الموضوع: بخصوص دايو نوبيرا ؟

السلام عليكم

تعتبر دى اول مشاركه ليه فى هذا المنتدى , و بصراحه انا محتاج نصيحتكم

محتاج حد يقولى المفيد .

الموضوع و ما فيه انى بقالى فتره عايز اشترى فيه عربيه المهم نزلت سوق السيارات اليوم

قولت هيكون هادى شويه عن يوم الجمعه و شدتنى عربيه دايو نوبيرا 2001

باور , تاكييف , 4 زجاج كهرباء , اوتوماتيك 1600 سى سى فبريكه برا جوه

كان طالب فيها 52 الف المهم اتكلمنا لحد ما وصلت ل 49,5 الف اوكى اوكى

قولت بقه اروح ارفع العربيه علشان اطمن اكثر بصراحه العربيه مفهاش اى حجه

فى اسسياتها الشاسيه فل الفل و المطور عامل 72 % كل ما فيها حبه مشاكل بسيطه فى الكبالن و قواعد المطور و جلده علبه الديريكسيون

المهم مطولس عليكم روحت اتكلمت مع الراجل تانى و قولتلو العربيه عايزه مصاريف كتيره نزلناها لحد 48 الف للعلم صاحب العربيه مش تاجر

المفروض بكرا اروح اكتب العقد و اسجل العربيه متباعه ب3 توكيلات

السؤال الاهم فى ناس خوفونى من فيتيس النوبيرا ! انا حته معرفش قطع الغيار عامله كام غاليه ولا كويسه

يا ريت حد بيفهم يرد عليا و يقولى ايه رائيو فى العربيه دى

العربيه اوتوماتك و على فكره انا لاحظت ان عداد الكيلومتر مفصول مش شغال