تغيير طقم دبرياج بأوتو إيجبت في الضمان.. وشكر واجب للمهندس أحمد الرزاز

**Sehsss** · 25-05-2012 10:07 AM

المشاركة الأصلية كتبت بواسطة atefadel

مبروك يا سحس باشا وكفاية كدة

الله يبارك فيك، وفعلا انا شايف إنه كفاية ههههههه

**Sehsss** · 25-05-2012 10:09 AM

المشاركة الأصلية كتبت بواسطة goudamahdy

الله ينور عليك يا باشا ...
نفس الصوت ده بيحصل عندي وكنت افتكره من الزيت لما يقدم شوية ..... لكن اليومين دول بدأ يظهر تاني وبعنف مع ان الزيت لسه عامل 5000 كيلو من 10000 كم بس العربية عاملة 20000 لغاية دلوقتي ... وكنت كلمتهم في صيانة ال15000 في السبع وما عملوش معايا حاجة ....
مش عارف ايه رأيكم اتصل بأوتو ايجيبت ولا اعمل ايه

ربنا يخليك يا باشا، وفعلا الصوت ده كان مجنني والبركة في المهندس إسماعيل في أوتو إيجبت هو اللي قاللي جاي منين مع العلم إني أنا كنت فاكره من سير في الموتور

**Sehsss** · 25-05-2012 10:11 AM

المشاركة الأصلية كتبت بواسطة ahmed.tv

الف مبروك يامحمد .. والحمد لله انها اتحلت على خير
وانا معلمتش اى شئ .. اللى عمل ويستاهل الشكر والتقدير بامانة وبدون اى تحيز هو شركة او تو ايجيبت والقائمين عليها .. على تقديرهم المحترم لعملائهم .. وانهم يتحلموها .. مع انها من الحاجات الاستهلاكيه .. فده بيدل على انهم ناس قمة قمة فى الاحترام .. وبقدروا عملائهم جدا ..

وتحية وتقدير للمهندس الخلوق مدير الصيانة احمد الرزاز على اشرافه على الموضوع بنفسه وعلى سعة صدره وذوقه الغير الطبيعى مع كل العملاء

والف مليون مبروك يا حبى

ربنا يبارك فيك يا أبوحميد، وفعلا المهندس أحمد الرزاز تعب معايا جدا اليوم ده وكان بيخرج أكثر من مرة يتابع العربية بنفسه، والله أنا ما عارف أقول إيه تاني عن الراجل ده.. وبرضه ما انكرش تعبك معايا يا أحمد يا مصطفى

**Sehsss** · 25-05-2012 10:11 AM

المشاركة الأصلية كتبت بواسطة bently

الف الف مبروووووووك لحضرتك :)
و تحية لمركز اوتو ايجيبت المحترم

ربنا يبارك فيك يا باشا

**Sehsss** · 25-05-2012 10:13 AM

المشاركة الأصلية كتبت بواسطة peaceman

الف الف الف مبروك يا سحس الصيانة شركة اوتوايجيبت شركة محترمة جدا و فعلا شركة وبتحاول بكل الطرق انها ترضي عملائها حتى لو على حساب نفسها

و طبعا مش هنسي اشكر المهندس احمد الرزاز اللي فعلا انسان خلوق و محترم جدا و مقابلته تحسسك انك تعرفه من زمان وهو ده سر نجاحه ونجاح المركز كله .. التعامل الراقى

و طبعا يعني الواحد مهما قال علي .. احمد مصطفي مش هنوفيه حقه ابدا في محبته لكل اعضاء القسم فى ظل اللى هو فيه والضغوط اللى عليه فى الحياة ومش بينسى الاعضاء ومشاكل القسم وبيوصلها للمراكز دايما وبيتابعنا لغاية ما تتحل

الله يبارك فيك يا بيشو، ومش هاضيف أي حاجة على كلامك لأنك جبت من الأخر

**Sehsss** · 25-05-2012 10:14 AM

المشاركة الأصلية كتبت بواسطة y2y1500

1000 مبروك يا محمد .. على فكرة انت مرزق عشان عربيتك تغير ضفيرة وطقم دبرياج مرة واحدة .. عادة العربيات بتغير واحدة من الاتنين بس فى الضمان هههههههههههههههههه

هههههههه ربنا يبارك فيك يا يوسف، وفعلا أنا مرزق جدا، وربنا يستر مين عارف إيه اللي هايحصل تاني