان الحساس فممكن مكانه يكون متغير عندك عشان الموتور مختلف.
كمان فى حل تانى انك تعمل وصلة ارضى للموتور والحل ده التوكيل هنا كان بيعمله ابتداء من 2006
ايوا شيفرولية بارينا يا باشا ... طيب ممكن لو حد يوريني مكانو فين في 1.6 ممكن يكون نفس المكان
استاز كريم حضرتك متأكد انى لو وضعت للسيارة كورسا 1600 بنزين 80 مش حيأثر على حاجات تانية و اتكلف كتير ياريت ترد على لانى بمشى كتير بالعربية حوالى 70 كيلو كل يوم جوة البلد
تسلم ايدك يا كريم بجد موضوع اكثر من رائع ومفلي العربيه بالبلدي انا معايا العربيه من سنتين تقريبا وعندي مشكلتين وعايز حل ليهم وياريت حد يقدر يفيدني
اول مشكله التكييف كل ما اعمله ويشتغل تلاجه يرجع تاني مش عارفله ومش فاهمله مع اني عامله في الشتاء وفضلت اجرب كل اسبوع زي الفل جيت حوالي رابع او خامس ابوع بجرب شكرا مافيش سقعه بس كله شغال .
تاني مشكله وهي ان كان عندي مشكله في كنترول الكهرباء تقريبا تلميس من الغسيل بالمياه المهم غيرت كنترول الكهرباء والمشكله دي بتعمل ايه كنت لما بقفل السنتر بالريموت العربيه تنور النور الصغير والتابلوه على طول لحد البطاريه ما باظت المهم غيرت كنترول الكهرباء الريموت ما اشتغلش علشان الشيب اللي عليها شفرة الريموت على الكنترول بتاع الكهرباء ياترى في حل ارجع المفتاح بريموت تاني زي الاول لان العربيه من غير ريموت وهي مش متعرفه شفره حاسس انها مش مظبوطه والكوالين تقيله وزرار الشنطه والسنتر يعتبر اتلغوا والسنتر يقفل على سرعه 30 برضه اتلغى عايز ارجع العربيه زي الاول الحل أيه افيدونا افادكم الله وطناني باشا برضوا لو عندك حل ياريت تفيدني متشكرا مقدماً
بالنسبة لمشكلة التكييف .. واضح ان عندك مشكلة تسريب فريون .. لازم تروح عند حد يكبس لك الدورة .. و أرشح لك ديافيا اللي في كوبري القبة.
أنا حصلت معايا و غيرت البلوف.
بالنسبة للكنترول .. تقريبا الكنترول اللي انت جبته مش بتاعها .. دي حلها تطلع على هاني العايدي في شارع المرسيدس في الحرفيين و تسأل على مليجي .. هو بتاع استيراد و هو هيقول لك تعمل ايه بالضبط .. و هيقول لك الكنترول ده ممكن يتبرمج ولا لازم تجيب واحد تاني .. و ممكن ياخد منك اللي معاك و يديك واحد تاني.
أولاً اسف على التأخير انا مش متابع نت اوي
ثانياً متشكر على ردك وزوقك
ثالثاً لو عنواين الناس دي يكون افضل واستأذن حضرتك في رقم تليفونك والفيس بوك بتاعك لو احتاجت حاجه لأني بدور على مالكي الكورسا من زمان ونفسي نعمل رابطه او كورسا لافرز علشان كده مش نافع وفرصه سعيده جداً وانا هتابع الموضوع الشيق ده وياريت خبرات وتجارب الناس ولو تعرف جروب او صفحه لأوبل كورسا برضه فيس تبلغني شاكر زوقك
كريم باشا ..
