أنا رأيى قريب قوى من رأى الأستاذ / MoToRiZeR

لازم نتفق فى الأول إن كل واحد مسئول عن تصرفاته و هو اللى إختار إنه يدخل الفيلم اللى فيه مشاهد ممكن يعتبرها غير لائقة .. و ممكن المشاهد تأثر فيه بطرق مختلفة حسب نظرته هو للموضوع.
مثلاً مشهد إغتصاب ممكن يخلى شاب يحس على دمه و يعرف خطورة الجريمة دى و شاب تانى .... !!!

أما بالنسبة لفيلم حين ميسرة .... أكيد الفيلم أغضب ناس كتيير . لأنه فيلم جرىء جداً ... و ده مش مدح و لا ذم ... لكن الفيلم دخل فى أمور عمرنا ما فكرنا فيها رغم إنها بتهدد مجتمعنا بشكل خطير و متزايد.

فى ناس دخلت حين مسرة و قعدت ساعتين كاملين عشان تتفرج على مشهد و لا مشهدين .... و دول ناس عندهم نقص ... عقلهم مش سليم.
و فى ناس إستفادت من الفيلم و فهمت إيه الهدف من الفيلم.

الفيلم مليان إبداع رائع من خالد يوسف ... مش عارف إزاى ما أخدتوش بالكم منه و ركزتم بس على كام مشهد من الفيلم.
حتى المشاهد دى مش محطوطة إعطباتاً (زى أفلام تانية) ... لكن دى جزء من الفيلم و ليها هدف.

بصوا للفيلم من ناحية تانية .... الهدف من الفيلم مش إنه ينشر الفساد لكن يحاربه.

حاجة تانية:
أسلوب الرقيب طول عمرى بقول إنه فاشل فاشل .. و هفضل عند رأيى.
الناس دول بالغين و مش محتاجين رقابة .... لو عاوز الغلط هيروحله بألف طريقة.

و لا لو عملوا فيلم بيعرض نماذج مصرية كويسة الفيلم مش هايجيب إيرادات؟
قصدك فيلم عن قصة حياة واحد مثلاً ..... طب و المشاكل اللى مغرقة البلد مين يناقشها؟.

بإختصار .. السينما عملية ابداعية ( وانا بتكلم عن المبدعين الحقيقين و ليس التجار امثال السبكي و غيره و منتجين افلام البورنو من اجل البورنو) .. ممكن نناقش المخرج ( رب العمل ) في مقصده من تقديم مشهد معين و ما غرضه .. انما مينفعش نقوله انت ازاي تعمل كدة !؟ اوعي تعمل كدة تاني ! لأن دي رؤية ابداعية .. ممكن نختلف او نتفق معاه فيها .. انما نحجر عليه فيها .. مينفعش
تمام كده .....