سمكرى لماروتى

**maruty** · 23-05-2012 01:49 PM

السلام عليكم ورحمة الله
ياجماعة انا بعد ما زهقت وطلع عينى فى الماروتى قلت انقلكم تجربتى
العربية ما شاء الله كانت ماشية تمام جت مرة واحدة ووقفت منى المفروض كان يتغيرلها بطارية المهم وقعت فى ايد ميكانيكى ابن حلال قوى غيرلى كل حاجة فى العربية مع العلم ان حاجاتها كلها فبريكة مش مشكلة الحمد لله وربنا يسامحة
بس للأسف العربية مش زى الاول انا غيرتلها كوندنسر وابلاتين وبطارية وبوجيهات كل دة عشان عيب بطارية الراجل الله يسامحة اشتغلنى واخد كل حاجتها الفبريكة المهم العربية بحسها بتنتش ولازم اديلها بنزين جامد عشان تاخد النقلة واستهلاك البنزين عالى المهم وديتها لميكانيكى تانى قالى هرشلك الكاربيراتير بااسبراى امريكى هينضف الكاربيراتير بدل حلةّ
بس المشكلة دلوقتى ان العربية اتحسنت شوية بس مش اوى وكمان العجلة اللى قدام يمين مأخرة 1 سم على حسب كلام بتوع ظبط الزوايا فى البنزينة وعايزة زرجينة وشغل سمكرة
فلو حد يعرف سمكرى كويس لماروتى وميكانيكى بالمرة يبقى ربنا يكرمكوا عشان انا استويت خلاص

**bondok20002002** · 23-05-2012 03:03 PM

انا عندي سمكري كويس وميكانيكي كويس ف الحلمية الجديدة قرب السيدة زينب الميكانيكي والسمكري في طريق الخيالة

**alking_2006** · 24-05-2012 12:02 PM

انا اعرف ميكانيكى كويس فى شبرا لو حابب

و بالنسبة للكاربراتير و عن تجربة متنظفوش عند ميكانيكى روح لورشة كاربراتير متخصص و نظفه و اوعى تروح لمركز الصفا

**maruty** · 24-05-2012 04:38 PM

المشاركة الأصلية كتبت بواسطة alking_2006

انا اعرف ميكانيكى كويس فى شبرا لو حابب

و بالنسبة للكاربراتير و عن تجربة متنظفوش عند ميكانيكى روح لورشة كاربراتير متخصص و نظفه و اوعى تروح لمركز الصفا

شكرا لحضرتك بس العربية اتحسنت كتير بعد تنضيف الكربيراتير بس الموتور بيترج جامد اوى تفتكر حضرتك يكون الكربيراتير لسة متنضفش كويس ؟؟؟؟

**bondok20002002** · 24-05-2012 05:22 PM

هو الماتور بيترج فى الطلعة ولا وإنت واقف

**alking_2006** · 24-05-2012 07:01 PM

المشاركة الأصلية كتبت بواسطة maruty

شكرا لحضرتك بس العربية اتحسنت كتير بعد تنضيف الكربيراتير بس الموتور بيترج جامد اوى تفتكر حضرتك يكون الكربيراتير لسة متنضفش كويس ؟؟؟؟

انا كان الماتور بيترج جامد منى فى الطلعه و كان عيب كاربراتير عايز يتنظف فأنتا قولنا بيترج امتى بالظبط و الرجه عامله ازاى

يعنى انا الرجه كانت انى اخد الغيار احس ان العربية اخدت الغيار و بعد كدا يروح و يبقى اكنها هتقف و فجأة الاقيها نطت و نتشت و طالعه امريكانى

و اتفضل شوف التقرير بتاعى بالتفصيل
http://www.nilemotors.net/Nile/288669-a.html