اولا شكرا جزيلا على الدكتوراه اللي انت عملتها في العربيه اللي اكتر من ممتازة
عندي لييك بعض الاستفسارات
ممكن اعرف ايه النوع المفضل اسطوانة الدبرياج و الديسك وايه رايك في ال Value الفرنساوي؟
و برده انا عندي ال Dead lock مش شغال ممكن يكون السبب اه مع ان كل الاوبشن الل في العربيه تعمل بكل كفاءه؟
و يا ريت لو تبعتلى اي وسيلة اتصال بيك على الخاص
شكرا مقدما
انا جاى لكم من قسم سكودا وبستفسر عن الكورسا اللى فى حدود من 45 ولغاية 50 هتبقى موديلات كام وللعلم انا قريت الموضوع من اوله لاخره وشكرا للاستاذ كريم على معلوماته وياريت تفيدنى فالموضوع ده لانى معايا فليشيا كومبى وعايز اغير لحاجة المانى ملقيتش فى الفئة السعرية دى غير الفابيا والكورسا
ها تبقى من موديل 2004 لموديل 2007
موضوع اكثر من رااائع...
جزااك الله خيرا...
موضوع رائع جداً، وانا شخصياً استفدت منه كتير .
انا بفكر أوبل كورسا موديل 2005 مانيوال
هي معروضة عليه ب 55 ألف جنية ، كنت عايز اعرف هوه كده مبالغ شوية في شعرها ولا لأ؟
وحالتها العامة كويسة
وفابريكة بره ومعظم الخوارج وعاملة تقريباً 90 ألف كم
أصحابي بيقولولي بلاش الكورسا علشان قطع غيارها غالية وبرده مش قوية خالص ، وهتتعبك كل شوية تصليح ؟
أرجوا النصيحة الأمينة علشان انا مش عارف اخد قرار ، اكمل واشتري الكورسا ولا اغير تفكيري في عربية تانية ؟
شكرا جداااااااااااا علي التقرير
ربنا يكرمك
السلام عليكم
اولا الموضوع اكثر من رائع
و كان عندى استفسار
ما هو الفرق بين ال gl و ال gls من حيث الكمليات و التفاصيل
و الف شكر مقدما حيث انى بفكر فى العربيه دى
و عليكم السلام و رحمة الله.
ال gl الجرايد اللي على الأبواب سوداء و الجرايد أرفع من ال gls و مافيهاش شاشة المعلومات هتلاقي التابلوه فيه حته كبيره فاضيه فى النص .. و زجاج و مرايات عادية .. من الاخر كل الحاجات الحلوة اللي في العربية متشاله منها.
و لو لقيتها بفرق بسيط عن ال gls .. هات ال gls على طول .. الا لو كانت بسعر منافس أوي.
بصراحة موضوع اكثر من رائع
بس انا كنت محتاج اعرف معدل الحرارة في الجو الحار ده بيوصل لحد فين ف العداد
موضوع ممتاز الصراحه شامل كل حاجه فى العربيه من مميزات وعيوب
السلام عليكم
شكرا جزيلا لك على هذا الموضوع الاكثر من رائع فعلا للاوبل كورسا. وفعلا كل المميزات وايضا العيوب اللى قلت عليها طلعت عندى بالضبط.
