الموضوع: للبيع شقة فى المنصورة تطل على النيل للجادين فقط

السلام عليكم و رحمة الله و بركاته

أنا من المنصورة و عارف المكان كويس أوى و المكان ده ممتاز فعلا, بس مش عارف أخبار الركنة هناك ايه لعربيات السكان و هل فيه جراج خاص بالعربيات و لا العربيات بتركن فى الشارع, أنا متهيألى, أنه فيه جراج تحت بنك فيصل, مش دى العمارة اللى فيها بنك فيصل الاسلامى؟؟؟

أخبار الدوشة ايه, أنت عارف طبعا أن المنطقة دى منطقة حية جدا, الحركة لا تهدأ فيها ليلا و نهارا.

أما بالنسبة للسعر, ف6000 جنيه, سعر ملائم جدا لأن اذا كانت الشقة فى امتداد شارع جيهان السادات بيتطلب فيها 4000 جنيه للمتر دلوقتى !!!!!!!

أسعار الشقق فى الأقاليم أعلى من القاهرة و اسكندرية, لأن مالهاش امتداد صحراوى حواليها, كل اللى محيط بيها أراضى زراعية.

رجاء تحط صور للشقة لو ممكن, أنت عارض شقة بمليون و ربع, فمن الأفضل أنك تحط صور للشقة و البلكونات و المنطقة.

موفق فى البيع ان شاء الله.

السلام عليكم و رحمة الله و بركاته

المنصورة بالنسبة للقاهرة مدينة متناهية الصغر, يعنى لو وقفت واحد فى نبروه -بلد جمب المنصورة- و قولتله, عارف مستشفى السلاب اللى فى المنصورة, هيقولك اللى عند جزيرة الورد ؟؟؟

فى القاهرة, فعلا, فيه أحياء كتييييييييييير, لكن المنصورة, هما كلهم حيين, حى شرق و حى غرب, يعنى حتى مفيش حى شمال و لا حى جنوب, أنا متهيألى أن فيه أحياء فى القاهرة أكبر من المنصورة بحالها.