الموضوع: عايز اغير عفشة للكريستالة 98 ومحتاج رايكم

تحديث للموضوع لمن كان مهتم بالنتيجة النهائية
توصلت ان افضل انواع بالسوق هم نوعين kyb و مونرو
kyb سعره 800 جنيه امامي عبارة عن زيت وهواء ويجمع بين الثبات ونعومة العفشة
مونرو 1000 جنيه تقريبا امامي وهو هواء فقط ويمتاز بالثبات العالي لانه مساعد رياضي اصلا
لكن ده على حساب نعومة العفشة وامتصاص الصدمات وطبعا بيبقى عمره اطول
في انواع تانية بالسوق كالالماني ب550 جنيه ومساعد صيني AMA 350 جنيه
لكن الصنايعي خوفني منهم وقالي بيحجروا وحاجات كده
لكن مقدرش ااقول انه سيئين عن تجربة
وشئ اخير اللي اخترته بالنهاية kyb وتم تركيبه وغير راضي عن اداءه بشكل كبير
اما عن طول عمر المساعد فمعرفش لسه لكن معتقدش انه هيعمر كتير

المشاركة الأصلية كتبت بواسطة minded

احنا كلنا يا شباب مش عجبنا ال kyp وهو مضروب الان بالسوق المصري ومع ذلك الي بيشتري بيشتري بردوا ال kyp
طيب ما دام هنركب جديد نجرب حاجة تانية ممكن تكون افضل ؟

لانه افضل حاجه بالسوق وبكل اسف
بعد التركيب هو بيقضي الغرض طبعا وبيحقق توازن العربية وناعم شوية بالمطبات
لكن مش بالنتيجة المرضية يعني لو المطب اللي بيبقى بروز حديد بالشارع ده العربية بترزع معايا
في نوع تاني اسمه مونرو ده نوع محترم بس ده مساعد رياضي مضمون بس غاز
يعني مش ناعم على الطريق في ناس بتقول ان لو اتركب كاوتش محترم بيديلك نتيجة ممتازة
لكن انواع تانية انا ملقتش كله بعد كده زبالة ماعدا نوع اسمه كاتيكو في ناس جربته وبتقول
انه ياباني لكن معرفش النتيجة كانت معاهم ايه
وعلى فكرة الkyb اللي جبته مش مضروب ولا حاجه ده اصلي وجايبه من واحد بيجيب من الشركة مباشرة
يعني اصلي طبعا بس تعبان برضه

المشاركة الأصلية كتبت بواسطة mohammedabdallh

يعنى kyb معجبكشى
امال الواحد يجيب ايه
الاستيراد الواحد ميقدرشى يثق فيه

في نوع تاني اسمه كاتيكو اسال عليه حد جابه وشوف رأيه
لاما تجيب استيراد انا شايف ده افضل حل
بس شوفلك صنايعي ثقة يجيبلك حاجه كويسة
مفيش احسن من الاستيراد لاي حاجه بالعربية

المشاركة الأصلية كتبت بواسطة mohammedabdallh

ما المشكله فى الاستيراد كتير بيطلع مضروب
ولو طلع حلو مش بيعمر
كبيره شهرين تلاته

هو الصنايعي قال هتروح انت هيضحك عليك ومش هتعرف تشتري حاجه
لازم واحد صنايعي فاهم يشتري الحاجه
لان قلة الضمير بقيت منتشرة دلوقت بشكل يجيبلك ذهووول

المشاركة الأصلية كتبت بواسطة FunnyMickey

Kyb اللي في السوق مش اصلي المساعد في التوكيل الواحد ب1000 جنيه وشويه ومختلف عن اللي بيتباع في السوق
وانا اشتريته بردو من رمزي جرجس والمره التانيه اشتريته من الشركه الهندسيه
والمرتين ضربوا
العيب في الطرق يافندم

فيه عضو معانا اسمه ابو حمزه
هنا اشتري مساعدين تاكيكو
ودي ياباني بس نادره شويه
موجوده عند المنير في فيصل

بس اعتقد انها افضل من الkyb
الاستيراد زفت لانها مخلوعه من عربيات مصري ياريتها مستورده
تلاقي المساعد طالع عين اهله وقليل اما تلاقي بياع محترم بيبيع حاجه عدله

والمونرو مفيش حد فينا جربها اصلا
بيقولوا ناشفه بس مش عن تجربه
كلام بس

وهيا اغلي من kyb

المونرو بعض الناس فاهمة انه مساعد ناشف لا هو مساعد رياضي
وهو بيبقى هواء بس وده بيحقق اعلى توزان للعربية على السرعات العالية
وده على حساب امتصاص الصدمات عشان كده بيبقى ناشف
موضوع الkyb انا راضي انه يضرب بعد سنه بس يشتغل عدل من الاول
لكن ده اداءه متواضع جدا وده لانه هواء وزيت
وموضوع اصلي او مش اصلي مش فرقة خالص كلهم زفت للاسف
المساعد توكيكو مش عارف لسه الناس اللي جبته بتقول كويس وياباني
شكلي هجربه المره اللي جايه