الحمد لله استلمت الميجان النهارده شكرا نيل موتورز علي المشورة

**Ahmed Aly** · 15-06-2008 11:13 PM

الحمد لله استلمت الميجان 2008 النهاردة بفضل الله تعالي و بناء علي متابعي لهذا المنتدى المحترم لمدة سنة متواصلة
شكر كبير لكل من ساعدني على هذا الاختيار بطريقة مباشرة او غير مباشرة وعظيم تقديري للاستاذ شاركي

بالمناسبة يا شاركي باشا هما مجبوليش (شاهدة البيانات وقالوا انا اللي اجبها من مرور بين السرايات علشان كل الاوروبي لازم يطلع من هناك ويوجه الي المرور الخاص بمشتري السيارة ( هل هذا صحيح ) هم صحيح عرضوا اني اسيب لهم الورق وهما يعملوه(مجملة من السيد البيياع) بس قلولي انت هتعملو اسرع احنا ادمنا اسبوع عشان العدد

المهم انا هعملوكو موضوع كويس باذن الله بس لما ارخص وافوق

انا باذن الله امنت عند المجموعة العربية للتامين Amig

احمد علي

**aif** · 15-06-2008 11:21 PM

الف مبروك يا استاذ احمد
ربنا يعطيك خيرها ويكفيك شرها ويملاهالك بركة
شهادة البيانات حصل معايا نفس الشيء
روح المرور الصبح بدري ومش لازم العربية تكون معاك ... المترو اسهل كتير ... محطة البحوث
الصبح بدري الدنيا بتبقي فاضية جدا ... خد معاك المبايعة وصورة اذن الافراج اللي سلموهالك و بطاقتك

**Ahmed Aly** · 15-06-2008 11:29 PM

شكرا يا شاركي باشا علي سرعة ردرودك انت والاستاذ Aif

ربنا يسهل وتكون عملية سهلة اصلي بتخنئ من التعامل مع موظفين الحكومة خاصة في الحر اللي احنا فيه ده ومش عارف هل اديهم الجواب بتاع رينو المعادي و هما بيدبسولي فيه شهادة البيانات للمرور اللي انا تبعه بيتهيئلي مفروض متخدشي وقت اصلي شكل العضو المنتدب بتاع الشركة هيطرقعلي لو مروحتش بكره

**معاذ الشرباصى** · 15-06-2008 11:31 PM

الف مبروك

ربنا يبارك لك فيها و يحفظها لك من كل سوء

عربية اكتر من ممتازة فعلا

بس غريبة جدا انهم مش بيخلصوا الورق

انا فى دايهاتسو, هما اللى عملوا الورق, و استلمته بعد 24 ساعة

----------------------------------------

انت قابلت مين فى فرع المعادى؟

**Sharky** · 15-06-2008 11:33 PM

إن شاء الله ما تخدش وقت
حاول تروح الصبح بدرى و إن شاء الله تخلص بسرعة و تبدأ تستمتع بالعربية

**aif** · 15-06-2008 11:34 PM

المشاركة الأصلية كتبت بواسطة Ahmed Aly

شكرا يا شاركي باشا علي سرعة ردرودك انت والاستاذ Aif

ربنا يسهل وتكون عملية سهلة اصلي بتخنئ من التعامل مع موظفين الحكومة خاصة في الحر اللي احنا فيه ده ومش عارف هل اديهم الجواب بتاع رينو المعادي و هما بيدبسولي فيه شهادة البيانات للمرور اللي انا تبعه بيتهيئلي مفروض متخدشي وقت اصلي شكل العضو المنتدب بتاع الشركة هيطرقعلي لو مروحتش بكره

صورة اذن الافراج وصور المبايعات اللي اعطوهالك ... مع وجود اصل المبايعات ... وبطاقتك ... و 5 جنية رسوم ... و5 جنية اكراميات للراجل العجوز اللي هناك .... الموضوع كلة نص ساعة باذن الله بس روح بدري الساعة 8 ونص او 9 فبل الناس ما تصحي
مبروك مرة اخري

**Abo_Lina** · 16-06-2008 12:13 AM

Alf mabrook
great choice

**Ramy_Tantawi** · 16-06-2008 12:31 AM

ألف مبروك يا استاذ احمد وربنا يبارك لحضرتك فيها ان شاء الله ويكفيك شرها وفي انتظار تقييمك الكامل والوافي وانطباعك عن العربيه ان شاء الله .

بالنسبه للورق بتاع المرور انا خيروني وقت ما استلمت العربيه انهم يخلصوا الورق ولا أخلص انا بس كان يومها اربعاء وكنت هتأخر كده ليوم الاحد او الاتنين فا قلت اجازف انا واعمل الورق بنفسي بدون مندوب الشركه والكلام ده كله وبالفعل طلعت الخميس الصبح بدري 8 الصبح كنت متحرك والحمد لله وصلت لمرور بين السرايات والموضوع مأخدش اكتر من نص ساعه الحمد لله حضرتك هتطلع الدور التاني في المرور هتلاقي شبابيك كتير الناس هاتدلك على الشباك هاتسلم الجواب اللي مع حضرتك وهو هايدور في دفتر كبير كده على صورة الافراج الجمركي والكلام ده كله وهايدي حضرتك على ما أذكر ورقه كده ملونه فيها بيانات العربيه ان شاء الله وخلاص تطلع بالسلامه بعدها على مرور حضرتك وان شاء الله تمشي في اجراءات الترخيص العاديه ان شاء الله وربنا يوفقك .

الموضوع: الحمد لله استلمت الميجان النهارده شكرا نيل موتورز علي المشورة

LinkBack

أدوات الموضوع

عرض

-

-

-

-

-

المواضيع المتشابهه

الحمد لله استلمت اللوجان ورخصت .. تقييم صغير + شكرا رينو+ شكرا داتشيا

الحمد لله استلمت ار بي النهارده

الحمد لله - استلمت السيراتو النهارده - شكر لكل نايل موتورز

الحمد لله استلمت الفلوانس النهارده

الحمد لله استلمت لوجانتى النهارده

الكلمات الدلالية لهذا الموضوع

المفضلات

المفضلات

ضوابط المشاركة