الموضوع: عايز اركب تكييف شاهين ضرورى

بص أنا هكلمك عن تجربة واحد زميلي وهي ان الشاهين اللى معاها كانت موديل 95 وموتور 1300 سي سي رحت معاه اشترى مكيف ساندن الياباني وبعدها المكيف كان حلو بس مش قوي وخصوصا في الحر والزحمة بعدها رحنا لبتاع ردياتير ركبنا ردياتير 3 ماسورة نحاس ومروحة على وش الموتور وبعدها المكيف بقى تبريده شديد جدا حتى في الزحمة لكن الكمبوريسور كان شغال على طول بسبب التسريب من زجاج الابواب ورحنا لبتاع أبواب وضبطلنا الابواب والمكيف بقى زي العربيات الياباني وأحسن كماني (في نظري)

أما بالنسبة ليه فعربيتي الشاهين موديل 2006 1600 سي سي مكيفه والتكييف ما شاء الله حلو والكمبوريسور بيفصل وكل حاجه لكن في الزحمة بيقل كفائته شوية وده بسبب سخونة العربية وتخطيها حاجز ال100 وده اللى بيخلي الكمبيوتر يفصل الكمبوريسور علشان سخونة المحرك تقل ولكن هغير الردياتير بواحد نحاس 3 ماسورة واجرب واقولك


يعنى خلاصة كلامي علشان طولت عليك انك طالما هتركب مكيف يبقى لازم تعمل التعديلات اللازمة وهي تغيير الردياتير وتركيب مروحة على وش الموتور وتغيير بعض الأسلاك زي سلك الأرضي علشان يتحمل المكيف وتضبيط الأبواب ولو عملت ده كله هتشوف التبريد بنفسك وهتبقى قاعد بردان موت جوه