الموضوع: تغيير طقم دبرياج بأوتو إيجبت في الضمان.. وشكر واجب للمهندس أحمد الرزاز

المشاركة الأصلية كتبت بواسطة sehsss

السلام عليكم ورحمة الله

طبعا أغلب الصقور قرأوا موضوع تغيير ضفيرة الكهرباء لعربيتي الصني مؤخرا في أوتو إيجبت، يومها كان عندي شكوى ذكرتها لمهندس الاستقبال وهي سماع صوت تصفير عند الطلوع على رصيف واطي أو عندما تغرز السيارة وإن العزم ساعتها بيبقى ضعيف شوية وكنت فاكر إن الصوت جاي من سير في الموتور، مهندس الاستقبال استدعى مهندس الضمان واللي شرحتله الصوت مرة أخرى وقاللي إن ده طقم دبرياج طبعا أنا اتضايقت لأن العربية عاملة 11 ألف كيلو ونصف تقريبا، وطبعا أنا عارف إن طقم الدبرياج من القطع الاستهلاكية اللي خارج الضمان شأنها شأن الطنابير وكل ما هو كاوتشوك فسألت على سعره طلع حوالي 1500 جنيه طبعا قلت يا واد طنش وسيبها لما تجيب آخرها، وخلصت الضفيرة ومن ساعتها كبرت دماغي، بعدها فوجئت بمهندس الاستقبال بيتصل بي يوم السبت ويبلغني إنه حجزلي يوم الثلاثاء لتغيير طقم الدبرياج في الضمان، طبعا أنا اتفاجئت جدا واستغربت وفعلا روحت النهاردة وتم اللازم وتغيير طقم الدبرياج بالكامل والعربية فعلا اختلفت..


الأهم من كل ده ومن العربية وكل حاجة مقابلة المهندس أحمد الرزاز مدير الصيانة واللي طبعا شرفت بمقابلته في مقابلات قسم نيسان الراجل ده غاااااااية في الذوق والاحترام وفعلا نتاج المقابلات دى ان بتعرفنا بشخصيات قمة فى الاحترام
اللى فهمته وعرفته منه ان ده good well لعملاء أوتو إيجيبت لأن طبعا بعمل صيانتي عندهم بقالي فترة وكمان إنهم اتحلموا جزء من تكلفتها ..

فأنا بتوجه ليه بالشكر للمرة الثانية وفعلا مش عارف أقول إيه لأوتو إيجبت غير "حقيقى ألف ألف شكر على اهتمامكم بعملائكم وبأعضاء قسم نيسان (نايل موتورز)
وطبعا كالعادة باشكر حبيبي أحمد مصطفى اللي فضل متابع معايا على طول وما سابنيش ولا لحظة على التليفون وكان ليه دور كبير في الموضوع

الله ينور عليك يا باشا ...
نفس الصوت ده بيحصل عندي وكنت افتكره من الزيت لما يقدم شوية ..... لكن اليومين دول بدأ يظهر تاني وبعنف مع ان الزيت لسه عامل 5000 كيلو من 10000 كم بس العربية عاملة 20000 لغاية دلوقتي ... وكنت كلمتهم في صيانة ال15000 في السبع وما عملوش معايا حاجة ....
مش عارف ايه رأيكم اتصل بأوتو ايجيبت ولا اعمل ايه

الف الف مبروووووووك لحضرتك :)
و تحية لمركز اوتو ايجيبت المحترم