الموضوع: و في السفر سبع فوائد

عزمت علي السفر يوم الاحد الماضي لاحضار زوجة اخي و اولاده قادمين من السعودية الي مطار القاهرة بدلا من مطار النزهة لظروف الحجز
- فقلت استغل الفرصة و اديها زيارة لمعرض اوتوماك اشوف الدنيا ماشية ازاي فعملت حسابي اني اغادر اسكندرية مبكرا قليلا حيث انني كنت اعتقد ان ساعتين او ثلاثة كتير علي المعرض اللي حخلصه كله في ساعة ولا ساعة ونص بالكتير
المهم الطيارة كان موعد وصولها الساعة 5 فأكنت في المعرض الساعة 2 ظهرا و بصراحة استمتعت متعة شديدة قوي مع العلم اني كنت مسافر لوحدي لاني كنت مرتبط بمواعيد خاصة بالعمل انهيتها سريعا ووصلت ارض المعارض الساعة 2
- فوجئت بمستوي الاسعار في المعرض فالاول رة في مصر الواحد يفاجيء لانخفاض الاسعار لقيت عند علياء لفرش السيارات عرض علي الفواحات بسعر رهيب لدرجة اني شكيت في الجودة فقايست و جبت 12 فواحة ب 20 جنيه ..تخيلوا و كمان جامدة قوي و الواحدة بتقعد ريحتها في العربية اسبوع كامل برائحة جميلة جدا و ايضا معطرات التكييف عند سبير كار تخيلوا الواحد بخمسة جنيه فقط و كمان عليه واحد هدية
اما بقي جناح شركة سونكس الالمانية للعناية بالسيارات اللي كان رهيب فكان فيه اشكال و الوان من الشامبوهات و ملمعات الميتالك و البوليش و الكومباوند و الاسفنجة الخطيرة ذات الوجهين واحد ناعم و الاخر خشن عشان لو فيه اوساخ خشنة علي صاج العربية و النتايج مذهلة و العربية صاجها بقي بيبرق تاني بالرغم من اني كنت بستخدم نوع شامبو انجليزي كان موجود في كارفور الا ان النوع بتاع سونكس ده موفر جدا لان تركيزه عالي جدا و شركة سونكس لسه جديدة في مصر بالرغم من شهرتها في الخليج و ناس محترمين قوي تخيلوا اتصلوا بي بعد كام يوم عشان يسألوني الحاجات اللي اشترتها عاملة ايه معايا و لو مش عاجباني هما علي اتم استعداد انهم يرجعولي فلوسي تاني
- قطع الغيار في المعرض عايزة تاجر جملة يعبي و يشيل و حلال عليه المكسب الكبير لاني تناقشت مع الصينين و التراكوة في الموضوع ده و لقيت فروق اسعار رهيبة بينهم و بين السوق بس الشرط الوحيد انك تشتري جملة و الحد الادني 500 قطعة من كل نوع
انا كل ده و لسه ما دخلتش صالة العربيات و فوجئت لقيت الساعة خمسة الا ربع ....يا خبر ابيض ده فاضل ربع ساعة بس علي ميعاد طيارة عيال اخوي فقلت يا فكيك ووعدت معرض اتوماك اني ان شاء الله مش حفوت اي دورة ليه ابدا
ووصلت المطار و يدوب لقيت عيال اخوي طالعين من الصالة و لقيت معاهم بسم الله ما شاء الله خمس شنط من الحجم العائلي و عيال اخوي و امهم و شقيق زوجة اخي قعدنا نرتب في الشنط و رصيت العيال في العربية و قولت ربنا يستر علي العربية و طلعت من الدائري علي المحور علي الصحراوي عدل و الحمد لله ماشي بالعربية و لا حاسس اني شايل حاجة خالص و الله العظيم فبالفعل اللانسر دي عربية عظيمة جدا لان حتي العربية مكانش باين عليها الحمولة دي يعني لما نزلت عند محطة امارات مصر اللي عند كارفور عشان امون و اجيب شيكولاتات و عصاير للولاد و لي طبعا لاني في السفر ببقي زي العيال بالظبط و كنت ماشي علي 150 و مش حاسس بأي مشكلة خالص و ده كان اول اختبار حمولة حقيقية للعربية من وقت ما جبتها من سنة ونصف
ففعلا في السفر سبع فوائد لاني استفدت جدا جدا في الرحلة دي و بصراحة حسدت اخوانا القاهريين علي تمتعهم بالمعارض الجميلة الشيقة اللي زي اتوماك


محمد فهمي

المشاركة الأصلية كتبت بواسطة okmijn

نورت القاهرة ياباشا
واديك استفدت الفواحات ياراجل
لانك اذا كنت دخلت المعرض دمك كان هيتحرق مع اني مارحتوهوش
ومبروك عليك الفواحات:boxing_smiley::boxing_smiley:

الله يبارك فيك يا زعيم ..لكن انا كنت ملاحظ ان بالرغم من التغطيات الرهيبة لاوتوماك الا ان مافيش حد قام بتغطية صالات الاكسسورات و الكماليات بما ينبغي و المشكلة اني كنت رايح زيارة سريعة فبكل اسف لم استطيع عمل تغطية و انا شايف ان العروض كلها كانت في الاكسسورات و الكماليات

يالا كل اوتو ماك و انت بخير

محمد فهمي