بس لى سؤال ياريت اى عضو معاه كورسا سيدان 1600 موديل 2006 او ماشابه يجاوب عليا:
مروحة الريداتير بتشغل امتى على السرعة الاولى ( عند اى درجة حرارة على الموشر) وامتى تنتقل للسرعة التانية ؟
وعلاقة سرعة مروحة الريداتير بمروحة التكييف الامامية وعلاقهتم بمؤشر الحرارة؟
وسؤال اخر معلش . اين يوجد حساس درجة الحرارة الخاريجة ( اللى موجودة فى التابلوه بجوار الساعة) واذا امكن وضع صورة لمكان الحساس
الرجاء الرد ضرورى وشكرا لكم
انا معايا موديل 2005 و عندي المروحتين بيشتغلو مع بعض لما المؤشر بيكون قبل النص بشويه و بيفصلو لما الموؤشر بيكون فوق الربع بشويه معلش عشان عداداتنا مافيهاش ارقام
بالنسبه لحساس حراره الجو هتلاقيه فينص الاكصدام ورا النمر. بيبان وانت فاتح الكبوت بس لازم تدخل براسك و ايدك عشان توصله. انا جبته من سنه من التوكيل ب 120 جنيه و بره التوكيل عملولي فيلم اني مش هلاقيه و ادفع و 10 ايام و يجيبوهولي و اغلي كمان
شكرا Shido على ردك
يا هيثم تحت امرك. و لو في حاجه اقدر اساعدك فيها ابعتلي
السلام عليكم ورحمة الله
انا لفيت كتير ودورت كتير ونظرا لعدم خبرتي برضه تعبت كتير وانا بدور علي عربية كويسة !!!مكنش فارق قوي النوع لغاية م اتفرجت امبارح علي كورسا 2003 سيدان حالتها حلوة فابريكة برة وجوة عدا الكبود ورفرفين، العفشة تمام كبس الموتور حلو بس فيها شوية شغل ......
وهنا انا محتاج المساعدة من وحوش الأوبل هقول لكم اللي فيها ويا ريت تفيدوني:
1-التكييف مش لاقط، عايز يتشحن(حسب كلامه)
2-العربية ع السلانسيه من غير م ادوس بنزين بتسقف وبعدين تبطل ولو دوست بنزين الرعشة بتختفي.. سألت احسن يكون اسطوانة الدبرياج قالولي لا غير البوجيهات واعمل السرفسة المعتادة وكلة هيبقي تمام.
3-فيها اوكرتين بيعلقوا شوية في الفتح.
4-زرار المرايات الكهربا بايظ.
العربية خلصناها ب 45000
لو الاستاذ كريم ممكن يساعدنا او اي حد فاهم انا عايز اعرف لو الحاجات دي عادية ولا تخوف وكمان ممكن تتلم بكام ؟؟ وهل السعر مناسب ولا زايد شوية؟ مع العلم ان العربية عجباني جدا وتعبت من كتر اللف والمصاريف ع الفاضي
ربنا يكرمك
انا جبت العربية اصلا بعد ما قريت الموضوع بتاعك
كنت محتار اجيب عربية مستعمله ايه في حدود ال 50 الف وتكون نضيفة
المشكلة الاساسية اللي قابلتني بعد ما اشتريتها ان الماية بتنقص جامد
وغيرت فيها الطنابير ومواسير دايرة التبريد
والحمدلله دلوقتي الي حد كبير الموضوع اتصلح مع انها لسه بتنقص حاجة بسيطة
المشكلة ان كنت بسمع صوت وانا في السرعات العالية غير الموتور
ولما رحت الميكانيكي قالي بلية العجلة الخلفية ولما غيرتها الصوت قل بس لسة موجود
هو قالي غير البلية بتاعة العجلة التانية
بس انا فلست فقلت شوية كده
بس عموما العربية بسم الله ما شاء الله كويسة جدا
تقرير ممتاز جداً
أنا معايا 2005 من خمس سنوات ماشية 208000 وغيرتلها طقم دبرياج أول مرة عند 152000 ومريحانى جداً، بس بقالها شوية بتاكل مياه وزيت، وديتها عند حسين البمبى فى المدينة الصناعية خلف الموقف الجديد في الإسكندرية، وسبتهاله 3 أيام، وكلمته النهارده قالى وش السلندر فى المخرطة علشان اتعوج، ربنا يستر بقى،
خالص تحياتى
انا ادامى واحده 2004 فيها شوية شغل سمكره وحالتها فوق المتوسط مع واحد صاحبي وبيتكلم فى 70 الف ومحتار اخدها ولا اشوف حاجه تانيه يريت تنصحونى بأيه ومين حد كويس فى اسكندريه فاهم فيها عشن يكشف عليها