اقتباس:
المشاركة الأصلية كتبت بواسطة meza
برضه فى طريقة لعرض الرأى ...... مش يبقى هجوم أعمى على شىء مشفتهوش أصلاً .... كده ميبقاش رأى.
شكلك كده تقصدني .. عموما كتر خيرك .. بس انت برده مردتش علي سؤالي
اقتباس:
الناس اللي بتقول ان مشهد الإغتصاب مفيد ...
كنت عاوز اسألهم يا تري يرضوا ان اختهم او امهم تقوم بالدور ده علشان توضح المعاناه والمأساه ..يعني الأغراض النبيله والكلام الكبير ده ؟؟؟ أترضاه لأختك ؟؟ أترضاه لأمك ؟؟
ولا حد رد علي السؤال ده
اقتباس:
ويا جماعه اللي دخل الفيلمين دول يقول لنا هو بعد ما اتفرج هايكون اكتسب حسنات ولا سيئات ..
وبعدين انت معترض علي اني مشفتش الأفلام دي .. يعني فيه زجاجه مكتوب عليها "سم بطيء المفعول" وموجوده في محل مبيدات حشريه .. وانا باعترض علي الناس اللي بتروح تشرب من السم ده .. فانا كده يبقي حكمي اعمي ولازم اشرب من السم الأول قبل ما انتقده واقول انه ضار ..
انت عاوزني اتفرج علي ايه ؟؟ انا هاقتبس بعض الكلام اللي انتم كتبتوه
اقتباس:
فيلم زي "حين ميسرة" .. أولا الفيلم معلق لافتة (للكبار فقط) .. و أكيد اكيد مش فيلم رعب .. يبقي أكيد الفيلم فيه بعض الكلام او المناظر الغير مناسبة لغير البالغين
يعني هيا المناظر دي حرام لغير البالغين وحلال للبالغين ؟؟
اقتباس:
يعني مشهد اغتصاب سمية الخشاب من أهم مشاهد الفيلم
اقتباس:
طب ليه ينقول علي افلامنا الابيض و اسود افلام الزمن الجميل و هي كانت مليانة ملابس ساخنة و احضان و قبلات ؟ و كانت سينما جميلة بجد .. بس الفرق ان محدش كان شاغل دماغه بموضوع السينما النضيفة دي .. و كان ده العادي .. و مكنش فيه حد بيبحلق و يريل و كانوا نجمات السينما وقتها قمرات ..
اقتباس:
السينما عملية ابداعية ( وانا بتكلم عن المبدعين الحقيقين و ليس التجار امثال السبكي و غيره و منتجين افلام البورنو من اجل البورنو) .. ممكن نناقش المخرج ( رب العمل ) في مقصده من تقديم مشهد معين و ما غرضه .. انما مينفعش نقوله انت ازاي تعمل كدة !؟ اوعي تعمل كدة تاني ! لأن دي رؤية ابداعية .. ممكن نختلف او نتفق معاه فيها .. انما نحجر عليه فيها .. مينفعش
يعني لو مخرج عمل فيلم فيه فكر عالي وحبكه دراميه لمحاربه المخدرات وفيه مناظر زني ( اسمحلي استخدم اللفظ الأصلي ) .. يبقي عادي ومينفعش نقوله انت ازاي تعمل كدة ؟؟
اقتباس:
المشاركة الأصلية كتبت بواسطة meza
مثلاً مشهد إغتصاب ممكن يخلى شاب يحس على دمه و يعرف خطورة الجريمة دى و شاب تانى .... !!!
فى ناس دخلت حين مسرة و قعدت ساعتين كاملين عشان تتفرج على مشهد و لا مشهدين .... و دول ناس عندهم نقص ... عقلهم مش سليم.
.
.
.