الألنترا تمنع الامن المركزي من نجدة شفيق أثناء ضربه اليوم

**Samir Elshahawy** · 23-05-2012 09:24 PM

كنت شاهد عيان علي ضرب شفيق اليوم ..

... بالصدفة كنت رايح أعاين اللجنة الانتخابية اللي زوجتي المفروض هاتروحها و شاءت الاقدار أني أتلخبط و بدل ما أروح لجنة سيزا نبراوي وصلت لمدرسة فاطمة عنان و هناك وجدت زحام هائل و سيارات قافلة الشارع فقررت أني ألتف من شارع أخر جانبي شوفته علي الجي بي اس
و أنا داخل الشارع لقيت علي أوله عدد كبير من عربيات القوات الخاصة , لما دخلت الشارع كان ورايا عدد أخر من السيارات و ...اول ماوصلت لنهاية الشارع و أقتربت من المدرسة اذا بي اشاهد هرج و مرج و ناس بتجري في أتجاهي و شكلهم بلطجية فتراجعت علي الفور للخلف لدرجة أني كنت سأصطدم بالسيارة التي خلفي لكن فجأة سمعت أصوات الناس تصيح و تهلل "شفيق شفيق" و فجأة ...
شاهدت سيارة سوداء تمر من أمامي بسرعة و الناس تلاحقها و تحيط بها و تقذفها بالزجاجات و الطوب و كاميرات التليفزيون و الفيديو تلاحق المشهد

ألذ مافي الموضوع أن الامن المركزي لم يستطع دخول الشارع لأني و السيارات التي خلفي كنا قد أغلقناه فوقع الفشيق في مصيدة و أنهال الناس علي سيارته ضربا و سبابا و هو يفر هاربا مرعوبا
و بذلك ساهمت أنا و سيارتي الألنترا بدون قصد في حصار شفيق و أنفراد الشباب به حتي وصلوا لسيارته للمرة الثانية

بصراحة فضلت واقف و أنا مش مصدق المنظر اللي شوفته
فشيق أتفشق يارجااااااالة

**mahmoud_afifi** · 23-05-2012 09:34 PM

على فكره حضرتك تقصد مدرسة عنان الاعداديه دي غير مدرسة فاطمه عنان.
ودي كانت المدرسه الي انا انتخبت فيها النهارده ومشيت قبل ما شفشق يجي بدقائق قليله جداااا.
رجالة التجمع الخامس عملوا معاه الصحححح

يلا الحمدلله اني مشيت قبل ما يجي عشان ماروّحش البيت حافي :))

وشكرا على انك ساعدت الرجاله في الواجب. اختفي بقى احسن رجالة شفيق يجيبوك هههههههه

**BUNSH** · 23-05-2012 09:43 PM

يابشمهندس سمير تبقى فى قلب الحدث ومفيش ولا صورة ولا فيديو حتى !! وحمدلله على سلامتك .
وربنا يستر وميجوش فى الاخر ويقولوا الشعب قال كلمتة واختار شففق

**Samir Elshahawy** · 23-05-2012 10:00 PM

المشاركة الأصلية كتبت بواسطة bunsh_fox

يابشمهندس سمير تبقى فى قلب الحدث ومفيش ولا صورة ولا فيديو حتى !! وحمدلله على سلامتك .

وربنا يستر وميجوش فى الاخر ويقولوا الشعب قال كلمتة واختار شففق

للاسف الموضوع حصل بسرعة رهيبة و كمان لم أكن مستعد
ده غير أني خوفت علي العربية لني كنت أول عربية في الصف